黑炭 Charcoal's 旅遊札記~

好喇~四國自遊行遊記開工~!!😁 訂機票時由香港去高松的起飛時間為8點幾~ 將近出發前的一個月, 收到電郵通知起飛時間改為10點正~回程時間都有更改 太好了👏👏👏唔洗晨咁早就碌去機場~  一個星期後又收到電郵, 心諗:唔係下嘛, 又改時間??? 哦~原來只係更改航班編號 為左唔洗排咁耐隊, 小女子買機票時加買左U-first, 可以優先辦理登機 但原來仲可以去Lounge~~第一次搭乘HK Express, 加左錢都唔知可以😆 Anyway~~食飽飽就等上機~ 由"讚岐烏冬"帶我地出發去烏冬縣的高松市👏👏👏 (香川縣因出名製作烏冬, 因而又名烏冬縣, 而讚岐就係在高松市旁邊) 在機上可購買JR ALL SHIKOKU Rail Pass~計計數應該比在網上或在日本國內購買抵 <2018春。 四國。 自遊行必備。 四國地區鐵路周遊券 JR ALL SHIKOKU Rail Pass> 準時起飛~準時到達高松空港~ 高松市係香川縣的政治、經濟和文化的中心, 亦係來四國的旅客其中一個主要的落腳地 與成田、関西空港、甚至係中部空港相比, 高松空港係一個細小的空港~從行李帶行幾步已經係海關檢查區~ 從檢查區一出的不遠處已經可以見到買出市區巴士車票的自動售賣機 入錢後, 點選所需人數及終點站~ 唔識操作都唔緊要, 會有操普通話的工作人員在旁協助~ 巴士可以去到我地今次入住的酒店 JR Hotel Clement Takamatsu 2號乘車處~ 時刻表 & 行車路線 終點站係高松駅, 而JR Hotel Clement Takamatsu 就係尾二果個站~ 巴士的車頭位置有螢光幕顯示下個站係咩站~ 日文、英文、韓文、繁體中文、簡體中文同步顯示, 同時亦有廣播提示乘客, 絕對唔需要擔心會落錯車~ 大約40分鐘就由高松空港來到JR Hotel Clement Takamatsu 下篇介紹下JR Hotel Clement Takamatsu 今次旅程頭尾夾埋, 小女子共在呢間酒店住左5晚, 非常舒適亦方便移動😊

4月中, 小女子同媽媽兩個人去左四國旅行~ 香港人喜歡去日本, 近年加上廉航的幫助, 一年去幾次都唔出奇, 但相信相比下比較少人會去四國~ 比起東京、大阪、北海道, 四國並唔係熱門的地區~ 而小女子今次又點解會去四國呢?? 因媽媽想去囉~而小女子又未去過~ 趁四國未成為旅遊熱點, 快速地嚟個8日7夜四國自遊行!!!!   簡單介紹下先~ 四國係日本本土四島中面積最小的一個, 位於本州山陰山陽地區的南面四國大致分為四大縣: 香川縣、德島縣、高知縣、愛嬡縣 今次小女子只去左香川縣、德島縣、愛嬡縣3個縣, 留下高知縣下次再去吧~ 從前並無直航去四國的航班, 旅客大多會先飛去大阪的関西空港, 再搭高速巴士或到神戶搭船前往四國 依家就方便得多了, 香港快運(HK express)有直航飛去四國的高松空港, 而香港航空也有直飛去德島的航班 (國泰港龍都好似有飛德島的航班, 但好似只限旅行社包機團, 小女子唔多肯定) 今次小女子就搭乘HK express的直航航班出發去四國 HK express每星期有四班機由香港飛往高松空港, 分別為星期日、一、三、五, 回程亦一樣~ 有人會覺得飛去関西空港再搭巴士去四國時間會比較有彈性, 不竟每日由香港前往関西空港的班次多不勝數, 順道又可以去埋大阪~ 當然每人都有自己的想法及旅遊的習慣~最緊要玩得開心、舒服😊 輪到講下移動方式~ 四國地區的景點不大像關西、關東的集中~所以普遍旅客遊覽四國都會選擇自駕遊 但若好似小女子一樣無車牌的話, 就可以使用鐵路交通~ 並且要好好善用鐵路公司為旅客提供的大優惠--JR PASS吧~!! 由2018年3月起, 新版的JR SHIKOKU RAIL PASS包含埋去小豆島的渡輪及小豆島的橄欖巴士 雖然加左價, 但絕對絕對絕對能夠回本,仲要有凸呀!!! 去日本~當然要食、食、食、一路食啦~!! 到訪四國無理由唔食烏冬~!!! 香川縣又稱為烏冬縣, 盛產烏冬, 好多店鋪都係出售自家手打烏冬 除左烏冬, 當然仲有其他美食啦~!!! 骨付雞、鯛魚飯、五色素麵、鰹魚、雪糕、甜品...... 慢慢再一一介紹😊 文章不日更新, 敬請耐心等候及留意😁 相關文章: 2018春。

本來食完個靚早餐, 就安排去參觀名古屋城, 但由於JR Tower Gate實在太多野行太吸引, 臨時改變行程, 繼續去JR Tower Gate Shopping!!👕👚👝👠🎀👢💸💸💸 <2017冬。名古屋。Day 5(1) 早餐。 The Gatehouse 。 JR Tower Gate Hotel> 講下JR Gate Tower~ JR Gate Tower可說係名古屋的人氣新蒲點, 集合商場、食肆、酒店及辦公室於一身, 係名古屋市地標, 連接著JR名古屋駅 商場部分由B1至13樓, 1樓有之後介紹過大人細佬都好喜歡的 Disneystore 、 どんぐりの森宮崎駿動畫專門店 , 仲有紐約早餐女皇 Sarabeth's   <2017冬。名古屋。Day 1(3) Disneystore 。どんぐりの森。 Nagoya JR Gate Tower> <2017冬。 名古屋。 Day 4(1) Sarabeth’s。 紐約早餐女王。 冬季限定。 JR Gate Tower> 高島屋Gate Tower Mall 位於B1至8樓, 去到9樓至10樓係超吸引的 Bic Camera , 呢兩層的Bic Camera 除左電器產品外, 仲有藥妝品、食品、酒類、玩具等等的產品, 我地一家就係被trap左係呢度😆 11樓全層係 UNIQLO 同埋姊妹店 GU 而12至13樓就我地差不多晚晚去搵食的餐廳所在地 Gate Tower Plaza 美食街 <2017冬。名古屋。Day 1(2) 東京名店。 梅丘寿司の美登利総本店> <2017冬。 名古屋。 Day 3(4) 炭火厚燒牛舌。 牛たん炭焼 利久。 JR Gate Tower>  <2017冬。 名古屋。 Day 3(5) 讃岐うどん 野らぼー。 JR Gate Tower 。世界の山ちゃん>  <2017冬。 名古屋。 Day 4(4) 晚餐: 豚組しゃぶ庵。 JR Gate Tower> 15樓就係前面文章介紹過的全日本最高的Starbucks, 便利店、藥房 &