2019 秋。北九州。親子。門司港。復修完成的門司港車站。下關唐戶市場
繼續2019的北九州遊記~~ 是日超強颱風海貝思吹襲日本, 關東地區打大風, JR東京、新幹線都停駛, 但感恩我們身處九州 天氣大致上都可以, 密雲, 間中有陽光, 只係偶然十分大風, 在九州都感受到海貝思的厲害 我地原訂的行程可以繼續, 是日會去門司港、下關的唐戶市場及海響館 影響並唔算太大, 列車班次有稍微延遲, 回程時由小倉回博多的特急Sonic 38號遲左3分鐘喇😆 由博多前往門司港, 首先搭乘特急Sonic從博多去小倉 特急Sonic的列車外觀很有特色, 裡面都很特別, 車廂的座位枕頭好似米奇老鼠的耳朵 到了小倉站換普通JR前往門司港～ **溫馨提示: 回程時, 由門司港到博多, 在小倉轉車需要上一層樓梯再落返4號月台, 去程就唔需要, 只要行過對面月台轉車就可以 歷史悠久的門司港駅 門司港駅在大正時期的1914年興建, 係JR九州最古老的木結構車站建築物, 亦係九州地方最初的鐵路 在1988年成為"日本重要文化遺產" 2012年, 車站開始進行整修, 所以上兩次到訪時, 門司港駅被重重的圍封著 車站復修在2019年3月10日完成, 終於都可以見到靚靚的門司港駅喇😊 門司港駅有幾個出口, 分別通往不同的景點, 東口前往九州鐵道記念館 有關九州鐵道記念館的遊記, 可參考: 九州 福岡縣。 門司港。 下關。 唐戶市場 我地就由北口出, 前往下關唐戶連絡船的碼頭, 乘搭連絡船先去下關唐戶市場食早餐~ 車站與碼頭的距離其實好近, 行去唔洗5分鐘 除左去唐戶港之外, 碼頭仲有船去巖流島~ 由門司港前往下關一程船費係400yen/大人, 200yen/小孩 可以一次過買往返劵, 但並無折扣優惠😅 連絡船 天色開始陰暗~雲層亦越來越厚~~ 大約10分鐘的船程, 連絡船就帶我地由九州黎到本州了 下關的唐戶市場就在碼頭的不遠處 歷史悠久的下關唐戶市場, 平日主要係漁業批發及一般零售 到左星期五六日假期會舉行限定的活動「活きいき馬關街」 市場內有一條街的各店舖會售賣各式各樣的壽司、刺身飯、炸物、熟物等等, 大家都趁呢個機會黎品嚐美食, 非常熱鬧 若大家肚仔餓或者在深夜時份, 敬請唔好繼續觀看此文章~!!!!!慎入~!!! 準備好未?? Ready?? GO!!! 魚生丼哦~~~ 林