黑炭 Charcoal's 旅遊札記~

在拉麵小路食完午餐  出發去下一個景點--宇治 當天天氣十分好  藍天白雲襯托下的京都塔 一講到宇治  相信大家都會諗到抹茶  身為抹茶控的小女子   到訪左關西都好幾次   今次才第一次去宇治   為何?? 因為小女子起初認為去宇治好似就係去食下抹茶甜品買下抹茶產品咁  其他地方都有得食有得買  無必要專登去一去~ 同埋關西實在太多地方值得去   所以直至到今次的旅程才踏足宇治 除左抹茶&抹茶~其實宇治都有吸引人之處~   係一個好值得加入行程的地方 吹水完畢😬~出發!!!   從京都駅出發去宇治  要到10號月台--稻荷。宇治。奈良方面  搭乘奈良線的普通列車 大約半個鐘頭就到達宇治   十分便利 呢個係宇治的吉祥物?? 旁邊有屬於宇治駅的印章~儲開印仔的遊人要留意喇 宇治必影😝--茶壺型郵筒 宇治話大唔大~話細唔細~悠閒地可以行一整天 因我哋只安排左半日時間到訪  嚟個快閃宇治吧~!! 一走出宇治駅  過對面馬路就係宇治的商店街~ 當天唔知有咩特別節目~ 商店街上擺滿晒小攤位  食的玩的都有  非常熱鬧 雖然小攤位係好吸引~但暫時都唔能夠奪去我哋的眼球    因我哋嚟宇治最重要的目的係-- 到中村藤吉本店朝聖!! 一出宇治駅過馬路就會見到 中村藤吉本店 嫁啦~!!  非常易去 "行得快真係好世界"~點解??  請留意下篇 < 2017夏。大阪岡山。Day 2(4) 宇治-中村藤吉本店 。 無可取代的味道 > 朝完聖~去行行熱鬧的商店街 熱鬧還熱鬧  但行商店街的遊客唔太多   多數係當地的媽媽帶同小朋友或小學生們三五成群一齊玩 有很多小食攤   整條商店街都瀰漫著食物的香氣~~~ 除左中村藤吉之外~各家抹茶的名店都可以在宇治搵到 例如: 辻利 冰凍的原條青瓜~ 呢檔係賣燒肉串的~離很遠都已經聞到好香~~~ 有刨冰~可自行把想要的口味唧在冰上面~ 對面的攤檔係賣原個北海道男爵薯仔   師傅在薯仔上介個十字~之後再把一大"pat"牛油放係面~~超邪惡!!!~

參觀完世界文化遺產二条城後~搭返地鐵返去京都站食個午餐~ 從 二条城 回 京都駅： 地鐵東西線二条城前T14-->烏丸御池站T13--K08轉烏丸線-->京都K11 返到京都~小女子同狂人弟決定再去 拉麵小路 食拉麵 在京都車站旁伊勢丹百貨樓上的拉麵小路   有好多間來自日本各地的拉麵店  總有一間啱口味 在人來人往、十分繁忙的京都站內~小女子同狂人弟突然迷失左方向~~~ 搵唔返之前通往拉麵小路的路線...... 本想去伊勢丹旁的京都總合觀光案內所問問~幸好在觀光案內所旁邊看見"拉麵小路"的指示了~  就在下圖的"眺望GATE"位置 上左好幾十級樓梯...去到呢個平台~~"拉麵小路係邊呢??" 繼續上吧~~放心~!!旁邊有扶手電梯的~~ 上呀上~電梯接電梯~ 記得在京都伊勢丹未裝修好以前~有條扶手電梯直達嫁喎~點解家陣的路線會咁崎嶇既?? Anyway~~~終於到左位於伊勢丹10樓的拉麵小路~!!👏👏👏有午餐食喇~!!! 第一、二次到訪時~我哋都係揀左食來自九州博多的 博多一幸舍    因食左一次之後真係回味無窮   又濃又香的豬骨湯底拉麵😋  一幸舍的唐揚(即係炸雞)都好好食嫁 但無理由三次都食同一間嫁嘛(其實都可以...)    今次揀左呢間~~ ますたに 點解揀ますたに??  因為有好多日本人排隊😁  日本人排隊的食店應該值得一試 ますたに 係京都的代表~在京都終於食返屬於京都的拉麵 湯底係以雞骨熬製而成的  加上秘製醬油和膠原蛋白豐富的背脂??(係咪即係肥膏呀?!) 利用自動售賣機購買心水食物的食劵~入座時把食劵交給店員 手繪圖畫的MENU~ 等左一陣就被安排入座2人位~木板的後面係另一張2人枱~ 其實嚴格嚟講好似係放置一塊木板在一張4人枱中央咁~ 木板唔太高  我諗木板的作用係用來遮擋著當客人低下頭食野時的食相~  免得尷尬 店舖面積不大~我哋坐果張枱的後面有張4人枱~而另一面就係bar枱   大約有8個座位 由於太餓的關係~除左拉麵之外   我哋ord