2017夏。大阪岡山。Day 2(2) 京都-拉麵小路

參觀完世界文化遺產二条城後~搭返地鐵返去京都站食個午餐~

從 二条城 回 京都駅：

地鐵東西線二条城前T14-->烏丸御池站T13--K08轉烏丸線-->京都K11

返到京都~小女子同狂人弟決定再去 拉麵小路 食拉麵

在京都車站旁伊勢丹百貨樓上的拉麵小路   有好多間來自日本各地的拉麵店  總有一間啱口味

在人來人往、十分繁忙的京都站內~小女子同狂人弟突然迷失左方向~~~

搵唔返之前通往拉麵小路的路線......

本想去伊勢丹旁的京都總合觀光案內所問問~幸好在觀光案內所旁邊看見"拉麵小路"的指示了~

 就在下圖的"眺望GATE"位置

上左好幾十級樓梯...去到呢個平台~~"拉麵小路係邊呢??"

繼續上吧~~放心~!!旁邊有扶手電梯的~~

上呀上~電梯接電梯~

記得在京都伊勢丹未裝修好以前~有條扶手電梯直達嫁喎~點解家陣的路線會咁崎嶇既??

Anyway~~~終於到左位於伊勢丹10樓的拉麵小路~!!👏👏👏有午餐食喇~!!!

第一、二次到訪時~我哋都係揀左食來自九州博多的博多一幸舍   

因食左一次之後真係回味無窮   又濃又香的豬骨湯底拉麵😋  一幸舍的唐揚(即係炸雞)都好好食嫁

但無理由三次都食同一間嫁嘛(其實都可以...)   

今次揀左呢間~~ますたに

點解揀ますたに??  因為有好多日本人排隊😁  日本人排隊的食店應該值得一試

ますたに係京都的代表~在京都終於食返屬於京都的拉麵

湯底係以雞骨熬製而成的  加上秘製醬油和膠原蛋白豐富的背脂??(係咪即係肥膏呀?!)

利用自動售賣機購買心水食物的食劵~入座時把食劵交給店員

手繪圖畫的MENU~

等左一陣就被安排入座2人位~木板的後面係另一張2人枱~

其實嚴格嚟講好似係放置一塊木板在一張4人枱中央咁~
木板唔太高  我諗木板的作用係用來遮擋著當客人低下頭食野時的食相~  免得尷尬

店舖面積不大~我哋坐果張枱的後面有張4人枱~而另一面就係bar枱   大約有8個座位

由於太餓的關係~除左拉麵之外   我哋order左個炒飯share食~~

雖則係好普通的蛋炒飯  無咩特別的材料  但好食喎~!!炒得好乾身  粒粒分明 

講返拉麵~呢個係普通版的拉麵+溫泉玉子
個碗好特別~係中國風的~有龍有"囍"字圖案~

拉麵係幼麵配上濃濃的雞骨湯頭   面層有一粒粒白色的"膠原蛋白豐富的背脂"😅

溫泉玉子係好食既~但食落去無"WAO"一聲的感覺~比暖暮的遜色

九州 美食。 九州拉麵總選舉第一名 。 暖暮

狂人弟的特別厚切拉麵

除左特厚的叉燒外~ 湯底都比普通版拉麵的濃郁~

小女子覺得ますたに的湯底略咸~食落去亦比較肥膩  食的時候都飲左好幾杯冰水~~

反而個蛋炒飯係喜出望外地好食~有驚喜~!!

 總括而言~我哋都係比較喜歡九州代表--豬骨湯底拉麵多啲~

重口味人士可以試試ますたに~

京都 拉麵小路
位置: 京都駅 伊勢丹百貨10樓
營業時間: 11:00-22:00

p.s. 離開時先發現~其實在伊勢丹百貨裡面的升降機係可以直上到拉麵小路的~~我哋傻仔左😑~~

算吧~當係欣賞下已裝修完的伊勢丹戶外藝術空間....😆