初訪東京。續。走進奇妙的世界。 Tokyo Disneyland。迪士尼樂園。遊玩心得分享(下)

6月 21, 2017

上回講到: 欣賞完復活節巡遊表演"兔耳蛋大脫逃!"~帶著歡樂的心情去玩多轉怪獸電力公司"迷藏巡遊車"

<初訪東京。走進奇妙的世界。 Tokyo Disneyland。迪士尼樂園。遊玩心得分享(上)>

玩完就當然去左消費~帶隻毛毛返香港啦😊 之後就周圍行下影下相~

多謝你呀!!Mr. Walt Disney~!!

🌸在樂園見到兩棵櫻花樹~🌸

影影下相~見到好多人攞住食緊香噴噴的火雞脾~~喚醒左我地昨日在DisneySea品嚐火雞脾美好的回憶~

立即開始搜尋火雞脾!!!

行過去探險樂園~
呢間餐廳大排長龍~食咩既呢??呢間叫做中國航海家係提供中式餐點既~原來日本人都幾鍾意食中國菜😏

再行入少少~搵到火雞脾啦!!!!!!

火雞脾真係好好味~!!有少少煙燻的味道~啖啖肉~強烈推介!!必食!!

食完好好味的火雞脾~行行下行左去西部樂園
呢個係東京迪士尼另一熱門遊樂設施--巨雷山
本來想排隊玩~但長長的人龍排到差不多去到山腳......
睇睇時間~可以攞下張Fast Pass喇喎!!👏👏感恩😊

感恩地攞完巨雷山的Fast Pass~我地繼續遊走西部樂園~~

在巨雷山的旁邊~有個新新地的~在2016年11月開幕的新園區"Camp Woodchuck"

"Camp Woodchuck"係以迪士尼唐老鴨漫畫"Junior Woodchuck"為設計藍本的~

園區內有間餐廳"土撥鼠營地廚房Camp Woodchuck Kitchen" 主要提供由窩夫做成的漢堡🍔

咦?! 小火車路軌旁邊有隻野喎~~~~

係兔耳蛋呀!!

買完食物後可以到右手邊的地方享用~有室內亦有室外座位

在Camp Woodchuck園區~可以入去Woodchucks Greeting Trails同著住軍綠色衫的唐老鴨同黛絲見面~

但要見特別造型的唐老鴨同黛絲係要付出代價既~就係要等一個鐘頭!!!

本來諗住夜少少再行過嚟睇下會唔會無咁多人排隊~點知排隊顯示牌都係一樣顯示要等一個鐘😂 只好放棄....影左Poster當影左啦~😆

在Camp Woodchuck的河邊見到有隻獨木舟駛過~係動物天地的遊樂設施海狸兄弟獨木舟歷險呀!

舟上面的人好似好用力咁划呀划~獨木舟的最前同最後由兩位工作人員負責
呢個遊樂設施~無論係工作人員或係玩的遊人都應該要花少少氣力~
工作人員仲同在岸邊觀看的我們打招呼~

沿著河邊行~見到一隻在No Fishing標誌旁釣魚的兔耳蛋~😝

行返去動物天地~開始有啲餓~係時候正正式式坐底食野

我地去左Grandma Sara's Kitchen莎拉奶奶的廚房

睇睇餐廳門口的Display先~好似幾吸引咁喎~就呢間啦~!!
食完一陣順路去隔離玩飛濺山

有期間限定的復活節Special Set~!!!

我地點左復活節Special Set加埋復活節甜品

唔知係咪因為我地肚餓~呢個復活節Special Set唔單只外觀睇得~仲要係好食嫁喎!!

見到蕃茄汁炒飯係蛋造型嗎?😊 跟餐蛋糕好香牛油味~好食!!

復活節甜品係~士多啤梨mousse檸檬啫喱~mousse唔太甜加上清新的檸檬啫喱~好食!!

裝甜品的杯可以攞走~因為個價錢已經包左😂~

正當小女子煩惱要洗乾淨個杯先放得入袋之際~發現原來杯入面有個透明膠杯~甜品只係盛在膠杯裡面

食完後只需要拎走膠杯~就可以安心把手信杯收藏~

日本人的設計真係好窩心💕

(其實正因為入面有個透明膠杯甜品的份量只係得杯的一半~~咁又算唔算有點搵笨呢?~ anyway~~小女子都係覺得日本係為遊人設想的~好窩心~👈已中日本毒太深😝)

(咦?!講開呢個杯~~完全唔記得左放左去邊😂)

好啦~食飽飽~係時候攞返張Fast Pass出嚟~去隔離玩飛濺山啦~!!

8 人坐著木頭造型的小船~ 先係平靜地好似小小世界咁~沿途欣賞下動物們唱歌跳舞~中段會開始有點落斜~但好戲在後頭~最後有一下係露天的~從高處衝落去!!幾刺激嫁~!!

會唔會濕身?? 小女子同狂人弟剛被安排坐船頭~~所以....都ok濕😝

玩完飛濺山出到嚟見到佢地~

仲見到佢~

之後在不遠處~濕濕地身的我地仲同左風中奇緣的主角Pocahontas同埋浣熊米糕影相~😊

就係影相的一分鐘過程~Pocahontas不斷同我地傾計~動畫裡面Pocahontas係咁talkative的嗎?😂

影完相準備同佢地say bye的時候~熱情的米糕係都要同我地hi five先俾我地走😝

就係在呢度衝落嚟啦~!!!

都真係有點刺激!!呢度仲要係遊樂設施的影相位~!!離開遊樂設施前出口有螢幕可以睇返張相~有興趣的可以買張作為留念~

飛濺山的安排佈局得好好~一開始平平靜靜~當去到中段時開始覺得無聊的時候就開始有點向落"小衝"~每經過一個"小衝"就會越嚟越緊張~諗幾時到"最後一衝"呢?!?當小木船上斜坡而開始見到外面的光~大家都十分興奮😝😝

雖然玩之前已經在外面睇到有"最後一衝"~但"最後一衝"真係好正!!!

推介指數: 5粒星🌟🌟🌟🌟🌟 (5粒星為滿分)

p.s. 記住攞fast pass!!

玩完飛濺山~我地又行返去夢幻樂園~今次玩小飛俠天空之旅

2人坐著一架飛船造型的車~ 車係吊起的~彷彿坐著飛船在天空飛翔~沿途欣賞小飛俠的場境~
飛船會"飛"到倫敦、夢幻島、鐵鉤船長的海盜船~未夠3歲的小朋友都可以玩嫁~

縱使排隊的人好多~但因整個遊玩過程只有3-4分鐘~所以唔需要排太耐~

因為"飛船"的關係~小飛俠天空之旅比想像中有趣~有小朋友同行的要玩~無小朋友的都可以玩下~

推介指數: 3.5粒星🌟🌟🌟 (5粒星為滿分)

之後玩埋附近的白雪公主冒險旅程
與小飛俠天空之旅類似~4人坐著一架車~坐著欣賞白雪公主的場境~但同小女子的預期有點出入~
惡毒的皇后同巫婆佔左遊樂設施好大的比重~小朋友可能會覺得驚驚(門口有提醒告示)...
後半部分終於見到7個小矮人同白雪公主~點知好快已經玩完😂~亦無小女子想像中的最後情境-王子出現拯救白雪公主

對白雪公主冒險旅程有點失望~一來比預期的內容無咁豐富~二來過程太短太快結束~

可能剛玩完小飛俠天空之旅~有得比較之下~白雪公主冒險旅程就失色左少少~

推介指數: 2.5粒星🌟🌟 (5粒星為滿分)

夢幻樂園仲有米奇魔法交響樂、小木偶奇偶記、小小世界
米奇魔法交響樂同香港迪士尼的內容相同但就講日文既~
小木偶奇偶記就同白雪公主冒險旅程、小飛俠天空之旅差唔多~都係坐住車欣賞卡通的場境~
至於小小世界~由2017年3月1日起關閉進行翻新工程~未知幾時會重開~

見到鐵鉤船長~

迷李版的白雪公主~

東京迪士尼的城堡比香港迪士尼的城堡大而且可以入去參觀~城堡裡面會展示部分灰姑娘即仙履奇緣的場境~

又到Shopping時間~期間限定的復活節產品~卡通人物們都換晒復活節新裝~當然唔少得有兔耳蛋的產品~

整個樂園的周圍都佈滿復活節的裝飾~十分色彩繽紛!!

阿力&朱迪的復活蛋

天色開始暗~溫度亦開始跌~漸漸有寒風同雨粉...

遊樂設施都玩得7788~晚上的東京迪士尼仲有兩個十分精彩的表演~分別係夜間巡遊"東京迪士尼樂園電子大遊行~夢之光"同埋煙花表演"幸福滿夜空"

(請注意: 夢之光會在2017年7 月11日翻新登場)

在寒風微雨之下~一邊食雪糕😆~一邊等~

朱古力碎碎比綠茶的好食~

食食下雪糕...
樂園宣佈:夢之光巡遊取消!!!!因天雨關係.....
好失望呀!!!小女子對夜間巡遊超級期待嫁!!!
夢之光巡遊取消左~咁大家仲係度等咩呢?? 樂園又宣佈: 有個叫"Nightfall Glow"的表演即將開始~Nightfall Glow?咩嚟嫁呢??

原來係僅在雨天先會有的夜間巡遊"夜幕彩輝""Nightfall Glow"~!!!

當雨滴直落不停，「東京迪士尼樂園電子大遊行～夢之光」也因天公不作美而被取消演出時，可別急著望天搖頭嘆息。僅在此時登場的迷你夜間遊行「夜幕彩輝」將與您見面，為雨中園區增添光彩！
「越是下雨天，越要保持神采飛揚的好心情！」
換上雨夜亮麗裝扮的美妮、黛絲等迪士尼明星來到遊行路徑囉！一台台可愛的花車將在燈光魔法中展現七彩風貌，並於細雨綿綿的園區散發耀眼光輝。
這場與水滴共舞的夜間遊行，將由卡通城出發，經過灰姑娘城堡前的圓環、西部樂園、直到夢幻樂園，為遊客帶來有別於晴天的繽紛時刻。
👆東京迪士尼官網介紹👆

由Sleeping Beauty睡公主的3個仙子婆婆先登場