京都 哲學之道。 賞櫻

去日本賞櫻要去京都~嚟到京都賞櫻一定要去哲學之道🌸
"哲學之道" 名稱的由來係日本的哲學家西田幾多郎 常在這散步、思考而得名

建議可先到蹴上鐵道賞櫻 再慢慢散步前往 經過南禪寺、永觀堂 再到哲學之道
我地就係採取呢條賞櫻路線

或可搭乘巴士5、17、100在銀閣寺道下車 只要有到銀閣寺、銀閣寺道的巴士就可以到達

若從大阪出發 可乘JR到JR京都駅 就可以搵到以上的巴士嫁喇

到訪日期: 2013年4月1 日

去完超美的蹴上鐵道賞櫻後 慢慢行繼續賞櫻之旅

<京都 蹴上鐵道 。絕美 。賞櫻必去>

行左大約30分鐘  終於到哲學之道的南面入口

我地從南端的入口南禪寺間進入  準備一路行到去北端入口銀閣寺（今出川通）

開始再被櫻花花海包圍

🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸

滿開的櫻花真係好奪目好美

哲學之道沿路兩旁種植的櫻花大部分係"吉野櫻"

但在哲學之道的櫻花有另一個名稱  叫做"関雪櫻"

由來係大正十年 二十世紀初期 著名畫家 橋本関雪夫婦在沿路兩旁種植櫻花

所以哲學之道兩旁的櫻花亦得名為関雪櫻

雖未至於好似蹴上鐵道的櫻花咁滿開 但在小橋流水的點綴下 令哲學之道加添美感

滿開的哲學之道一定美到爆炸

櫻花季節 哲學之道必然人頭湧湧

唔想咁迫人 記住早啲起身啦~做隻早起的鳥兒

盛開著粉白色的櫻花 加上晴朗的藍天

☁感恩有著好天氣🌞

小溪流水  盛開奔放的櫻花  構成一幅又一幅美麗的圖畫

若有一陣風吹來~就會出現櫻吹雪的浪漫美景💕

哲學之道兩旁有不少民居🏡 到訪時請不要大聲喧嘩 盡量將音量收細

做個有公德心有禮貌的好旅客

途中有好多可愛的咖啡店與特色商店 不妨逛逛買買紀念品

行到累可以坐低飲杯野休息下🍵

唔知熊bear bear一家🐻 釣到啲咩呢~

可愛的日本小姐正在賣櫻花味雪糕🌸🍦  我地都有幫襯嫁

 櫻花味即係咩味呢~~~甜味囉~

 總括而言: 櫻花係好睇唔好食的~!!

行下 睇下 食下野 影下相 話咁快就行到去哲學之道的北面入口

可順路參觀埋銀閣寺

但若然想去銀閣寺睇櫻花  一定會失望  因為銀閣寺裡面係無櫻花的

大多係松樹  裡面唔太大  好快就會逛完

離開哲學之道往前走  行去巴士站等車返京都站

巴士站對面的路邊一整排櫻花盛開得超級壯觀

嚟個全景圖~

一邊等車一邊欣賞著盛開的櫻花群  等車都唔覺得耐😁

有時間可以沿著右面的步道漫步一下

從銀閣寺到若王子神社約2公里步道哲學之道被列為日本之路百選

春天時前往可欣賞漫天盛放的櫻花   秋天的時候 亦可賞楓葉🍁🍁🍁

咁美麗的地方  唔好錯過呀😀