大阪 海游館。親子好去處

小女子有舖水族館癮 🐳好鍾意睇海洋生物 🐋

今次介紹的大阪海游館
一齊去探訪世界上最大的魚類"鯨鯊"😊

未入去已經被海游館的外觀吸引著   特別的外型+牆身有多種的海洋生物

搭乘地鐵中央線到C11大阪港站 2號出口 沿途都有指示 唔使擔心搵唔到

出站後大概行五分鐘就到喇

未見到海游館會先見到呢個超巨型的天保山摩天輪

用大阪周遊卡可免費搭乘

旁邊係天保山購物中心 呢個購物中心其實係個小商場  無咩野行

但有很多著名食店的分店 e.g. 自由軒咖哩飯🍛 北極星蛋包飯

行完海游館可以順路去食下野

講返海游館~

海游館面積好大 慢慢逛可以行四五個鐘 加埋天保山周圍的景點  一日行程搞掂👍

入場劵上面印有海游館不同的動物

入場啦!!

首先會經過一條短短的海底隧道 打開進入海洋世界的序幕

一堆唔知咩野魚😬

乘搭長長的扶手電梯 就嚟到可愛的小爪水獺的居所

佢地堆埋一齊 玩層層疊

旁邊仲有力爭上爬的紅色小螃蟹 同埋極醜樣的娃娃魚

之後就見到超級可愛的海獺

毛茸茸的海獺游緊背泳 仲識望鏡頭嫁😄

跟住係海狗海豹區

懶洋洋的躺係木板上面 瞓晏覺 真寫意

曾經睇過一個講動物的日本節目而認識水豚呢種生物

水豚係會發出一啲好低沉而特別的叫聲

佢維持左呢個姿勢好耐 郁都唔郁...

可愛的水豚

又點少得最受小朋友歡迎的企鵝

🐧🐧🐧🐧🐧🐧🐧🐧🐧🐧🐧🐧🐧🐧🐧🐧

行路時呀下呀下 好似好論盡咁 好可愛呀😊 但一落到水就游得好快好靈活

睇下佢幾威

小女子最鍾意的海豚出場啦!!🐬

又乖又聰明的海豚 超近呀~!!!

小海豚跟隨著唔知爸爸定係媽媽後面游呀游  游水的時候超優美~

好可愛😍好溫馨💕

跟著嚟到超巨型水族箱~
呢個深度九公尺超大水族箱係用30公分厚的壓克力玻璃acrylic glass製成
可以承受住超大的壓力

裡面除左有好多各式各樣的魚🐟之外

仲有海遊館的最大賣點~鯨鯊!!

鯨鯊係世界上最大的魚類

見住佢傲慢咁游呀游~

肥嘟嘟的海豹  雖然個個肥嘟嘟  但係游水游得好快好快

其中有一隻仲識得同遊客玩

我地拿著膠水樽貼近玻璃吸引佢  佢竟然跟著我地的水樽游  太可愛喇!!

珊瑚礁生態區 色彩繽紛的海底世界 好似置身於小魚仙的世界

不同的區域每日都有餵食時間  餵食時間表可在入口、各區、或官方網址查看

若想睇下工作人員同可愛的動作互動記住留意喇

工作人員餵緊翻車魚食野

海遊館的水族箱雖然唔係特別寬濶  但係都很深

而館內的設計係旋轉式的斜坡  讓遊客可以從最上面逛下來 從不同的角度探索神秘的海洋

魔鬼魚在海中飛翔~

一大群回流的沙丁魚~~畫面超震撼!!!

海龜呀!!

海遊館十分貼心~在洗手間旁的玻璃前面設置左椅子 讓遊客可以坐底慢慢欣賞海洋的美麗

亦可幻想自己潛左入深海  同牠們一齊寫意地游呀游~

工作人員正在清理缸底 百厭的企鵝游埋嚟啄工作人員的氧氣樽

好大隻的長腳蟹~好好味呀!!😝

各式各樣的水母

離開水母區~就嚟去到海遊館的尾聲~但好戲在後頭

抬頭往上睇睇~~~係肥嘟嘟的海豹呀!!!

更近距離的接觸~海豹抬高頭同我地say Hi呀!!

再行前少少~可以在開放式區域見到不怕熱的跳岩企鵝

親身感受下佢地係度吵架?傾計的聲音同埋氣味😅

再嚟就要進入觸摸區喇~池裡面有超多魔鬼魚同鯊魚

觸摸佢地之前記緊要係旁邊的洗手區洗乾淨手先呀

兩種完全唔同的感覺~

鯊魚摸起來好粗好"鞋"~相反魔鬼魚就超滑~滑嘟嘟的~ 好有趣的體驗

仲有條熱情的魔鬼魚不斷游向池的四周 同不同的遊客打招呼

最後當然唔少得販賣部啦~ 記住帶可愛的海洋生物返屋企啦

🐋🐟🐙🐠🐡🐢🐧🐳🐬

去旅行最怕打風落雨 搞到心情都down晒...室內景點就不受影響喇

兩訪海游館 一次打風天 一次係落雨

若碰巧落雨 安排嚟海游館吧😁

門票: 大人2300yen 、中小學生1200yen 、60歲以上2000yen

         幼兒(4歲以上)600yen 、 (3歲以下)免費

營業時間: 10:00-20:00 (最晚入館時間為閉館前1小時)

營業時間會根據季節會有變動

官方網址: http://www.kaiyukan.com/