初訪東京。 續。 尋找Duffy的國度。 Tokyo DisneySea。迪士尼海洋。遊玩心得分享(下)
返嚟啦~!!!小女子同狂人弟剛"返"左轉大阪~
今次去左遠少少的岡山同埋倉敷 遊記持續更新^^ 先繼續"初訪東京"
上回講到~係時候去玩玩具總動員瘋狂遊戲屋
提多次大家~記住攞Fast Pass! 記住攞Fast Pass!! 記住攞Fast Pass!!!
初訪東京。 尋找Duffy的國度。 Tokyo DisneySea。迪士尼海洋。遊玩心得分享(上)
等侯的場區十分色彩繽紛 整個環境都好歡樂
排隊的人龍超長~~好在有Fast Pass 但有Fast Pass唔等於可以即刻有得玩 因唔係得你一個有Fast Pass嘛
但當然快好多~大約等左5-10分鐘就到我地喇 如果唔係真係等到天荒地老~~
呢條就係Fast Pass的通道~
究竟咁受歡迎的玩具總動員瘋狂遊戲屋係玩咩既呢~??
其實同香港迪士尼的巴斯光年的射槍遊戲有啲類似~兩個人坐在車內周圍射 有分數計
不過呢個係射飛標唔係射電光 同埋要戴著3D眼鏡玩的
不過呢個係射飛標唔係射電光 同埋要戴著3D眼鏡玩的
一齊走進Andy的房間喇~!!
就係坐呢啲車喇~到我地玩啦~!!!
其實玩的途中 架車都移動得幾快(唔通係多人等?!) 好快就去到下一個場境 休息的空間時間好短 所以玩完全程之後隻手好累
我地最終的得分~
超級好玩~!!雖完會手軟但玩完會好想再玩多次~!!難怪一入場大家就衝入嚟攞Fast Pass!
玩具總動員瘋狂遊戲屋絕對唔可以錯過呀!!!
推介指數: 5粒星🌟🌟🌟🌟🌟 (5粒星為滿分)
玩完DisneySea的皇牌遊戲後都係時候食Lunch~~
我地去左都係位於美國海濱的New York Deli紐約美味房 New York Deli 係食三文治類的
我地點左兩個Set加一件New York Cheesecake Set跟薯條同飲品
分別係Mile High Deli Stack Set 同埋 New York Deli's Special Set
New York Deli's Special Set係以近期DisneySea的人氣人物Stella Lou為主題
若買呢個餐再加千幾Yen就可以換購 Stella Lou造型的小手袋
講返個包先~粉紅色的包再加埋有朵紫色花~成件事好Lady好夢幻
餡料好豐富~碎蛋、蝦、雞肉、生菜、蕃茄、紫洋蔥、牛油果醬 除左有靚靚的外表 味道都唔錯嫁
但跟呢個餐的凍薯仔餐湯的味道同感覺就好古怪...可能因為我地飲唔慣凍湯再加上當天實在太寒冷...
至於果件額外order的New York Cheesecake就好普通 驚喜係旁邊的紅莓醬幾好食喎
New York Deli紐約美味房賣的都可以話係高質數的三文治 都算係一個唔錯的選擇
至於果件額外order的New York Cheesecake就好普通 驚喜係旁邊的紅莓醬幾好食喎
New York Deli紐約美味房賣的都可以話係高質數的三文治 都算係一個唔錯的選擇
食飽飽~係時候行下街街睇下野喇~
同大家介紹下先~DisneySea係Duffy的主場 除左周圍都見有Duffy的踪影外 仲有Duffy的朋友仔~
呢隻淡綠色的貓仔係畫家Gelaton 在香港迪士尼都可以見到佢嫁
登登登登~!!!!為大家隆重介紹~
呢隻可愛的紫色兔仔~佢個大名叫做Stella Lou~係一位舞蹈家 亦係Duffy的朋友仔~
雖然Stella Lou係近期DisneySea推出的新角色 但已經火速地成為大家的喜愛 係依家DisneySea的人氣王
在樂園裡面時常都會見到遊人抱著Stella Lou
因Stella Lou係一位舞蹈家 所以有跳舞的裝扮 但本身公仔係無裙仔著嫁 跳舞裙必須另外購買 日本人的營商手法👏
當然唔少得主角Duffy同埋女朋友仔Shelliemay
搵完Duffy同埋朋友仔~我地就行左去神秘島 玩地心探險之旅
地心探險之旅係繼玩具總動員瘋狂遊戲屋之後 DisneySea另外一個熱門遊戲
地心探險之旅係繼玩具總動員瘋狂遊戲屋之後 DisneySea另外一個熱門遊戲
好在食Lunch之前過左嚟攞Fast Pass
食完Lunch~行左陣街就可以去玩喇~
排隊會經過的地區 佈置得好detail
地心探險之旅係坐探險車 周圍睇睇在地底奇形怪狀的生物 起初有啲沉悶 但到左最後有一段會有少少刺激位
都幾好下玩 當你以為平平淡淡咁結束 點知最後有驚喜
推介指數: 4粒星🌟🌟🌟🌟 (5粒星為滿分)
復活節Special~兔仔耳頭cool 初頭在其他舖頭只係見到下面果個波波 仲係度諗點解個毛毛波有條帶既呢?! 其實原來毛毛波係同個頭cool係一set嫁 毛毛波係兔仔條尾.... 當天真係見到有個日本妹戴住兔仔耳頭cool、束著兔仔尾扮兔仔~日本妹真係好kawaii呢~......
復活節Special~兔仔耳頭cool 初頭在其他舖頭只係見到下面果個波波 仲係度諗點解個毛毛波有條帶既呢?! 其實原來毛毛波係同個頭cool係一set嫁 毛毛波係兔仔條尾.... 當天真係見到有個日本妹戴住兔仔耳頭cool、束著兔仔尾扮兔仔~日本妹真係好kawaii呢~......
右圖的迪士尼人物造型復活蛋好可愛呀~但由於包裝都幾阻訂 小女子的理智戰勝左購買的意欲
行到去美人魚礁湖 呢度係以卡通片小魚仙為主題的園區
首先會見到小胖的飛魚雲霄飛車 以目測呢個過山車唔算太刺激 係小朋友都可以玩的過山車
對面有另外一個遊樂設施史卡托的寄居蟹
雨繼續不停地落....都係入去室內的場區吧~
入到去第一個反應係: 嘩!!好靚呀!!真係好似海底世界咁~
海底的佈置、燈光的配合、場內仲播放著小魚仙的歌曲 一齊走進艾利奧的海底世界吧~!!
室內的設施普遍比較適合小朋友
近入口位置有呢個噴水的區域 有幾個小朋友係度跑嚟跑去 超級開心
呢度係美人魚礁湖劇場的入口處
有睇過卡通片小魚仙的朋友記得卡通片的開頭部分嗎? 美人魚礁湖劇場會呈現海皇謝登同女兒們開音樂會的情境 仲有艾利奧的寶藏秘洞
去到時只需要等10分鐘就得喇~睇完出嚟已經要等35分鐘~
排隊等入場~雖然好多人 但劇情面積都十分大 一次過可以容納好多觀眾
**請注意: 劇場內係嚴禁拍照及錄影
艾莉奧係由真人扮演 美麗的艾莉奧會在觀眾的頭上"游來游去"~
(其實呢個扮演艾莉奧的表演者都幾辛苦 要吊住威也飛來飛去 仲要打埋翻斗)
適合一家大細觀看的真人表演美人魚歌舞劇場 配上動人的歌曲 非常值得觀看
推介指數: 5粒星🌟🌟🌟🌟🌟 (5粒星為滿分)
呢個係適合小朋友玩的河豚氣球競賽 氣球會升高然後會不斷轉轉轉~
跳躍水母~感覺類似香港迪士尼樂園反斗奇兵的綠色傘兵降落傘 但呢個對腳有野踩住唔洗條條fing
跳躍水母的對面係旋轉海藻杯~即係咖啡杯
係時候睇下紀念品~美人魚礁湖的呢間店舖大部分都係買以小魚仙為主題的產品~可愛的小胖呀!!
好想帶肥嘟嘟的小胖返香港呀!!但小胖太大條喇~如果有細條size就最好
但細條的小胖又無咁可愛喎.....最後無買到😝
艾莉奧好靚呀!!
小魚仙的產品真係非常罕見 唔好話係出面的精品店 就算DisneySea其他園區的舖頭都唔係好見~若大家喜歡小魚仙 記住唔好錯過呢間舖頭啦~!!
美人魚礁湖裡面仲有個艾莉奧遊樂場 好多小朋友係裡面玩~大人都可以入去睇下 裡面有卡通片的場境~
復活節期間~DisneySea會有個特別的巡遊~名為迪士尼海洋Fashion Show
在地中海港灣海上的花車表演~迪士尼的人物會換上復活節的裝束
可惜當日表演取消左......因為是日雨未曾停過而且越落越大...... 風都越來越強
聽聞DisneySea的夜間的表演Fantasmic十分精彩 但考慮到時間尚早而且天氣都無轉好的跡象 我地決定唔等了~因為真係越來越凍~以免冷病 影響之後的旅程
離開之前~嚟轉最後衝刺shopping!!!
復活節Special復活蛋~
~~Stella Lou & Duffy~~
返回Resort Line的DisneySea站~ 搭單軌列車返酒店lu~~
最後我地唔知道夜間表演Fantasmic有無因惡劣的天氣取消埋......
為此次DisneySea的旅程留下一點的遺憾~~唯有留待下次再欣賞
.jpeg)
留言
張貼留言