2017夏。大阪岡山。 Day 1(1) 若狹家魚生飯

講講下東京~又講下大阪先~😂   今次要講的係若狹家Wakasaya

若狹家係小女子同狂人弟每次去大阪必去的地方!!亦係狂人弟每次到達大阪後的指定第一餐!!

點解?~? 小女子都唔知點解~~~情義結掛~😂

我地每次去的都係道頓堀店~

從道頓堀的蟹道樂本店一直行~ 經過大阪王將、四天王拉麵、

從金龍拉麵旁的路口轉右~再經過神座拉麵~行前少少若狹家就在右手邊

店鋪窄窄長長~面積不大~左邊係BAR枱、右邊有幾張4人枱

我地第一次幫趁係在2013年3月~

DX size(應該係Deluxe的意思吧~)的海膽三文魚籽飯~好多海膽呀!!!

海膽新鮮好味~!!加上咸咸的三文魚籽~非常夾!!好滿足~!! 有人要encore海膽飯~!!

食過返尋味~2013年11月再幫趁~今次小女子食3拼~海膽、吞拿魚、吞拿魚碎

海膽三文魚籽飯同樣新鮮~但海膽的size已經同之前食果次唔同左...好似碎上咁....

 

枱上面有兩枝豉油~一枝有wasabi的~另一枝無wasabi的~

之後再在2014年再食~水準不及從前~😞

2016年變成咁....料少左~擺盤求其....3色飯的三文魚籽更少得可憐~~

 DX size的海膽三文魚籽飯都唔DX...

唔知係咪心理作用~食落去都唔及從前新鮮好味~物非所值...好失望😞

今次再食~唔知會唔會更加失望呢....

有期間限定的Menu~之前唔覺有~

 

人氣排行榜~邊款啱你口味呢~?

唔啱唔緊要~可以自行配搭最合心水的海鮮飯!!~

 若有唔食生野的朋友同行~可以選擇鰻魚飯或火炙系列~

此外~仲有牛肉飯可以選擇

 登 登 登 登!!! 2017年的海鮮飯~!!

先講講小女子的三文魚籽、海膽、吞拿魚碎3色飯~

擺盤整齊~料的分量回復從前~材料新鮮~味道鮮甜~好好味!!!

從前的水準返左來喇~!!! 

到狂人弟的DX size海膽三文魚籽飯

嘩!!!滿溢呀!!!好DX呀!!😁

今次見到有張咁的野貼在牆上面~😲

只想食魚生點解要嚟若狹家呢??若狹家係食海鮮飯的!!同胞們真係好難理解...😕

除左小女子次次都幫趁的道頓堀分店之外~若狹家仲有其他分店嫁~

另一間大阪分店在不遠處的千日前~

鍾意食魚生飯的朋友~不妨幫趁下~😊