黑炭 Charcoal's 旅遊札記~

返來喇~其實都已經返左嚟一段日子~~~~~ 趁在冬至及聖誕的前夕~小女子同狂人弟在12月中帶左老爸老媽去旅行~👫👫✈🗾 今次的目的地係名古屋~~有人會覺得名古屋無咩野玩~亦有不少的遊人當作名古屋係跳板~從中部空港進出~之後就去遊覽其他地方, 例如:高山、白川鄉、北陸地區 前年小女子同狂人弟亦曾短暫到訪名古屋, 之後就去左白川鄉、立山黑部~ 所以好多人都會覺得名古屋的吸引力不及東京、大阪、北海道~shopping、美食就去東京大阪~睇風景就諗起北海道~ 但其實名古屋都可以買到失心瘋~!!亦係美食云集的城市~仲有好多值得去的景點~!! 等小女子打破大家對名古屋的錯誤觀念吧~😊 整個行程我哋都會住在位於JR名古屋駅旁的Nagoya JR Gate Tower Hotel~ 真係要激讚呢間酒店!!!! 不單鄰近JR名古屋駅及名鐵巴士站, 移動十分方便之外~ 正正酒店樓下的商場已經可以買到破產💸💸💸💸💸 而且仲有來自日本各地的知名餐廳 例如: 美登利、利久等等~絕對有間啱口味~   買完野返酒店放回戰利品再去食飯~極之方便!!!! 今次的重點行程係有一天會到訪白雪雪的白川鄉❄❄☃❄❄ 天氣預測~我哋到訪白川鄉當天最高溫度係1度而最低溫度係零下8度.... 但被白雪覆蓋的白川鄉真係好靚好迷人~!!! 亦達成左老爸要睇雪的心願😊 事不而遲~先俾大家過目下今次的行程規劃😀~  第一天 (17.12.2017 星期日) 香港--> 中部國際空港(新特麗亞) >>> Nagoya JR Gate Tower Hotel >>> 晚餐: 梅丘寿司の美登利総本店 >>> JRゲートタワー (Nagoya Gate Tower Mall) Disneystore 。どんぐりの森 >>> 酒店宵夜    第二天 (18.12.2017 星期一) Nagoya JR Gate Tower Hotel --> 由名古屋去白川鄉 >>> 白川鄉萩町合掌村 --> 午餐: お食事処いろり (飛驒牛味噌燒) --> 白川鄉散策...

大阪---必然係小女子同狂人弟每年必去的地方~情義結是也!!~~因初次訪日時的目的地就係大阪~ 正如朋友同事們所講~小女子每年都要"回鄉"探親先安樂~~~ 突如其來的優惠促成是次不在計劃之中的回鄉之旅~ 每次一到達関西空港格外的親切~自動波搭南海電鐵特急rapi:d出市區~ 由難波、黑門市場、京都駅、奈良...感覺非常熟悉~ 京都塔Kyoto Tower 本來諗住只在大阪食買訓~~但再諗諗~與其在大阪食完又食、shopping無限loop~不如搵一天去遠少少 走出繁囂的城市~ 從前小女子十分喜歡京都~喜歡京都的古老建築、喜歡她的古樸而帶點高傲的氛圍(曾經看過一個日本的節目~日本人覺得京都人係比較高傲、目中無人) 二条城二之丸御殿 但現在的京都亦太多人了...~寧靜的環境不復再...  當然京都亦有她無可替代的美~~ 今次去左宇治~ 宇治 抹茶控終於朝聖並一嚐"中村藤吉本店"~!!!下次要試埋其他抹茶店~!! 中村藤吉本店 是次的旅程唔再只停留在大阪、京都~~第一次到訪中國山陽地區的岡山&倉敷 岡山、倉敷風景宜人、悠閒恬靜~有別於繁忙而滿佈藥妝店的大阪及已充斥遊客的京都 岡山後樂園 小女子一向唔太鍾意湊熱鬧、唔喜歡同人迫~去到岡山倉敷彷彿好似尋回第一次到訪日本時所感受的~~~ 下次要在岡山或倉敷住返一兩晚~好好享受失去的寧靜~ 倉敷美觀地區 去過幾次大阪、京都的~不妨考慮到訪岡山&倉敷~確係一個不錯的選擇 有人問~黑門市場~木津市場~邊個好啲~??咁視乎你的目的&目標啦~ 若要去狂食、掃街、買手信、食刺身壽司~ 咁就去黑門市場啦~!! 若想體驗日本的本土市場、想買水果~木津市場便是不二之選~!! 其實若時間充裕~小女子建議兩個都去晒啦~!!😝 🎆🎆🎆2017夏。大阪岡山之旅~完成!!!🎆🎆🎆 向冬季的名古屋出發~!!! 相關文章: 2017夏。大阪岡山。 序。 行程規劃 2017夏。大阪岡山。住宿篇。 Courtyard Shin-Osaka Station 2017夏。大阪岡山。 交通篇。 HARUKA...

去完木津市場就搭地鐵返去新大阪的酒店攞行李~執下行李就係時候要出機場了~ 運用JR Kansai Wide Pass搭乘特急列車--はるかHARUKA去関西空港~ 有關JR Kansai Wide Pass的介紹~請參閱: <2017夏。 大阪岡山。 交通篇。 HARUKA特急。 關西廣域鐵路周遊券 JR Kansai Wide Pass>   前往関西空港的列車會停泊在11號月台~ 同時11號月台亦係前往和歌山、白浜方面的列車停泊位置~睇清楚  唔好上錯車呀!!! 由於睇過有啲blogger的分享~驚自由席會爆滿無位坐~ 所以額外用左1290yen買"舒適"及"安心"~~ はるかHARUKA的指定席車箱設於第2及第3卡~ 按照特急劵的座位編排~於月台的適當位置候車~ 特急劵需與JR Kansai Wide Pass同時使用~ 若無JR Pass~要搭はるかHARUKA的指定席需購買車票+特急劵 はるかHARUKA 29號~接我哋去関西空港lu~~ 安頓好行李~周圍行下影下相先~~~ 見到指定席擺放行李的位置十分爆滿~!!好在我哋早上車有位放~ はるかHARUKA的第1卡係豪華的Green Car~ 小女子好奇~究竟有無人坐Green Car嫁呢~?  係有的!! 離遠觀望係見到有一位穿著西裝的大叔~~ 我哋呢啲普通旅客就唔會花費高昂的票價~ 搭Green Car應該係商務人士或大豪客😝 行李位置十分鬆動~ Green Car大叔應該唔會一個人有4件行李~ 行李應該係指定席的乘客見指定席果邊無位放嚟呢邊既~~   訓醒一覺之後就到達関西空港~ 時間尚早~counter都未開~ 寄好行李~辦好手續~又到左最後衝刺的時候~!!! 當時剛剛推出不久的關西限定章魚小丸子口味鬍鬚叔叔薯片~ 小女子其實不太喜歡吃章魚小丸子~但覺得呢個薯片好好味喎~!! 但有人覺得好難食~話有啲似跌打酒味~~~味道既野真係好主觀~ 先買左一盒~一心諗住出左關再在免稅店買~~點知免稅店係無得買既...... ...

小女子就嚟出發去名古屋✈~要在出發之前完成"2017夏。 大阪岡山"的遊記~~ 好好好~要快手啲先得喇~!!! 講返正題~~ 夏之旅的最後一天又嚟到位於大國町站的木津卸売市場~(本來係昨天嚟既~點知撞正定休日....哈!) <2017夏。 大阪岡山。 Day 4(1) 大阪。 木津市場定休日?!?。 轉戰黑門市場> 木津卸売市場的不二之選-- 烏冬專門店  大和  (已結業) 排隊啦喂~好野自然多人排~排隊的不只係遊客  日本人都有~排在我們後面的係一對日本老夫婦~ 當日正在落微微雨~烏冬專門店門外放置左雨傘供給客人使用~貼心的服務~ 其實烏冬店的旁邊有其他的食肆~e.g. 壽司店、鰻魚飯店~但兩次到訪都只見烏冬店有人排隊 小女子只幫趁過烏冬店~所以唔知道壽司店&鰻魚飯店好唔好食~ 但在市場內的餐廳~用料一定新鮮~應該有返咁上下質素!! 之前都介紹過~ <大阪 大國町 木津市場 驚喜烏冬 > 家庭式經營的小店~店鋪並不大~只有12個座位 前方係廚房~廚房的玻璃柜放置左新鮮的食材     後方就係客人用膳的地方~ 好啦~食物上枱啦~!!不禁又要驚呼:嘩!!!!!! 好大件呀!!!! 呢set咁震撼的係狂人弟的~~等小女子一一介紹下~ 首先~有舊大過塊面的牛肉奄列配牛肉汁~~ 超誇張~厚厚的玉子包著一層又一層的牛肉~~~配上新鮮的青蔥~連本身唔鍾意食蔥的狂人弟都話好好食!!! 本來以為係牛肉奄列跟白飯~哈!!! 少年人你太年輕喇~~~~~ 仲有個咖哩烏冬~!!!! 濃郁的咖哩湯底配上煙煙韌韌的烏冬~ 以為只係普通的咖哩湯底烏冬!?!?又錯了~仲有隻大蝦!!!! 介紹完狂人弟的"飽到上喉嚨定set"~到小女子的雞肉香菇烏冬~~ 雞肉非常新鮮~好有雞味😂~亦都非常大件~配上特製酸酸咸咸的醬汁~おいしい～～～ 烏冬的湯底係小女子最喜歡的柴魚高湯~ 香菇新鮮就唔洗講~但點解啲菇咁大粒既呢?? 同隻湯匙一樣大~~唔通中左幅射?!?! 食食下~店員仲伸手遞上一碟野俾我...