黑炭 Charcoal's 旅遊札記~

 long time no update......因為一個字--懶😆 要加把勁完成2018秋。 北海道之旅的遊記💪💪因已有下一個遊記等緊小女子😅 每年有不少的旅客去日本賞櫻賞紅葉, 北海道地區係每年紅葉最早變色的地方, 時間由9月上旬從大雪山開始至11月初 今次小女子剛好係10月中後段去北海道, 所以都係咁二安排左去 定山溪 黎個一日賞紅葉之旅, 位於北海道札幌市南區的定山溪稱為 札幌的後花園, 係北海道的人氣溫泉地區, 而 定山溪的豐平峽 更 係賞紅葉的勝地🍁🍁🍁🍁🍁🍁🍁🍁🍁🍁 由札幌去定山溪唔太複雜, 車程亦只係大約一個小時多少少的時間 若要前往 豐平峽就要搭3程車喇~放心~!!小女子會一一同大家分享😊 一齊出發去定山溪 豐平峽 吧~!!! 除左自駕之外, 從札幌出發可搭乘巴士前往定山溪, 而巴士站就在JR札幌駅的旁邊 第一程車: 到達JR札幌南口旁的巴士總站後, 就要搵12號站牌的快速7、8 號或河童liner號 ( 河童liner號需要預約) 巴士站旁有售票櫃位, 售票櫃位7:30才開門(我地到埗時售票櫃位還未開) 但乘客可在車站預先購買車票或在下車時付款 每30分鐘一班車 前往定山溪溫泉區車費為770yen/大人 有人可能會問去豐平峽唔係應該要搭車前往豐平峽溫泉嗎?? 並不是!!!千萬唔好誤會 豐平峽=/= 豐平峽溫泉 去豐平峽係要在定山溪轉車的 我地搭乘8:00由札幌開出的快速8號前往定山溪~ 溫馨提示: 搭8點車千萬唔好8點或早15分鐘先去到巴士站, 皆因紅葉季節好多旅客去定山溪!!! 所以小女子7:30未夠已經到左巴士站, 一來驚搵唔到果站係邊(其實好易好快搵到😁), 二來早到早排隊, 上車先有位坐, 如果無位坐就要全程企足個幾鐘(中途站無咩人落車, 因為大家多數都係去定山溪) 架車真係好多人, 企滿晒~ 所以早啲起身早啲出門口去排隊喇😊~ 巴士時刻表: http://www.jotetsu.co.jp/bus/global/pdf/busguide_02_han.pdf 大約1個小時15分鐘, 就由札幌去到 "定山溪神社前" 無論你係...

黎到日本, 緊係要食下拉麵🍲日本的拉麵應該可以話係等於香港的魚旦河咁普遍~ 第一日經過舟車勞動, 而又帶著4位長輩, 唔好走得太遠, 以免我地都係去近近地的地方食我地第一晚的晚餐 我地去左 札幌拉麵共和國 札幌拉麵共和國位於在JR札幌駅旁的ESTA百貨的10樓 ESTA百貨除左有拉麵共和國外, 仲有BIG CAMERA、UNIQLO、GU、LOFT、ABC MART等等, 非常好逛, 所以我地食完晚餐就在ESTA百貨逛逛逛.........逛到連狸小路、大通公園無去到😔...... 好~講返札幌拉麵共和國~ 札幌拉麵共和國一共有八家店舖, 聽講定期會更換店家, 營業時間為:11:00-22:00 晚上10點先閂門, 大可以先去逛街SHOPPING, 再去食晚餐或宵夜~ 唔想食拉麵?!?!? 唔緊要, 10樓仲有好幾間食肆可以選擇~營業時間一樣係11:00-22:00 太多選擇~~~選擇困難症又發作~~~最後揀左來自旭川的 梅光軒 ~ 梅光軒主打醬油拉麵, 湯頭使用左豬骨、雞骨、小魚乾與昆布熬製而成~ 有幾款唔同配料的拉麵, 湯亦可選擇醬油、鹽或味噌~ 首先黎碟拉麵的好朋友--餃子~味道不錯, 但就略嫌有點過油 全部都有拉麵 有3大塊叉燒、蔥絲、芽菜、紫菜、半熟蛋、筍絲、粟米粒等等, 配料非常豐富 重點係有一少舊牛油~(北海道拉麵的特式好似係粟米&牛油~應該係, 除非唔係😆), 牛油同粟米的味道中和左濃湯頭的咸味, 加添多左一份香甜味, 整碗拉麵的感覺唔同左   特選醬油拉麵 配料無全部都有拉麵咁豐富, 只有一塊叉燒、蔥絲、紫菜、筍絲、半熟蛋 呢個湯就飲到比較濃烈的魚乾味, 係小女子喜歡的味道, 但就略略咸左少少~~   梅光軒的麵係中細麵, 整體的麵量小女子覺得比較多,但以男子來說應該夠飽 總括而言, 小女子個人覺得梅光軒的湯係好味既, 因湯頭加了小女子喜歡的小魚乾去熬製, 但都係略嫌重味左少少, 若無咁咸就PERFECT~  半熟蛋係好食的, 叉燒及麵就普通, 無咩特別 梅光軒在香港都有分店, 咁香港的味道同日本的味道有無分別呢?? 等小女子有機會試埋香港果間梅光...

今次係小女子第一次到訪北海道, 加上帶住成村人, 所以一切從最簡單著手 6日5夜的行程, 4晚會住札幌, 中間有一晚住函館 所選擇的酒店都係鄰近JR站, 方便可搭乘JR移動去不同的景點 在札幌, 我地住在離JR札幌駅只係5分鐘腳程的 札幌三井花園酒店   三井ガーデンホテル札幌  (Mitsui Garden Hotel Sapporo) 先講講由新千歲機場出札幌市區~ 從機場出市區可搭乘JR快速Airport(快速エアポート), 車費係1070yen/人 若要搭乘指定席車廂 u シ－ト, 就要另加費用520yen/人 車票及指定席劵可在入閘前的自動售票機同時購買 由新千歲機場去札幌只需37分鐘, 途中會停5個站 注意: JR快速Airport列車有啲班次的終點站係札幌, 亦有啲係以小樽為尾站, 若你所乘搭的JR快速Airport列車係以小樽為終點站,記住要在中途站札幌落車呀!!! 到左札幌駅後就搵路行去我地今次入住的酒店-- 札幌三井花園酒店 基本上從JR札幌南口出黎, 出站後右轉直行, 過兩個紅綠燈就到 從JR札幌南口出黎, 就會見到另一間香港人常入住的 格拉斯麗札幌酒店 ホテルグレイスリー札幌 (Hotel Gracery Sapporo) 本來小女子考慮過住呢間, 因為真係非常之方便, 一出JR札幌駅就見到, 過對面馬路就到 但格拉斯麗札幌酒店的房間比較細, 今次因為有長輩同行, 想佢地住得舒適啲, 所以最後選擇左札幌三井花園酒店 前往札幌三井花園酒店唔需要過對面馬路, 只需要繼續往右行 過左第一條馬路會先見到另一間札幌熱門酒店-- 世紀皇家酒店 センチュリーロイヤルホテル(Century Royal Hotel Sapporo) 世紀皇家酒店的地下有間Family Mart, 方便補給 世紀皇家酒店亦係小女子的選擇之一, 但世紀皇家酒店比較舊而且價錢亦較高, 但聽講世紀皇家酒店的早餐係出晒名的厲害,係日本TOP 10 的早餐,有機會要去試試~ 好喇~經過世紀皇家酒店, 過條馬路就到 札幌三井花園酒店 好似好遠咁?! 但其實行5分鐘左右就到, 拉埋行李都唔洗10分鐘 若在冬季到訪札幌時, 地面佈...