黑炭 Charcoal's 旅遊札記~

要嘗鮮緊係要去當地的市場, 而金沢的廚房就有3百年悠久歷史的 近江町市場 由金澤駅出發, 在金澤駅東口巴士站搭一個站, 到"武藏ヶ辻" "近江町市場" (市場館前)就可, 十分方便 今次再訪近江町市場, 決定去試試以便宜的價格, 提供最好品質當季食材的" 市場寿し " 到達時係大約係早上9時, 在市場寿し門外已經有10位客人在等候, 店內已座滿 時間越過, 排隊的人開始越來越多, 有旅客亦有很多當地人 排了大約20分鐘, 友善的店員便安排我們入座 被安排入座吧枱的位置, 可以望著師傅製作食物 店舖小小而道地的一間, 擠滿了食客, 店員們及師傅大都係叔叔伯伯嬸嬸, 聽著他們精神地歡迎客人的聲音及與客人的交流 很喜歡店裡的氛圍 店員叔叔以簡單英文幫我們落單 我決定點餐單上中間呢個"豪華海鮮丼", 有金沢著名的黑喉魚, 2,739yen連稅, 包埋味噌湯 嘩~!!! 果然係豪華海鮮丼~!!! 滿瀉呀!!!太誇張喇~!!!! 每樣食材都超級新鮮~!!味噌湯係海鮮味噌湯~~超鮮甜😋 弟弟點的吞拿魚盛丼, 都係超級新鮮 另點左客金目鯛壽司638yen, 暫時係我食過最新鮮的金目鯛 市場寿し 官方網站: https://www.ichibazushi.co.jp/ 好野唔好俾佢停~!!!^^ 有著金沢廚房美名的近江町市場, 每天早上都有大量新鮮的魚貨, 所以食完市場寿し後, 我地就繼續在近江町市場市場掃街 決定食返上次食過的"忠村水產" 2019 夏。令和元年の旅。金沢。金沢必到景點。金沢廚房。近江町市場 我至愛的帆立貝, 700yen, 厚身而甜美, 見到都好掛住 小女子已經飽到上喉嚨椗, 弟弟繼續食他的至愛生蠔 800yen一隻, 即叫即開, 鮮甜的生蠔 肥美而鮮甜的海鮮, 我地下次見啦~!! 若大家到訪金沢, 必定要將近江町市場放入行程內呀~!! 近江町市場 營業時間: 09:30 - 17:00 官方網址: http://ohmicho-ichiba.com

今次旅程的第二站--金沢 金沢位於石川縣的中部，也是北陸 地區 的最大城市 上次到訪金沢係入住金沢駅旁的ANA Crowne Plaza Hotel Kanazawa 金澤全日空皇冠廣場飯店 2019 夏。令和元年の旅。関西北陸。金沢住宿。ANA Crowne Plaza Hotel Kanazawa 金澤全日空皇冠廣場飯店 今次我地選擇左同樣位於金沢駅東口的 金澤大和ROYNET酒店 Daiwa Roynet Hotel Kanazawa Daiwa都係日本的連鎖品牌酒店, 分店遍佈日本全國, 相信旅日的旅人對此品牌一點都不陌生 金澤大和ROYNET酒店 Daiwa Roynet Hotel Kanazawa就在金沢駅及Forus百貨旁 從Forus百貨側門一出, 過馬路就到, 離金沢駅只係5分鐘內的腳程 營運左17年的金澤大和ROYNET酒店 Daiwa Roynet Hotel Kanazawa原來已在今年的3月31日結束營業了...... 此文章變左紀念文tim😂 2019年入住ANA Crowne Plaza Hotel Kanazawa時影的 前台職員的服務態度非常好, 可用英文順利溝通 當時我地到達時仲未到check in的時間, 諗住先寄存行李在酒店, 然後就行景點 當時正下雨, 職員見我地只有一把傘, 就借左把遮俾我地, 好貼心 我地的房型係"荷里活客房(兩床) 禁煙房" Hollywood Twin Non-Smoking  床的大小係semi-double size, 床褥硬度適中, 瞓得頗舒服 窗邊有休息區 兩張床對著電視及長長的枱, 仲有張大班椅 小小的雪櫃在電視機下面, 旁邊有茶包、茶杯、玻璃杯、熱水壺...... 咖啡包可在地下lobby隨意自取 床的另一邊係衣櫥及浴室, 衣櫥內有備用的枕頭、毛毯及熨褲板 浴室小小一間, 清潔乾淨 大和係日本老牌連鎖酒店, 雖然設施、裝橫及傢俱都比較舊, 但勝在位置方便, 房間十分濶落，價錢合理 設施比較舊都預左, 舒服及方便係重要的 12月北陸地區天氣寒冷, 到訪時係12月初, 酒店應該供應暖氣中, 而房間內亦唔能夠自行調教, 窗亦不能打開, 我們覺得房間有點過份溫暖, 半夜會瞓到出汗呢😅 若然在冬天到訪北陸地區的話, 就要留意喇 金澤大和ROYNET酒店 Daiwa Royn

食完もりもり寿し迴轉壽司, 就出發去金沢必去景點日本三大名園之一--兼六園 上次到訪金沢其實已經黎過, 但兼六園一年四季都有不同的景致, 今次到訪時係冬天, 所以有雪吊掛喇 雪吊掛係冬季時為左防止大雪將樹枝壓垮而設置的, 園方會用繩子加強松樹的支撐力 雖然未有雪景, 但同上次夏天到訪時的感覺已經不同了~ 2019年遊記👇 2019 夏。令和元年の旅。金沢。金沢必到景點。日本三大名園之一。兼六園 遊覽金沢市內景點的主要都係利用巴士前往, 所以若大家計劃一整天都在金沢市內觀光的話, 建議大家購買"北鐵巴士一日劵" 但由於我們今次在金沢市內的移動唔太多, 所以無購買巴士一日劵, 用IC卡便可 有關金沢交通可參考2019年遊記👇 2019 夏。令和元年の旅。金沢。金 沢市內交通。北鐵巴士。輕鬆遊金沢市內景點 到達兼六園時, 落著細雨, 添了幾分淒美 園內仲有一點殘餘的紅葉 過左一陣, 天色開始光返~ 時晴時雨~遊人唔多, 可以悠悠閒閒地慢逛 聽著微雨聲、流水聲、雀仔叫聲, 心裡都能平靜下來 烏雲終於散去, 藍天出現了~!! 真的好想冬天落雪時再黎兼六園一趟~看看兼六園的雪景 落在地上的楓葉, 都幾靚丫~ 好美的景致~ 池中清楚反射著雲的倒影~ 本來見落住雨, 諗住唔黎兼六園, 好在有堅持💪, 才見到咁美的景色, 感恩💜 盡力拯救每棵樹木👍👍👍~若樹木生長在香港, 一早就已經消失了..... 兼六園確實可以一訪再訪 兼六園 開園時間: 3月1日-10月15日: 7:00-18:00 (退園時間）                 10月16日-2月末日: 8:00-17:00 (退園時間） 休息日: 年中無休 參考網址: https://kenrokuen.or.jp/ http://www.pref.ishikawa.jp/siro-niwa/japanese/info.html 從兼六園的真弓坂口一出去, 行過對面馬路就係另一個金沢景點--金沢21世紀美術館 今次無入內參觀, 只在外圍影下相 下篇文章會介紹下今次在金沢入住的酒店~ 2019年遊記👇 2019 夏。令和元年の旅。金沢。金沢市內交通。北鐵巴士。輕鬆遊金沢市內景點 2019 夏。令和元年の旅。金沢。金沢必到景點。日本三大名園之一。兼六園 20

見到都流緊口水~ 黎到金沢的第一餐, 當然係食性價比高的もりもり寿し迴轉壽司 2019年曾幫趁過, 一直對她念念不忘~ 我地幫趁的係金沢駅前店, 就在金沢駅旁的Forus百貨6樓, もりもり寿し在金沢廚房--近江町市場都有店鋪 Forus百貨係超好逛的購物中心, 又多美食餐廳, 呢幾年仲新開左pokemon centre 同埋 loft, 啱晒一家大細 2019 夏。令和元年の旅。金沢。金沢駅Forus百貨。 超好逛購物地點 2019 夏。令和元年の旅。金沢。金沢駅Forus百貨。 幸せのパンケーキ 令人感到幸福的pancake 講下點解又再黎金沢~~2019年第一次到訪金沢, 已經愛上了這個地方 環境優美, 唔太多旅客, 可優閒地在市內遊覽, 無論係由大阪前往或市內交通都十分方便, 而且金沢位於日本西部的臨海, 海鮮資源十分豐富, 當然就要嘗鮮啦!! ただいま之旅, 呢個美麗的城市就成為我地10天旅程的第二站, 會逗留在金沢三日兩夜 為著方便移動, 我地住在大阪梅田 (JR大阪駅), 今次住在疫情期間開幕的大阪阪急呼吸酒店 2022 冬。ただいま。大阪。大阪梅田住宿 。超優越地理位置。大阪阪急呼吸酒店 Hotel Hankyu RESPIRE Osaka 2022 冬。ただいま。大阪。大阪梅田住宿 。早餐篇。大阪阪急呼吸酒店 Hotel Hankyu RESPIRE Osaka 由大阪前往去金沢, 就在JR大阪駅的11號月台乘搭特急雷鳥號 (特急サンダーバード號) (Limited Express Thunder Bird) 一程車就到, 車程大約兩個半鐘 2019 夏。令和元年の旅。関西北陸。從大阪到金沢。特急雷鳥號 (特急サンダーバード號)。金沢駅-鼓門 今次我地係用JR RAIL PASS (7 days), 所以可以坐指定席 上次係使用"關西北陸地區鐵路周遊券", 只能坐特急雷鳥號的自由席 2019 夏。令和元年の旅。関西北陸。關西北陸地區鐵路周遊券 JR Kansai- Hokuriku Area Pass 講開JR RAIL PASS, 我地係在EGL先購買, 之後到埗日本後再兌換實體票及劃指定席 稍後再介紹呢張超值的JR RAIL PASS全國版(但今年10月呢張JR PASS加價....就不再超值了) 講返もりもり寿し迴轉壽司~

上回提到, 有間店舖令到我放棄再訪中村藤吉, 就係呢間 焙茶專門店 HOHO HOJICHA 經過時眼球完全立即被吸引 店舖位置十分易搵, 一行出宇治駅就會見到中村藤吉本店, 本店再行前少少可以見到, 係行去平等院的必經之路 可愛造型的雪糕 身為茶控, 本人係對任何茶類的產品都有興趣, 但若然要選擇, 本人係比較喜愛焙茶 Menu的每一樣都十分吸引, 貪心地叫咗呢個"天國set", 1,880yen五樣甜點加一杯飲品 HOHO HOJICHA係小小的店鋪, 唔係好似中村藤吉本店咁大, 亦唔係歷史悠久, 只有10個座位, 小而精緻, 店員亦只有兩位, 負責晒落單、製作食物 請耐心等待, 等待時可以睇下有無心水的手信 嘩~!!!!黎喇~!!!👏👏👏 由左至右: 分別係當季焙茶甜點(軟雪糕+丸子+栗子)、焙茶布甸、焙茶雪糕、焙茶蛋糕、焙茶brownie 話名係當季焙茶甜點, 會隨著季節而改變, 我們到訪時係配栗子 最為知驚艷的係 當季焙茶甜點內的 軟雪糕及焙茶布甸, 超級濃厚的焙茶香味 軟雪糕配以栗子, 十分match!!!  跟set的飲品揀左無糖的熱焙茶, 可去掉甜品的甜膩, 就可以繼續食晒全set^^ 我地再另點左一杯半糖凍焙茶 焙茶亦有不同的濃度, 給顧客選擇 十分滿足我呢個焙茶控, 唔知點形容的滿足, 若你都係焙茶控, 不妨去試試, 就會明白^^