黑炭 Charcoal's 旅遊札記~

 嘩!!!好靚呀😍😍😍~白川鄉變成左冰雪王國!!! 繼2015年的立山之旅後, 小女子同狂人弟再次踏足白川鄉😊 ⛄⛄⛄ 2015 中部北陸之旅。 岐阜。 進入童話國度。 白川鄉合掌村 有朋友問為何不在白川鄉停留一晚住下民宿~原因一: 我哋唔鍾意轉酒店, 原因二: 白川鄉的民宿一宿難求, 時常爆滿好難訂, 原因三: 今次與爸媽同行, 一切從簡, 以不變應萬變😁  所以今次同上次一樣, 同樣會即日來回, 唔同的係上次住宿高山, 今次要返去名古屋 白川鄉近年已成為非常熱門的旅遊景點~到左一年一度的點燈季節更是人山人海~ 穩陣起見~決定在網上預訂去白川鄉的車票 簡單版網上預訂教學~ 可在出發前一個月在網上預訂車票 先查看出發日期的空位情況~ http://willerexpress.com/st/178/tw/pc/bus/route/calendar.php?oR=2514001&fR=1514001&off=1&hkn=30&kns=15&mid=929  選擇出發日期後就到選擇班次, 通常一天有4班班次~ 以3月6日為例, 由名鐵巴士中心出發去白川鄉, 每朝早有4班車, 分別係8:00, 8:20, 9:00, 9:20  選擇上車及落車地點, 填選乘車人數~ 搞笑地有個類別叫"長青族", 指55歲以上的乘客~但車票價錢並無優惠 選擇好後, 按"下一步" 確認資料後, 按"選擇" 確認選擇內容後, 拉到最底按"加入購物車" 前往預約~ 可註冊成為新會員或不註冊成為會員繼續預約 然後就去到輸入個人資料的版面, 輸入姓名、年齡、緊急聯絡電話及電郵~ 請注意: 檢查清楚輸入的電郵地址是否正確, 因"預約確認書"會透過電郵寄出~ 下一步就到付款的程序, 小女子係利用信用卡結帳的, 只要跟隨步驟一步步完成就可以~最後就等待預約確認書, 確認書上有預約號碼 近日先發現~日文版面訂車票會比較便宜, 透過國際版面訂車票每程貴400yen!!!...

今次的遊記加左 "是晚宵夜" 的系列~哈!! 在日本要一日食六餐先至抵返條數😁~ 因為日本實在太多令人忍唔到口的美食喇~!!!要在時間有限的旅程盡全力有幾多食幾多!!!!! 減肥?節食??返香港先再算啦😂😂😂 想同大家分享一下~ 媽媽今次同行~所以我哋的宵夜都多左健康的成份~😝

食完大滿足的晚餐~要周圍逛逛消化下~~ 緊係要逛超好買的Nagoya JR Gate Tower~真係會逛到腳都軟~ 但由於第一日到埗, 大家都有啲疲累, 而明天又要早起出發去白川鄉, 是晚行住少少先啦~ 行住兩間先😝 どんぐりの森--宮崎駿動畫專門店 在JR Gate Tower的1樓~即在桜通口出來轉左往酒店大堂的升降機大堂的旁邊 宮崎駿的動畫中~小女子最喜愛龍貓😊~記得草子次子與龍貓初次見面撑著雨傘等待巴士的情境嗎??  唔知貓巴士幾時會嚟呢?? 嚟左喇~前往名古屋的貓巴士就在對面😝 日本各地都有不少間どんぐりの森~每次嚟到都被店內的精品吸引住~總會放低多少盤川💸💸~~ 無論係手巾、貼紙、毛公仔、鎖匙扣、拼圖、音樂盒等等~製作得十分精美, 亦令人回想起動畫中一幕幕的片段~ 門口有個1:1的稻荷前巴士站供給客人拍照留念~店內就有個小型稻荷前巴士站給客人購買😂~ 在どんぐりの森對面的係同樣吸引小女子眼球的 DisneyStore (出賣狂人弟系列👻) 地磚上都有米奇出現~ 臨近聖誕節~推出了不少聖誕相關的產品~ 係時候買聖誕禮物喇~!!🎄🎁 前陣子美女與野獸真人版上映時, 相關的產品風靡全球~ JR Gate Tower的DisneyStore面積尚算寬敞~ 但產品的種類及款式就唔太吸引~~可能係呢期的產品唔係小女子杯茶~ 若喜歡tsum tsum 系列的應該會越買越興奮~~ 店舖門口的螢光幕無間斷放映著迪士尼動畫~ 好喇!!!今次講住咁多先😊 絕無誇張~Nagoya JR Gate Tower真的超。好。逛~!!!

呢個星期香港天寒地凍⛄⛄⛄......點解好似仲凍過白川鄉既?? 咁凍的天氣小女子只想在被窩中冬眠.....荒廢左個BLOG添😝 好喇!係時候醒醒~如果唔係就唔記得晒想同大家分享的事情~ 安頓後係時候出去覓食~!!! 從酒店落兩層電梯就已經係JR Gate Tower 的食街Gate Tower Plaza~超級方便~!!咁近無理由唔去睇下有咩食啫~ 食肆分佈在12樓及13樓~ 各式各樣的餐廳~任君選擇~ 但其實小女子出發前已經做好功課~鎖定左到埗的第一晚要去食 梅丘寿司の美登利総本店!!! 美登利?? 東京食壽司果間美登利?? 係呀!!嚟到名古屋竟然食東京野?? 係呀!!正是!!! 美登利在JR Gate Tower的12樓~ 先利用發劵機攞飛~按下入座人數便可~之後就留意職員叫號碼~ 職員當然係用日文叫號碼啦~但唔識聽唔緊要, 可留意發劵機, 發劵機上有顯示剛叫到的號碼~ 營業時間: 11:00-23:00 (last order: 22:00) 上次去東京無機會排入行程~今次唔會再錯過呢間東京必食的名店!!! 雖然時間未到晚上6點, 但已經有很多人正在等位...... 除左美登利之外, 附近仲有其他選擇~ 大排長龍的 ミート矢澤 ~ 係使用最高級黑毛和牛入饌的牛扒及漢堡扒店 後來在網上查看, 原來目前全日本只有東京跟名古屋兩間分店~難怪咁多人排隊喇~ 來自仙台的炭燒牛舌名店利久 小女子同狂人弟在日本其他地區都食過利久好幾次~充滿炭燒味的牛舌確實令人回味~ 等待的時候, 看到餐廳外面有可買走的壽司及刺身飯, 越睇越想食, 越睇越肚餓~有一刻確實有"不如買壽司返酒店慢慢食"的念頭~ 但等左咁耐無理由唔繼續等啫~!!(其實無關係~~time cost~~哈!)耐心繼續等下吧😊 期間限定~ 冬季壽司set~ 最後差不多等左一個鐘終於入得~!! 餐牌前面幾頁係壽司的套餐~套餐有好多種, 睇到眼花瞭亂, 個個都好似好好食咁~~ 選擇困難症出現😝 最後我哋揀左中間呢個~ 仲有呢個極上吞拿壽司套餐~ 如果有特別喜歡食某一種壽司亦可以另外再單點~ ...