2017冬。名古屋。Day 1(4) 是晚宵夜 。 香甜士多啤梨。 期間限定雪糕 。 數量限定GODIVA

今次的遊記加左"是晚宵夜"的系列~哈!!

在日本要一日食六餐先至抵返條數😁~ 因為日本實在太多令人忍唔到口的美食喇~!!!要在時間有限的旅程盡全力有幾多食幾多!!!!!

減肥?節食??返香港先再算啦😂😂😂

想同大家分享一下~

媽媽今次同行~所以我哋的宵夜都多左健康的成份~😝

青提子~日本的青提出名好食~但價錢都出名貴~!!

唔知係咪香印、還是麝香~~總之就好甜啦~!!

冬季係士多啤梨的當造季節~在香港的超級市場購買日本士多啤梨一啲都唔便宜~
嚟到日本緊係要買啦~1080yen一包2000yen兩包

果段時間~便利店的數量限定GODIVA系列風靡整個日本, 甚至香港~小女子去到的時候已經係第5彈了~~

小女子對朱古力配橙的甜品一向唔太喜歡~

所以揀左左手邊呢個~Raspberry配朱古力~370yen

每日宵夜又點可以無haagen dazs 期間限定雪糕~!

相信大家都知道每隔一段時間或者唔同的季節, haagen dazs就會在日本推出唔同口味的期間限定雪糕~(大叫: 點解只在日本推出呀!?!?)

揀邊款口味好呢??真係花多眼亂~~選擇困難症又發作~~~

款款都想食點算好??咁咪唯有晚晚都食囉~~唔係既話點試晒咁多隻味呀😋

真係十分邪惡👻

返到酒店開餐啦~!!!先食清新甜美的水果~~🍇🍓

士多啤梨係小女子的至愛💕~而日本的士多啤梨真係特別好食!!

韓國的士多啤梨都好好食, 但相比之下~日本的士多啤梨唔單只係甜而且果味特別香濃

青提子又大粒又多汁~但食一兩粒淺嚐就足夠, 因為真係好甜~食多幾粒真係驚會糖尿病😂(講笑)   

青提子並唔係小女子杯茶

再嚟係是晚的宵夜重點~期間限定haagen dazs 雪糕!!!

今晚先食呢兩款--焙茶及OPERA

身為茶控~見到有焙茶口味當然雙眼都變左心心眼😍

一開始食確實食到淡淡的茶香~但再食就會有啲過甜~而且奶味比較偏濃~感覺有啲似香港果隻Royal milk tea口味~~同小女子想像的有點出入~~

尊貴版Speacialite haagen dazs 期間限定Opera蛋糕口味~售價比其他期間限定貴~

一打開蓋就見到濃厚的朱古力醬~~中間位置的朱古力醬上面有少許金粉~果然係尊貴版!!!

朱古力醬的下層係抹茶味~之後果層係蛋糕口味的雪糕

抹茶味及蛋糕味唔係太突出~若一啖幾層一齊食, 只會食到濃濃朱古力味, 其餘兩隻味被朱古力掩蓋~尤其抹茶味~基乎完全唔覺得佢存在

想食到每層的味道, 就要逐層逐層拆解了~

總括而言, 小女子對呢兩款期間限定有點失望~~~

是晚宵夜的最後一款--UchiCafe x GODIVA的Raspberry朱古力蛋糕

GODIVA口味的香濃黑朱古力加上酸酸甜甜的Raspberry~十分搭配!!

但就有點膩~因呢隻蛋糕的質感係好似Truffle 朱古力咁~與其話係蛋糕, 其實用特大塊朱古力嚟形容會比較貼切

一定能滿足鍾意朱古力的朋友🍫🍫🍫

下篇預告: 白雪雪迷人的白川鄉嚟lu~~☃☃