2017冬。名古屋。Day 1(2) 東京名店。 梅丘寿司の美登利総本店

呢個星期香港天寒地凍⛄⛄⛄......點解好似仲凍過白川鄉既?? 咁凍的天氣小女子只想在被窩中冬眠.....荒廢左個BLOG添😝 好喇!係時候醒醒~如果唔係就唔記得晒想同大家分享的事情~

安頓後係時候出去覓食~!!!
從酒店落兩層電梯就已經係JR Gate Tower 的食街Gate Tower Plaza~超級方便~!!咁近無理由唔去睇下有咩食啫~
食肆分佈在12樓及13樓~ 各式各樣的餐廳~任君選擇~

但其實小女子出發前已經做好功課~鎖定左到埗的第一晚要去食梅丘寿司の美登利総本店!!!

美登利?? 東京食壽司果間美登利?? 係呀!!嚟到名古屋竟然食東京野?? 係呀!!正是!!!

美登利在JR Gate Tower的12樓~

先利用發劵機攞飛~按下入座人數便可~之後就留意職員叫號碼~

職員當然係用日文叫號碼啦~但唔識聽唔緊要, 可留意發劵機, 發劵機上有顯示剛叫到的號碼~

營業時間: 11:00-23:00 (last order: 22:00)

上次去東京無機會排入行程~今次唔會再錯過呢間東京必食的名店!!!

雖然時間未到晚上6點, 但已經有很多人正在等位......

除左美登利之外, 附近仲有其他選擇~

大排長龍的ミート矢澤~係使用最高級黑毛和牛入饌的牛扒及漢堡扒店

後來在網上查看, 原來目前全日本只有東京跟名古屋兩間分店~難怪咁多人排隊喇~

來自仙台的炭燒牛舌名店利久

小女子同狂人弟在日本其他地區都食過利久好幾次~充滿炭燒味的牛舌確實令人回味~

等待的時候, 看到餐廳外面有可買走的壽司及刺身飯, 越睇越想食, 越睇越肚餓~有一刻確實有"不如買壽司返酒店慢慢食"的念頭~

但等左咁耐無理由唔繼續等啫~!!(其實無關係~~time cost~~哈!)耐心繼續等下吧😊

期間限定~

冬季壽司set~

最後差不多等左一個鐘終於入得~!!

餐牌前面幾頁係壽司的套餐~套餐有好多種, 睇到眼花瞭亂, 個個都好似好好食咁~~

選擇困難症出現😝

最後我哋揀左中間呢個~

仲有呢個極上吞拿壽司套餐~

如果有特別喜歡食某一種壽司亦可以另外再單點~

狂人弟&肥爸的生蠔~

狂人弟話生蠔好新鮮好甜美~但都係上次去築地食的比較好食~

套餐配搭左茶碗蒸、蟹膏沙津、味噌湯~

蟹膏沙津的份量唔多, 但濃濃的蟹膏加蟹肉,小女子大愛!!!😍

若唔夠喉想再食多啲~可以追加單點~

媽媽唔食生野~所以點左星鰻卷~

超巨型的穴子壽司~

油甘魚刺身~

海膽&玉子壽司~

雖則海膽壽司的賣相唔係咁靚~但味道確係十分讚👍👍👍日本的海膽完全無腥味~!!

呢份就係2800yen的套餐~上面總共有12款壽司+3件小卷+兩件玉子

套餐裡已經有海膽、大大隻的甜蝦、TORO、仲有蟹棒~唔係蟹柳果啲蟹棒, 係新鮮蟹肉!!!

再嚟係同樣2800yen的極上吞拿壽司套餐~

狂人弟自私食的安康魚肝&白子~~

雖然排左一個鐘~但呢餐十分之滿足😋

若同我哋一樣住在Nagoya JR Gate Tower Hotel~日日落嚟JR Gate Tower搵食都可以~因為真係方便到不得之了~!!!!仲有大把餐廳俾你揀~
官方網址: http://www.towers.jp/tenant/rest_3.html