黑炭 Charcoal's 旅遊札記~

緊接著4月與媽媽同行的四國之旅, 5月尾就同狂人弟出發去我地熟悉而非常喜歡的大阪~~~ 同之前一樣, 乘搭早上十點幾由香港開往関西空港的CX 唔一樣的係今次呢班機有哈根大師雪糕食~~~仲要係好少見的香蕉味~🍌🍨 轉眼間~話咁快就到左関西空港啦~ 話時話~~之前黎過咁多次好似都無好好介紹過點樣由関西空港出市區,今篇就好好講下啦~😁 落機後要搭乘無人列車前往Main Terminal 到達Main Terminal就先過海關, 再到行李帶認領行李, 之後就揾車出市區啦~ 若選擇搭巴士, 巴士站就在國際線到著的同層; 而小女子通常會選擇搭鐵路, 因為覺得搭鐵路舒服啲~~~ 要搭乘鐵路前往市區就要上一層, 関西空港的鐵路站在2樓 經過天橋就會去到鐵路站 小女子在網上預訂左 廣島&關西地區鐵路周遊券JR Kansai -Hiroshima Area Pass , 所以就先到JR的綠色窗口兌換周遊券 事先把預約表格print出黎, 到步時拿同預約表格到JR綠色窗口排隊換實體票及付款~ 關西地區鐵路周遊券有好多款, 總有一款啱你用~ 唔係太多人排隊, 我地好快就換到飛啦~ 稍後再寫有關 JR Kansai -Hiroshima Area Pass 的文章😄 2018夏。 大阪。 交通篇。 廣島&關西地區鐵路周遊券 JR Kansai -Hiroshima Area Pass 関西・広島エリアパス   我地今次再次住返難波地區, 由関西空港前往難波應搭乘南海電鐵, 可到售票處買車票或利用自動售票機購買 (JR Kansai -Hiroshima Area Pass只可搭乘JR, 不包括乘搭南海電鐵) 紅色閘口就係南海電鐵的閘口, 南海電鐵可前往難波、新今宮、天下茶屋、和歌山 旁邊藍色的就係搭乘JR的閘口~若前往京都或新大阪就應搭乘JR 由紅色閘口落一層去到1 號及2號月台~ 可乘搭"空港急行", 空港急行可理解為普通車, 不設指定席, 中途停的車站會比較多~ 車費:920yen 而我地通常會選擇搭乘特急rapi:d 特急rapi:d全車

喂喂~~一年一度的大阪之旅又黎啦~!!!😁5月尾小女子同狂人弟又去大阪走左轉~~ 點解又係去大阪?? 因為鍾意囉~ 去咁多次唔悶既咩??? 其實每次去大阪, 小女子都會加插一啲未曾去過的地方或景點, 絕對唔會係千篇一律的行程 享受去到熟悉地方的安全感, 同時亦在旅程中去啲新地方帶來新鮮感✌ 今次小女子同狂人弟除左會去一啲每次遊大阪必去的地方例如: 黑門市場、木津市場、梅田等等之外, 我地會到訪日本三大景的其中兩個--海之京都的天橋立 & 海上鳥居宮島, 當然仲有食、食、食, 同埋食啦😋😋😋 天橋立、廣島縣的宮島、宮城縣的松島並列為日本的三大景 海邊的丹後半島、伊根町和舞鶴都屬於係京都的一部份, 歸納為"海之京都", 而天橋立就屬於丹後的區域, 位於京都府的北部 小女子建議, 若第一次去京都, 不大建議去天橋立, 因交通比較複雜, 而且路途都幾遙遠~~ 第一次去京都都係從簡易的著手, 去清水寺、祗園、嵐山、伏見稻荷吧~ 除非你真係好想去天橋立~~其實除左自己去, 若唔想麻煩去計劃, 可join一日團, 聽講依家有啲一日團會去天橋立的~ 而我地就係自己搭車去的~想自己去天橋立的,就要留意啦~😊 另一個日本三景--廣島縣的宮島 宮島最出名的就係海上的大鳥居, 大鳥居係嚴島神社的一部份 大鳥居離神社口約200公尺,退潮的時候, 是可以走過去觀賞拍照的 廣島的原爆圓頂館(原爆ドーム) 呢個係第二次世界大戰中少數被留低的建築物之一~ 原爆圓頂館原本係由捷克建築師所設計的廣島縣物產陳列館, 1996年已經被聯合國教科文組織訂為世界文化遺產 今次終於可以去一去大阪的潮人之地--南堀江Orange Street オレンジ・ストリート 有人話Orange Street係大阪的原宿, 臨立各潮牌的店舖 潮牌呢家野小女子就唔多識欣賞, 但就幾喜歡Orange Street的氛圍~ 人唔多, 有啲舖頭有cafe, 可以慢慢地嘆個悠閒下午茶☕🍰 仲去左神戶的六甲山牧場睇綿羊~ 綿羊們任意的在牧場走動及瘋狂食草~~其實究竟有幾餓呢??😂 今次入住的酒店都係新嫁😊~唔係酒店係新開幕, 而係我地第一次住呢間酒店~~

終於黎到"2018春。 四國"的最後一篇文章👏👏👏 遊人到訪四國, 其中一個交通樞紐就係高松空港, 由香港飛往高松空港只有一間航空公司--香港快運HK express, 每星期有四班機, 分別為星期日、一、三、五 高松空港面積不太大,當然亦有讓旅客洗盡最後盤川的手信土產店 在 JR Hotel Clement Takamatsu食完豐富的早餐, 就搭利木津巴士前往高松空港 酒店的門前已經係利木津巴士站, 就算滿載而歸, 拖住大包小包都唔晒怕, 非常方便!!! 前往高松空港的利木津巴士時刻表~ 記住留意班次, 因班次唔係好有規律~~~例如: 10:01果班車之後下班車就跳到12:21 仲有, 標左符號果啲班次, 唔係日日開嫁~!!! 在JR Hotel Clement Takamatsu或高松駅上車, 車費係760yen/大人, 380yen/小孩  JR Hotel Clement Takamatsu係第一個站, 所以一定有位坐,去到"縣庁通 中央公園前"巴士就差唔多坐滿~ 利木津巴士的司機位後有行李架, 座位也頗闊落 大約40分鐘就到達高松機場 高松機場樓高3層, 每層的面積亦不大, 一樓有案內所 呢間食烏冬的製麵所~ 旁邊有手信店 烏冬造型的磁石, 立體嫁, 仲有不同的配料, 好可愛~~ 大家記得高松必食的名物骨付鳥嗎?? 呢個係骨付人~😝~骨付JuJu 2018春。 四國。 高松商店街。 骨付鳥。 一鶴。 高松必食美食 烏冬縣的手信店唔少得烏冬, 讓遊客可以購買回國慢慢再品嚐, 但提提大家烏冬包大部分附上湯汁, 若要買就要在check in之前買, 然後寄倉, 唔好在check in後買呀!!!過唔到海關嫁~!!或選擇購買無湯包的烏冬 check in counter都在一樓, 一樓大致上就係咁多野喇~  check in 完後, 我地就上左去二樓 三樓係觀景台, 可以睇到飛機升降, 但好似要收100yen入場~ 二樓繼續有手信土產店, 店外的大堂有烏冬造型的梳化~~~ 烏冬縣的烏冬真係無所不在~~~