2018夏。 大阪 。 交通篇。 從関西空港出市區。南海電鐵--特急rapi:d。難波

緊接著4月與媽媽同行的四國之旅, 5月尾就同狂人弟出發去我地熟悉而非常喜歡的大阪~~~

同之前一樣, 乘搭早上十點幾由香港開往関西空港的CX

唔一樣的係今次呢班機有哈根大師雪糕食~~~仲要係好少見的香蕉味~🍌🍨

轉眼間~話咁快就到左関西空港啦~

話時話~~之前黎過咁多次好似都無好好介紹過點樣由関西空港出市區,今篇就好好講下啦~😁

落機後要搭乘無人列車前往Main Terminal

到達Main Terminal就先過海關, 再到行李帶認領行李, 之後就揾車出市區啦~

若選擇搭巴士, 巴士站就在國際線到著的同層; 而小女子通常會選擇搭鐵路, 因為覺得搭鐵路舒服啲~~~

要搭乘鐵路前往市區就要上一層, 関西空港的鐵路站在2樓

經過天橋就會去到鐵路站

小女子在網上預訂左廣島&關西地區鐵路周遊券JR Kansai -Hiroshima Area Pass, 所以就先到JR的綠色窗口兌換周遊券

事先把預約表格print出黎, 到步時拿同預約表格到JR綠色窗口排隊換實體票及付款~

關西地區鐵路周遊券有好多款, 總有一款啱你用~

唔係太多人排隊, 我地好快就換到飛啦~
稍後再寫有關JR Kansai -Hiroshima Area Pass的文章😄
2018夏。 大阪。 交通篇。 廣島&關西地區鐵路周遊券 JR Kansai -Hiroshima Area Pass 関西・広島エリアパス 

我地今次再次住返難波地區, 由関西空港前往難波應搭乘南海電鐵, 可到售票處買車票或利用自動售票機購買

(JR Kansai -Hiroshima Area Pass只可搭乘JR, 不包括乘搭南海電鐵)

紅色閘口就係南海電鐵的閘口, 南海電鐵可前往難波、新今宮、天下茶屋、和歌山

旁邊藍色的就係搭乘JR的閘口~若前往京都或新大阪就應搭乘JR

由紅色閘口落一層去到1 號及2號月台~

可乘搭"空港急行", 空港急行可理解為普通車, 不設指定席, 中途停的車站會比較多~

車費:920yen

而我地通常會選擇搭乘特急rapi:d

特急rapi:d全車指定席, 搭乘需要購買特急劵; 特急劵:510yen, 特急劵連同車費總共: 1430yen

話明係特急, 所以特急rapi:d所停的站比較少, 但其實都只係快空港急行10分鐘左右

車票上會寫住座位號碼及所在的車卡, 在月台上都清楚標明左車卡的位置, 在此排隊等候就可以~

 

趁等候的時間食舊雪糕三文治先~幾好食嫁, 在月台的自動售賣機買的~

特急rapi:d

既然只係快少少, 咁點解都要花多510yen去搭特急rapi:d???

原因有三: 1. 特急rapi:d的座位非常舒服, 小女子同狂人弟每次坐都會迅速地訓著覺, 眠一眠, 而且車箱內有放置行李的位置

2. 之前有日本新聞話旅客大喼細喼咁霸佔左空港急行的車箱, 造成本地人有點不便, 所以鼓勵旅客搭乘特急rapi:d

小女子覺得要搭乘空港急行或特急rapi:d係旅客個人的選擇, 唔能夠因為你係旅客就覺得你應該搭特急rapi:d, 但作為旅客, 去到人地的地方, 就要尊重人地的文化, 不應有高高在上的姿態, 要作個有公德心的旅客, 搭空港急行的時候就好好顧好自己的行李, 以免做成其他人的不便😉 

最後有個原因, 亦係最重要的原因--情意結😆

所以我地每次進出関西空港都一定係選擇特急rapi:d😊

40分鐘左右就由関西空港到達難波駅, 難波駅的9號月台係特急rapi:d的專屬月台

到達後, 第一時間緊係要放低重擔去酒店check in啦~

今次我地會入住位於難波駅正上方的Swissotel Nankai Osaka 大阪南海瑞士酒店

基本上從南海電鐵難波駅一出閘行十多步, 望向左手邊就會見到酒店入口, 酒店入口就係下圖的"黑洞"位置

真係近到離晒大譜😆

有關Swissotel Nankai Osaka的介紹, 請留意下一篇的文章, 不日更新~😁