2018春。 四國。 松山。 萬翠莊。 坂上之雲博物館
國家重要文化財--萬翠莊
萬翠莊係在1922年建立的法國式別墅, 由原松山城主的後代子孫-久松定謨伯爵所建
因為定謨伯爵長居法國, 所以在松山起左呢棟法式的別墅,
呢幢大正時期的法國式外觀的別墅係出自著名的建築師-木子七郎之手, 作為當時上流社會的重要社交場所, 如今萬翠莊係國家的重要文化財, 供遊人參觀, 內部亦不時有藝術相關的展覽
萬翠莊地理位置非常易搵, 就在全日空酒店的對面
呢間就係全日空酒店, 亦係我地今次入住的酒店
坂上之雲博物館亦在同一個路口進入
行入少少就會先見到由安藤忠雄設計的坂上之雲博物館
經過左坂上之雲博物館, 再行前少少就係萬翠莊的入口
入閘後要行一段緩緩微斜的山路先會去到萬翠莊
沿著山路行會先經過優雅的庭園, 在庭園的位置抬頭望就見到在樹叢中的萬翠莊
萬翠莊的地址除左曾經係定謨伯爵的別墅之外, 亦係日本名作家夏目漱石(即係小說"少爺"的作者)在松山任職英文老師時的居所「愛松亭」所在之地
因此呢度立有紀念碑, 而呢度的咖啡店亦命名為"漱石咖啡店"
歐陸式的建築與剛才到訪的日本城池松山城各有美態
當然松山城的歷史比萬翠莊悠久得多, 更值得參觀
但萬翠莊就在酒店對面, 一場黎到無理由唔去啫~
別墅旁有幾張戶外的餐枱餐椅, 唔知當時的上流社會人士係咪在呢個位置享受afternoon tea既呢??
在另一邊的草叢中發現兩隻鶴的雕像
萬翠莊的營業時間: 9:00-18:00
庭園、別墅外面及1樓內部係可以免費參觀的, 如要到2樓參觀就必須購買入場劵
入場劵在1樓的售票處購買, 售票處旁有售賣手信的地方, 售賣一些香包、與萬翠莊、松山相關的歷史書籍和明信片等等~
不同的房間在當時有不同的用途, 例如呢間係食晚餐的房間
而呢間係接見客人的房間
門上都掛著不同的壁畫
上二樓繼續參觀~
當時並無甚麼特別的藝術的展覽
但有一對日本的新人在拍攝婚紗相~💒
不論係戶外的庭園, 或是裡面的每個房間, 萬翠莊確實係幾適合拍攝婚紗相的~~
但我地就要先參觀其他房間, 等待佢地影完先可以入果間房間參觀~~
與新人同行除左有化妝師&攝影師外, 雙方的家長亦在場
唔通日本影pre-wedding, 家長都要影埋一份?? 定係完成婚禮後一齊黎影相呢??
入場費: 300yen (2樓), 1樓免費
入館時間: 9:00-18:00
定休日: 星期一
官方網址: http://www.bansuisou.org/
在2006年11月30日完工, 在2007年4月28日開館的坂上之雲博物館
《坂上之雲》係日本著名歷史小說家司馬遼太郎原作的長篇小說，更曾被拍成電視劇
而故事中的三位主角係現實生活中的真實人物, 亦都在松山出生
坂上之雲博物館的外型係兩個三角形的重疊, 呢個獨特建築係由世界級的知名建築家安藤忠雄所設計, 聽聞建設耗資高達約30億日元
設計融合周圍的環境, 利用大片的玻璃外牆, 使內部能做到自然採光並反射青山白雲等戶外的景象
我地無入去參觀, 因我地無睇過《坂上之雲》的小說或電視劇, 驚入到去完全唔知發生咩事~
若有睇過《坂上之雲》的話, 應該值得入內參觀
坂上之雲博物館
入場費: 400yen
入館時間: 9:00-18:30 (最後入場: 18:00)
定休日: 星期一
官方網址: http://www.sakanouenokumomuseum.jp/
.jpeg)
留言
張貼留言