2018夏。 大阪。 行程規劃。日本三大景之二- 天橋立、宮島。 神戶

喂喂~~一年一度的大阪之旅又黎啦~!!!😁5月尾小女子同狂人弟又去大阪走左轉~~

點解又係去大阪?? 因為鍾意囉~ 去咁多次唔悶既咩??? 其實每次去大阪, 小女子都會加插一啲未曾去過的地方或景點, 絕對唔會係千篇一律的行程

享受去到熟悉地方的安全感, 同時亦在旅程中去啲新地方帶來新鮮感✌

今次小女子同狂人弟除左會去一啲每次遊大阪必去的地方例如: 黑門市場、木津市場、梅田等等之外, 我地會到訪日本三大景的其中兩個--海之京都的天橋立 & 海上鳥居宮島, 當然仲有食、食、食, 同埋食啦😋😋😋

天橋立、廣島縣的宮島、宮城縣的松島並列為日本的三大景

海邊的丹後半島、伊根町和舞鶴都屬於係京都的一部份, 歸納為"海之京都", 而天橋立就屬於丹後的區域, 位於京都府的北部

小女子建議, 若第一次去京都, 不大建議去天橋立, 因交通比較複雜, 而且路途都幾遙遠~~

第一次去京都都係從簡易的著手, 去清水寺、祗園、嵐山、伏見稻荷吧~

除非你真係好想去天橋立~~其實除左自己去, 若唔想麻煩去計劃, 可join一日團, 聽講依家有啲一日團會去天橋立的~

而我地就係自己搭車去的~想自己去天橋立的,就要留意啦~😊

另一個日本三景--廣島縣的宮島

宮島最出名的就係海上的大鳥居, 大鳥居係嚴島神社的一部份

大鳥居離神社口約200公尺,退潮的時候, 是可以走過去觀賞拍照的

廣島的原爆圓頂館(原爆ドーム)

呢個係第二次世界大戰中少數被留低的建築物之一~
原爆圓頂館原本係由捷克建築師所設計的廣島縣物產陳列館, 1996年已經被聯合國教科文組織訂為世界文化遺產

今次終於可以去一去大阪的潮人之地--南堀江Orange Street オレンジ・ストリート

有人話Orange Street係大阪的原宿, 臨立各潮牌的店舖

潮牌呢家野小女子就唔多識欣賞, 但就幾喜歡Orange Street的氛圍~
人唔多, 有啲舖頭有cafe, 可以慢慢地嘆個悠閒下午茶☕🍰

仲去左神戶的六甲山牧場睇綿羊~

綿羊們任意的在牧場走動及瘋狂食草~~其實究竟有幾餓呢??😂

今次入住的酒店都係新嫁😊~唔係酒店係新開幕, 而係我地第一次住呢間酒店~~😆

本來想住返cross hotel, 但某一天在網上搵到入住大阪南海瑞士酒店 Swissotel Namba Hotel加機票的優惠, 二話不說, 立即book, 我地好耐之前已經想住下呢間在難波駅正上蓋的酒店, 平時呢間酒店的twin room平均價最少都要HK$1700一晚, 今次呢個網上的機加酒的package實在太吸引, 若住cross hotel, 成個package都只係平左每人HK$50, 咁抵, 唔係唔住呀~😎

終於可以住下大阪南海瑞士酒店 Swissotel Namba Hotel啦👏👏👏

2018夏。 大阪。 住宿篇。 Swissotel Nankai Osaka 大阪南海瑞士酒店。超優越的地理位置

2018夏。 大阪。 早餐篇。 Swissotel Nankai Osaka。 在高樓享受豐富的早餐

關西的周遊券何其多~但只要掌握自己行程要去的地方, 就可以好好運用合適的周遊券輕鬆暢遊~既方便又慳錢~

上年我地用左關西廣域鐵路周遊券 JR-West Rail Pass Kansai Wide Pass去岡山&倉敷
2017夏。 大阪岡山。 交通篇。 HARUKA特急。 關西廣域鐵路周遊券 JR Kansai Wide Pass

今次要去廣島, 所以會運用廣島&關西地區鐵路周遊券JR Kansai -Hiroshima Area Pass
2018夏。 大阪。 交通篇。 廣島&關西地區鐵路周遊券 JR Kansai -Hiroshima Area Pass 関西・広島エリアパス

先在網上預訂, 到步時換領, 網上預訂價為13500yen

咁就慳返1000yen嫁啦, 在日本國內購買要14500yen嫁

參考行程:
Day 1 香港。関西空港。大阪南海瑞士酒店 Swissotel Namba Hotel 。難波
Day 2 京都: 天橋立 あまのはしだて Amanohashidate。梅田
Day 3 大阪: 黑門市場。南堀江Orange Street オレンジ・ストリート
Day 4 宮島(嚴島): 海上鳥居。廣島: 廣島平和紀念公園。 原爆圓頂館
Day 5 神戶: 六甲山牧場。馬賽克MOSAIC廣場。Umie購物廣場
Day 6 木津市場朝市。関西空港。香港

 "2018夏。 大阪。 天橋立。 宮島。 神戶" 遊記START~!!!!敬請留意😁 (希望唔會拖太耐啦~😅)

有關文章:
2018夏。 大阪 。 交通篇。 從関西空港出市區。南海電鐵--特急rapi:d。難波
2018夏。 大阪。 住宿篇。 Swissotel Nankai Osaka 大阪南海瑞士酒店。超優越的地理位置
2018夏。 大阪。 早餐篇。 Swissotel Nankai Osaka。 在高樓享受豐富的早餐
2018夏。 大阪。 交通篇。 廣島&關西地區鐵路周遊券 JR Kansai -Hiroshima Area Pass 関西・広島エリアパス 
2018夏。 大阪 。 京都。 日本三大景之一--天橋立。海之京都。丹後半島寶物丼 
2018夏。 大阪 。 黑門市場。 口話貴但又要去
2018夏。 大阪 。 鬧市中的悠閒。 南堀江Orange Street オレンジ・ストリート
2018夏。 大阪 。 日本三大景之一--宮島。 海上鳥居。 宮島商店街。牡蠣屋 
2018夏。 大阪。 美食。不能錯過的Pablo。 RICH 特濃流心芝士撻
2018夏。 大阪 。 廣島Hiroshima: 廣島平和記念資料館。 平和記念公園。 原爆圓頂館
2018夏。 大阪 。 神戶。 親子好去處。 六甲山牧場。 親親大自然
2018夏。 大阪 。 神戶。 逛街必去。 親子好去處。 Mosaic馬賽克廣場 & Umie購物廣場。同場加映: 法國餐 Bistrot Café de Paris
2018夏。 大阪 。 完結篇。 木津卸売市場 。 朝市