2018夏。 大阪。 美食。 不能錯過的Pablo。 RICH 特濃流心芝士撻
相信大家對Pablo一啲都唔陌生, Pablo的招牌流心芝士撻亦成為遊人去大阪必食的美食
而小女子同狂人弟都係Pablo的粉絲, 但我地就偏好Pablo的期間限定或季節限定的產品
再次到訪的係位於大阪道頓崛的分店, 由於時間都唔早, 所以我地決定買外賣返酒店慢慢嘆~
買外賣的人都唔少~~當中大部分的都係遊客😁
有三款唔同的芝士撻:
1. Nude: 只有裡面果層流心芝士, 無左外面的撻皮, 咁咪即係有啲似食燉蛋??
2. Original: 之前食過, 本人唔太喜歡最上果層"羅拔臣啫喱粉芒果味"既野~~
3. Rich: 新登場的產品~價錢貴成一倍, 但新野喎, 緊係要試試啦😋
所以最後決定買Rich!!!
又到MOMO(桃的日文發音)的季節~又到左期間限定桃味芝士撻推出的季節
玫瑰花形狀的桃味芝士撻, 既有外表, 亦有內涵, 合時候的momo十分甜而多汁, 加上招牌的流心芝士, 好好食嫁, 值得一試👍
由於之前已經食過桃味芝士撻, 今次就唔食喇(大佬~邊有咁多個胃呀😂), 我地今次就將焦點放在RICH!!! 濃厚No. 1!!!
樓高兩層的道頓崛店, 一樓係外賣區
二樓就係cafe, cafe有售幾款芝士撻的迷李版, 但只限堂食
其實連埋稅都只係800yen~即係60蚊港紙左右, 物有所值👍👍👍
又一個數量限定+期間限定~蘋果芝士撻~~
咁多新野, 食唔切呀😣唯有等待下次~
貴Original成倍的RICH究竟有幾RICH?!?! 一齊黎揭開RICH的面紗😂
一打開, 成個巨型蛋撻咁~
面頭並無小女子唔太喜歡的original果層羅拔臣啫喱~
一切開~嘩~!!!特濃的芝士流心, 其實芝士唔太流心, 因為真係超濃~~~~~texture似燉蛋多啲, 可能已經凍左, 剛出爐的時候應該會比較流心吧~
芝士味濃烈的程度同newyork cheesecake差不多, 就好似食緊蛋撻與newyork cheesecake混合版~
小女子就只係食左一角, 因為真係十分膩~~
狂人弟就非常欣賞濃厚No. 1 RICH, 因佢好喜歡食newyork cheesecake, 最後佢一己用左3日消滅左呢個芝士撻
背面有mini tart的紙袋, 因狂人弟未曾食過mini tart, 所以又買左兩個唔同味的share食😔~~
月巴是有原因的~~~~~😆
相比起RICH, 小女子更喜歡聖誕節期間限定的原粒士多啤梨芝士撻😊諗起都仲好回味呀~!!!😋😋😋
可參考Pablo的官方網址, 留意最新的出品: http://www.pablo3.com/
PABLO相關文章👇
.jpeg)
留言
張貼留言