2018夏。 大阪 。 日本三大景之一--宮島。 海上鳥居。 宮島商店街。牡蠣屋
黎到旅程的第四天, 我地去到與天橋立及松島並列為日本的三大景的宮島
有人叫宮島做嚴島, 咁究竟呢度係嚴島定係宮島呢??? 無所謂啦~兩個名稱都有人叫, 正如日本女士最喜愛的溫泉之鄉北九州的由布院/湯布院一樣
有1400年以上歷史的海上鳥居係嚴島神社的一部分, 係日本國寶級古蹟, 而嚴島神社被列為世界文化遺產之一
嚴島神社不僅在日本人心目中都被說係一生必去之處, 亦吸引很多國外遊客每年到訪, 而我地當然要去其中最名聲遠播的海上鳥居啦!!!期待已久的海上鳥居~here we go!!!
從難波出發, 先搭乘地下鐵從御堂筋線的難波去到新大阪
去到新大阪便可以使用JR Kansai -Hiroshima Area Pass轉乘新幹線前往廣島
我地搭8:42從新大阪開出的新幹線のぞみ３號, 終點站係北九州的博多
途經新神戶、岡山、廣島、新山口、小倉
我地就在第三個站"廣島"落車
JR Kansai -Hiroshima Area Pass不包括指定席, 所以我地只可在自由席的車箱搵位坐
好在車上唔算太多人, 大部分的乘客都係著西裝的上班族
大約1個鐘頭20分鐘就由新大阪去到廣島
轉搭JR山陽本線
JR山陽本線(岩國行)前往"宮島口"
大約半個鐘頭就到達宮島口
跟著地圖的指示步行去渡輪碼頭
穿過地下隧道
分別有兩間船公司經營由宮島口前往宮島的渡輪, 一間係JR, 而另一間係松大汽船
若使用一日乘車搭船券的遊人, 請記得搭位於左邊的松大汽船
宮島松大汽船時刻表, 約15分鐘一班
而同我地一樣持有JR Kansai -Hiroshima Area Pass的, 就到右手邊的碼頭免費搭乘JR西日本宮島渡輪前往宮島
JR渡輪有一個賣點, 就係船會駛去比較接近海上鳥居的位置
渡輪的班次都幾頻密, 15分鐘一班
到訪宮島的旅客人潮都不少
見到海上大鳥居喇~!!!
由宮島口去宮島大約只需要10分鐘左右的船程
JR西日本宮島渡輪時刻表, 約15分鐘一班
從碼頭出發, 向右手邊行就係海上鳥居的所在地
碼頭有提醒大家當天潮汐漲退及日落的時間~
一出碼頭, 就見到🦌🦌🦌歡迎我地~
終於黎到啦~!!! 終於可以親眼欣賞到呢個日本的三大景😊
剛好係潮退的時候~遊人都行前去觀望大鳥居
嚴島神社
咦!?阿鹿好似發現到呢架BB車有野食喎😆
我地都去親親大鳥居先~
歷史悠久的大鳥居係嚴島神社的一部份
大鳥居用天然楠木所製造, 高度約16公尺, 柱圍寬達10公尺, 大約有六十噸重
大鳥居用天然楠木所製造, 高度約16公尺, 柱圍寬達10公尺, 大約有六十噸重
大鳥居建造於1875年, 使用的樹木至少是五六百年以上樹齡
係宮島最重要的象徵
柱身長滿左藤壺, 除左藤壺, 仲有些硬幣, 長期受到海水的侵蝕, 有些已經褪色
除左日本當地及港台的遊人, 都有不少的外國遊客到訪宮島~尤其係來自法國的遊客
好似宮島與法國唔知有咩聯繫, 碼頭好似有些展板有介紹
在大鳥居及嚴島神社中間有一串石頭, 供遊人踏上去觀看大鳥居及拍照
聽聞在漲潮的時候, 會有櫓槳船運行, 遊人可搭櫓槳船穿越大鳥居
櫓槳船運行時間表: http://yu-ran.com/linkpage.html
嚴島神社
在593年建置, 並在1168年整修為依家的模樣
欣賞完海上大鳥居, 我地就步行去商店街~
宮島商店街在去碼頭的路上, 與海岸步道平行
整條商店街並唔太長, 但當中有不少的小食店, 可以從街頭掃街到街尾👏👏👏
STARBUCKS
創業於明治45年的紅葉堂, 售賣宮島最有名的名產--紅葉饅頭
食起來就好似人形燒, 只係把形狀換成紅葉
有不同的口味: 芝士、吉士、紅豆、抹茶......
醬油屋
MIYAJIMA COFFEE 宮島咖啡店
中午時段有賣簡單的午餐, 係掃街小食以外的不錯選擇
若好似我地一樣喜歡喝咖啡的, 不妨買杯試試
亦可以買濾掛咖啡, 小女子都有買左兩袋, 每袋有4包
宮島咖啡店的咖啡味道非常香濃, 不帶酸而且滑口, 係優質的咖啡; 後悔買得太少回來~
商店街充滿著復古的氣息, 連遮陽棚都好有歷史的氛圍
杓子之家--專門賣飯杓的專賣店, 有各種造型及不同圖案的飯杓, 甚至可以為客人客製化一個專屬卞你獨一無二的飯杓
除左紅葉堂之外, 其實商店街上好多店舖都有售賣紅葉饅頭, 宮島名物嘛😝
鳥居屋亦係其中一間, 我地就買左個炸的吉士味紅葉饅頭試試
非常非常熱, 熱到燙口的吉士炸饅頭幾好食嫁, 黎到宮島記住要買個試下喇~
除左紅葉饅頭, 在宮島不能錯過的美食當然係蠔啦~!!😋
廣島以養殖蠔著名, 已有幾百年的歷史, 我地都成日聽到"廣島蠔", 廣島亦係日本生產蠔最多的地方, 產量為全國的五份之一
所以位於廣島的宮島, 商店街上有不少食蠔的餐廳
星鰻(即係"穴子")係另一的宮島的名物
呢間錦本舗係宮島商店街的名店, 售賣星鰻包(穴子まん)仲有牛肉包, 450yen一個
小女子同狂人弟無食到呢個名物, 因為我地要食全蠔宴~!!!😋
牡蠣屋(かきや), 在米其林指南的2013年廣島版中有被特別介紹
位於宮島商店街中間位置的牡蠣屋, 遊客都冒名而來, 所以生意十分不錯
除左係米其林指南的特別介紹, 最吸引的係--店員會在店舖的門口用炭火燒蠔, 燒蠔的香氣撲鼻, 自然吸引遊人往裡面走~
事不而遲, 食蠔喇喂~~
本想叫一個set A加一個set B, 睇下兩個set究竟有咩分別, 但set B特選牡蠣屋定食已經售罄......
全蠔宴開始啦~~
一齊黎睇下呢個全蠔宴究竟總共有幾多隻蠔啦~
小女子覺得全個定食最好味的就係燒蠔 , 燒得不過火, 剛剛好, 十分鮮甜多汁, 而且海水作了天然的調味
麵豉湯裡面都有蠔~而且都唔細隻嫁~
炸蠔、漬蠔、蠔飯.......全個定食總共有11隻蠔~!!!鍾意食蠔的一定唔可以錯過呀!!!
蠔的愛好者狂人弟話唯一美中不足的係無生蠔~~anyway~
食完全蠔宴之後超級飽~~~繼續行商店街~
大飯杓, 據說當年某人夢到弁財天(日本七福神裡面抱琵琶的), 就照著仙女手上的琵琶作成了飯杓; 後來飯杓變成帶來好運及福氣的吉祥物
所以商店街上有很多紀念品店都有銷售飯杓
行行下見到有間蕨餅專門店~
蕨餅山呀!!!
飽到嘔都要繼續食😝
宮島的鹿鹿比奈良的鹿鹿溫馴得多~
行返轉頭再去望望海上鳥居~已經開始漲潮
我地無等到完全漲潮就離開了, 往下一個景點出發~~!!!
拜拜喇美麗的宮島~😊
.jpeg)
留言
張貼留言