2018夏。 大阪 。 黑門市場。 口話貴但又要去

喂喂~~又黎啦~!!!又係黑門市場呀喂~!!!! 又話貴但又要黎呀~~哈哈!!!😂😂

黎到旅程的第三天, 是日落雨, 唯有去下市場, 之後再去逛逛街~~Shopping!!!

每次到訪大阪都會黎黑門市場, 今次黎發現黑門市場多左好多專做遊客生意的舖頭, 例如呢間, 之前好似唔係好覺眼有呢間舖頭的存在😐

食生冷野之前, 要食啲熱的野暖下個胃先~先食和牛😋

緊係要幫襯我地幫襯開的日本婆婆燒和牛--萬野總本店

現烤現食時間係10:00-17:00

只有最上層呢幾款可以現烤現食

我地揀左呢款~

櫥窗裡面的牛牛好吸引呀😋😋好想打邊爐呀~!!!

點完單俾完錢, 就排隊等店員為你服務~

由日本嬸嬸幫我地燒

上次黎都見到婆婆在舖頭內, 今次唔見婆婆, 唔通婆婆已經無做, 退左休?? 可能係放假吧~

登登登登~!!超juicy既和牛~~~😋😋😋 為我地的勁食早餐之旅揭開序幕🎉

 

咁就食左2825yen~(若兌換率係100yen=HK$7, 即差唔多HK$200)

再提提大家: 切忌邊行邊食

行幾步, 又多左間食牛的店鋪

食左串即燒牛舌, 500yen~

好啦~!! 又黎到香港人在黑門市場必去的黑門三平

開餐🎉今次唔叫太多壽司🍣免得過飽, 影響之後繼續掃街😁

 第一次在黑門三平食整板海膽(之前都係食軍艦), 係鮮甜的, 好味👍👍

狂人弟食左一隻生蠔, 佢話新鮮鮮甜, 但就比較貴~~

每次必食的大とろ壽司, 食到成口都係油, 好美味😋😋但食左一舊都有啲漏

2300yen價錢同上次一樣, 未加價

小女子的至愛--帆立貝

加左價lu~~~1800yen, 比上次貴左300yen~

咁又食左成萬yen......黑門市場啲野真係好貴~~~("咁你又黎...."--人生真係好矛盾😔)

黎到市場, 除左喪食之外, 仲要去買生果🍑🍓🍈🍇

但都係個句啦~黑門市場的野真係唔太便宜~

轉戰千成屋, 繼續食~

第一次在呢間店舖覓食, 除左門口有攤檔之外, 裡面都仲有好多選擇~e.g. 和牛、長腳蟹、大阪燒、炒麵、燒物、甚至係火鍋都有

只要在各個心水的攤檔向店員點菜並付款, 之後店員便會俾張飛你, 等一陣就可以憑飛攞美食😋

我地點左燒扇貝~鮮甜😋, 但小女子都係喜歡食刺身帆立貝多啲~

好好味的燒魷魚🐙, 既保留到魷魚的鮮味, 而且唔太乾身, 仍然juicy

燒鰻魚~當然無係鰻魚飯專門店食既咁好食, 但都比係香港一田買的好食😆

狂人弟仲食左燒蠔, 佢話隻蠔好鮮甜, 若唔係太飽, 會encore食多隻😕

黑門市場真係出晒名, 遊客多過本地人就一定嫁喇, 但香港人真係多得很, 所以話呢~黑門市場係香港人必去的大阪景點👫👬👭👭👬👫

成日都話黑門市場啲野越黎越貴, 好唔抵買, 咁要有比較先會覺得貴嫁嘛~

你可能會話: 同以往到訪時比較緊係依家貴啲啦~

但其實大阪除左黑門市場以外, 仲有個市場可選擇~

就係小女子之前都介紹過既木津市場

木津市場交通都十分便利, 而且食品的價格比黑門市場便宜

但隨著開始越來越多人知道, 過多幾年木津市場可能會步黑門市場的後塵😭 

 Anyway~~都係果句, 早去就早享受~~~~

咁仲去唔去黑門市場呀??若你第一次去大阪, 唔洗諗啦~點都係要去下既😊

咁唔係第一次去呢??

其實我地每次都會去黑門市場, 口又話貴又話唔抵又話好迫人, 但都唔知點解係都要去一去😆😆

所以去邊個市場, 你自己決定啦😂

黑門市場相關文章:

大阪 黑門市場 令人回味的帆立貝 燒和牛 
2017夏。 大阪岡山。 Day 4(1) 大阪。 木津市場定休日?!?。 轉戰黑門市場