2017夏。 大阪岡山。 Day 4(1) 大阪。 木津市場定休日?!?。 轉戰黑門市場
第四天~落雨天🌧
是次旅程的主要景點安排在第二、三天 感恩昨天已完成岡山倉敷之旅 若今天先去~落雨濕濕....真係咩心情都無晒....
今天只係周圍食下野、行下商場shopping~🎁👚👛👝👠👛👢💄👗
上年的六月份~第一次到訪木津市場就食左個超好味超抵食的烏冬~
咁好味緊係要回味一下喇~順道探下超nice的老闆&老闆娘😊 (人地點會認得你呀?!?)
無開?!?!?!殘念......一心諗住食個靚烏冬做早餐~唉......
諗住食好野點可以食唔到!?!?於是我哋決定轉戰去香港人大阪必朝聖的景點--黑門市場!!!
黑門市場係小女子同狂人弟每次到訪大阪必去的地方~
之後已介紹過~
其實黑門市場本來係當地人日常買餸的市場~依家充滿著四圍覓食的遊客
有些店舖已經改變成為專做遊客生意~
咁樣咪同尖沙咀旺角周圍變晒金舖藥房無分別?!?!
ANYWAY~小女子想講~作為遊客~要做一個有禮貌有公德心的遊客~
去到人哋的地方~要尊重人哋國家的文化
唔好大聲喧嘩!唔好以為人哋唔識聽你講野就擘大喉嚨叫你在對面街的親朋!!呢度香港人多過日本人嫁~OK?!?!
唔好推推撞撞!!人係好多~香港人就唔怕你撞啫(因為我哋"訓練有數"😬)~~有一刻真係以為自己在香港行緊年宵.......🙈
最唔明白係點解要拉住喼入嚟~~~啱啱落機?趕住去機場?? 定係要掃貨??已經迫到無朋友嫁喇...唉......
以上純粹個人經歷及所感~如有雷同 實屬巧合......
講返正題--我哋的早餐~
黑門三平~多人到不得知了~!!!!!
小女子同狂人弟分頭行事~小女子去搵位~狂人弟去買野食~
給人堂食的地方擴充了~
但人潮不斷大量湧現......
搵好位座好後~自助斟水及倒醬油~
終於有野食啦👏👏👏豐富的早餐~!!!價錢上漲左唔少~~~
大とろ呀~!!!!😍 成舊豬肉咁既樣~
食到成口都係油~~~~但真係好好好好味~!!!!
日本的海膽真係好鮮甜~!!新鮮係唔同啲既~
💕小女子的至至愛~~💕 HELLO~帆立貝~我哋又見面啦~😝
鍾意食とろ的朋友~可以買一舊叫師傅幫忙切片在店內品嚐~
三年前一行4人就買左舊大とろ~肥到呢~~~😋 豬腩肉咁呀!!
食完黑門三平基本上已經好飽~
但去旅行突然間、無啦啦會多左幾個胃~~~繼續掃街てい!!!
即燒海鮮~唔太吸引、價錢唔平~~跳過~
又嚟到萬野總本店~ 咩嚟!?! 日本婆婆燒和牛呀!!! 😁
再唔係任你揀~櫥窗上有中文告示寫著"只有最上層可以現烤現食"
現烤現食時間係由10:00至17:00~
我哋揀左呢款~承恵3690yen~
揀好、俾完錢~店員就會俾張飛你~然後就可以在旁邊等候
落鑊煎lu~~
今次唔係日本婆婆幫忙煎~變左日本哥仔~
食得lu~Juicy既呢~
牛味四溢~吸引左好多人嚟排隊幫趁~(p.s. 日本婆婆都在相片中😄)
市場內十分擁擠~排隊食和牛的遊人越來越多~
我哋食食下和牛~不以為然地被退到旁邊賣和果子的店家~烤緊和牛的日本哥仔連忙請我哋行返過嚟仲同和果子店家講唔好意思~
唉...唔好意思的應該係我哋~~我哋都急忙同果子店家講句ごめんなさい~~
要緊記:在日本唔可以一邊行一邊食!!亦唔可以在其他的店食唔係屬於該店的食物~要在店舖前食完先好再出發呀!!
黑門中川~基本上係市場內的超級市場~但亦成為遊客買水果的好去處~
其實黑門中川的水果價錢都唔太平~以左圖的琵琶果為例: 8個賣698yen(稅拔)~
白色士多啤梨--淡雪🍓
話說大約兩個月前~小女子在築地買左一粒淡雪~初次品嚐後 十分喜歡淡雪的清甜~
依家再見到淡雪~緊係又要買嚟再試啦~
呢度無得一粒粒散買~只好買1000yen一盒Mini版淡雪~
但細細粒的淡雪無咁好食~唔係好食到淡雪的清甜~~有啲失望...
呢間"千成屋"應該係新開的~上年到訪時都未見有~~
門口有攤檔賣燒帆立貝、燒鰻魚、鰻魚玉子燒
仲有抹茶飲品&軟雪糕
店舖的前半部分售賣當令水果及食得既土產手信(好似可以托運 但小女子無去考究)~後半位置有好幾個攤檔買野食的~好似都有燒和牛、海鮮咁~買完之後就可以安坐店內的食用區品嚐~但我哋已經好飽食唔落~~
食完美食就到前方買手信~嘩!!一站式服務呀!!
鰻魚玉子燒睇落真係好好食~~~
算啦~已經咁飽~~~
食一串燒鰻魚算喇~😂😂😂
縱然家陣的黑門市場人又多價錢又貴~ 但每次到訪大阪都要去~唔去的話整個行程好似差左啲野咁~~~
又要嫌~又要去~~~~~哈哈!!
黑門市場
交通: 大阪地下鐵千日前線日本橋站10號出口
難波道頓崛行大約10分鐘左右
營業時間: 因每間店家而定 主要係9:00-18:00
官方網址: http://www.kuromon.com/
.jpeg)
留言
張貼留言