2017夏。 大阪岡山。 Day 3(2) 岡山。 日本最美的三大名園之一。 後樂園
正在埋頭苦幹準備一家大細冬季旅行~每年的家庭之旅一向會在秋季起行~但今年因種種的原因~延後到12月先出發~~~
應該能在出發前完成"夏之旅"的遊記既~!!! 💪💪💪😝
遊覽完岡山城~出發到日本三大名園之一的後樂園
後樂園與岡山城只係一橋之隔~橫越呢條跨過旭川兩岸的行人天橋
再遠望一下岡山城~
過橋後就到左後樂園的外圍~遊人可選擇從南門或正門進入~
如果從岡山城方向進入後樂園~從南門(側門)進入係最快捷的~
但我哋選擇由遠少少的正門進入~諗住由正門開始參觀會比較順路
後來發現園區係採取周遊式設計~其實從邊度進入都係一樣......
後樂園建於1687年~由當時岡山藩主池田綱政命令家臣津田永忠建造~費時三年~於1700年完工
有300多年歷史~過去是岡山藩主靜養休閒的場所
入口的不遠處有間土產手信店~亦有茶點提供~
再行前少少~見到有個大型的動物鐵籠~裡面有幾隻日本丹頂鶴~
因籠外仲有籬笆相隔~加上丹頂鶴們行嚟行去~所以相片唔係影得太清楚😅
查看資料~原來後樂園內養左八隻日本丹頂鶴~😮
當小女子正在研究有幾多隻丹頂鶴之際~突然聽到"嘭嘭"聲~原來係其中一隻丹頂鶴在拍翼~真係俾佢嚇親😖
鶴舍並唔高~空間亦唔足夠讓丹頂鶴在籠內飛翔~只能在地上行走
但一到每年的元旦~後樂園都會在園中放飛丹頂鶴~讓丹頂鶴"自由自在"在園中飛翔~一展美麗身姿~(有點諷刺...)
鶴籠旁的涼亭內展示出放飛丹頂鶴的相片~
睇完籠中的丹頂鶴~開始放慢腳步~慢慢欣賞日本的庭園~
寬闊的大草地沿著道路蜿蜒~兩旁的護欄係用天然的竹藤做成的~
水池的中間有日本庭園特式的中島~
日本三大名園係後樂園(岡山縣岡山市)、 兼六園(石川縣金沢市)、偕樂園(茨城縣水戸市)
小女子下次的目標係金沢的兼六園😊
有一對日本準新郎新娘影pre-wedding~
後樂園環境清幽舒服~ 遊人亦唔多 ~ 使心身安寧舒暢~
日式庭院內都會有食茶點的地方~讓遊人行到咁上下可以悠閒地放鬆一下~
行上小山丘- "唯心山" 可以一覽園區的景色
在不同的季節到訪能夠觀賞到不同的花朵及園景的變化~
到訪的時候係6月頭~按照官網介紹應該可以欣賞到花菖蒲~說好了的花菖蒲呢??
後樂園佔地非常寬闊~共有13公頃
其實後樂園係旭川中的沙洲~因此土壤非常肥沃~十分適合種植~
園內亦保留左幾塊耕地~工作人員正在耕地上工作~
是日陽光充沛🌞~行到咁上下係時候歇一歇~補充一下
嚟到福田茶屋~試一試季節限定的抹茶啤酒(700yen)及甜品
室內位置~
都係坐外面比較舒服~
一邊品嚐季節限定的甜點(950yen)~
一邊欣賞著美景~非常寫意
柔和的陽光、一陣陣微微的涼風吹來~ 坐著坐著想繼續休息~唔太想離開呢個舒服、輕鬆的氛圍...
但行程緊密~不得不動身~
臨走時遇上一對日本母女在餵錦鯉~
超級無敵多呀~仲每一條都好大好肥美~
好喇~差不多要出發去下一個行程~
但離開後樂園之前要做埋最後一件事--尋找價值800yen的牛奶軟雪糕!!
聽聞在後樂園有間叫殘夢軒的店鋪~售賣有著日本No.1美稱~乳脂肪率超越Häagen-Dazs和花畑牧場的軟雪糕~
雖然800yen一枝軟雪糕的確好昂貴~但一場嚟到無理由唔試埋先走啫~~~~
搵呀搵~原來殘夢軒係在後樂園的出入口外面....好不容易先搵到
點知......
殘念......
800yen 的 Super Premium牛奶軟雪糕~~😭😭😭
後樂園
入場費: 400yen; 560yen (岡山城通用); 960yen (岡山城、林原美術館通用); 1000yen (岡山城、夢二鄉土美術館通用)
營業時間：3月20日-9月30日 07:30-18:30 (最後入園時間: 17:45)
10月1日-3月19日 08:00-17:00 (最後入園時間: 16:45)
官方網址: http://www.okayama-korakuen.jp/index.html
.jpeg)
留言
張貼留言