2017夏。 大阪岡山。 Day 3(3) 倉敷。 古老和現今的融合。 美觀地區。 散策
帶著一點的遺憾離開後樂園~
搭乘路面電車的東山線從城下站到岡山站前返去JR岡山駅
 |
| 復古的路面電車 |
亦有現代化的
暫時離開岡山~出發到鄰近的倉敷
由岡山到倉敷只需要15分鐘左右~搭乘山陽本線普通(Local Line)
到達JR倉敷駅後從南口出~行大約10-20分鐘就可以到達倉敷美觀地區
倉敷著名的倉敷川沿著的兩岸長滿左柳樹~所以倉敷的渠蓋亦是係柳樹圖案
(點搞張相都轉打直....)
(點搞張相都轉打直....)
倉敷周邊都有很清楚的指標~沿著指示方向行~就唔會迷路了
可以經由中央通或商店街前往
小女子選擇從中央通前往美觀地區
大直路一直行~從其中一個路口向左轉 看到充滿懷舊氣氛的江戶川時代建築~就到達倉敷美觀地區了~
彷彿進入左另一個世界~一瞬間由現代穿越左去古代
倉敷美觀地區被指定為"重要傳統建造物群保存地區"
一進入美觀地區~就有個人力車伕用英文同我哋介紹美觀地區~雖然佢好熱情、七情上面咁 但佢撩錯人喇😂 小女子同狂人弟唔捨得俾咁昂貴的費用 我哋都係用雙腳去慢慢探索吧~
若盤川充裕~不妨搭下人力車暢遊美觀地區~人力車導賞遊都係一個唔錯的體驗
(P.S. 人力車伕仲話會帶遊人去啲普通遊客去唔到的"秘點"喎!!😜)
專賣貓咪造型商品的貓屋敷~
開業於昭和34年的倉敷老字號咖啡店CAFE EL GRECO~
有兩隻天鵝"喱埋"左在呢條橋底~等左陣都無出嚟~~
再行前少少就會見到大原美術館
大原美術館於1930年由大原孫三郎所創立~號稱係日本第一個西洋美術館
藝術既野唔係同我哋好熟😂~我哋都係繼續前進~
倉敷川~
在16世紀的時候倉敷主要係運送各地特產的聚集地~靠淺灘船做水運~而倉敷川就擔當著運河的角色~而且兩旁興建左好多倉庫~
依家的倉敷川旁兩岸有小攤販在擺賣~遊客亦可坐船遊倉敷川~在昔日的運河上欣賞兩旁的景色~
倉敷川兩旁有形形色色的店舖~
兩旁的柳樹配上小橋為呢個在城市中的美觀地區更添上一番詩意~
在1917年所建的西式木造建築--倉敷館~係國家登記之有形文化財產~
依家係倉敷觀光案內所~裡面有免費休息室 屬於倉敷的印仔亦在裡面~儲旅遊印仔的遊人要注意啦!!
如果要搭乘倉敷遊覽小船亦係在呢度購買船飛~500yen一個人~
每班船限制人數為6名~每趟乘坐時間大約20分鐘左右~
搭乘時間：9：30-17：00 每30分鐘出船(天氣不佳停開)
3月-11月(第2個星期一公休、如遇假日開放)
12月-2月(周六及假日出船 年底年初公休)
買好船飛後~在乘坐時間前十分鐘到倉敷館對面等候出發
繼續漫步~
常春藤廣場 Kurashiki Ivy Square
本來係明治時期倉敷紡織廠的所在地及倉庫群~建於1889年~係倉敷紡織的發源地 日本最古老的紡織廠之一
後來紡織廠搬遷去現代化的廠房~所留下來的紅磚廠房改建成常春藤公園
廣場內除左種滿植物造景的庭園之外~部份的倉庫改建成博物館、餐廳、咖啡店、手工藝店、土產手信店及酒店
廣場內除左種滿植物造景的庭園之外~部份的倉庫改建成博物館、餐廳、咖啡店、手工藝店、土產手信店及酒店
一進入門口的左手邊係兒島虎次郎紀念館~
(呢張又係點整都打橫唔到....)
(呢張又係點整都打橫唔到....)
倉敷紡織紀念館~
注意:有些紀念館係需要付入場費的~
呢個期間限定的展覽無料入場~
展示各式各樣的紡織製品~若睇啱心水~可以即場購買~
入口處擺放左一部古老的紡織機
酒店旁昂貴的餐廳~
好美的紅磚牆~
常春藤廣場官方網址: http://www.ivysquare.co.jp/
離開常春藤廣場~走進小胡同裡~
古老的建築被修復、再生 成為特式咖啡店、美術館、土產手信店等等~
維持舊時的外觀但內裡注入新的元素~ 感嘆日本政府對古舊建築的修護工作👍
金賞牛肉餅~之前在九州的由布院食過~
好美的繡球花~6月正是繡球花盛開的季節
倉敷名物--限量手作幸福微笑布甸🍮
據說限量布甸十分受歡迎~店鋪門外時常大排長龍
仲有可愛的熊貓奶酪~
就係呢間有鄰庵~白天的時候有鄰庵係餐廳~而到左晚上則經營民宿
咦?!?唔洗排隊既?? 唔通已經賣晒?? 當時唔太想食布甸~所以無入去幫趁求證~
除左甜點外~ 有鄰庵都有供應餐點~當中有岡山著名的韭黃醬油生雞蛋拌飯
岡山盛產白桃~食返杯もも味雪糕🍑🍦~作為倉敷美觀地區的結尾~
軟滑的軟雪糕戴上清新的白桃味~ 令人難以忙懷的味道~~
(其實我哋正餐都未食~😁)
軟滑的軟雪糕戴上清新的白桃味~ 令人難以忙懷的味道~~
(其實我哋正餐都未食~😁)
步行返到倉敷駅~
搭車返去岡山~
咦?!?!下班車係特急やくも18號~
JR Kansai Wide Pass有無包既呢??
算吧~唔好諗太多~最多咪俾特急費用~~~
最終要唔要俾額外費用?? 係唔需要既~!
漫步在倉敷川旁的街道、小胡同~走入江戶時代的古老建築~慢慢地閒情地感受當地的人文風情
恬靜的氛圍給人一再想停留~真的相當悠閒自在
可惜的係出遊時間有限~無法停留太耐~希望下次有充裕時間可以在倉敷住一晚~看看美觀地區迷人的夜景
從早到晚感受一下美觀地區的美~古老和新穎的融合
.jpeg)
留言
張貼留言