2017夏。 大阪岡山。 Day 3(4) 岡山。 午餐--新宿さぼてん 。 超好逛的西日本最大的AEON MALL。
返到岡山~在岡山駅附近食個午飯先~其實當時已經係下午3點幾......
去岡山駅旁邊的美食廣場覓食~
咦?! 新宿さぼてん呀!!! 之前在成田機場食過一試難忘~好好食的吉列豬扒~!!
好!!就食呢間喇~!!
同成田果間的MENU有啲唔一樣~無上次食果個滑蛋吉列豬飯拼烏冬...
健美豚?!?!😝
狂人弟的吉列豬扒飯set~
小女子單叫左個滑蛋吉列豬飯~
個飯又唔係唔好食既~~~~但成田果個好食好多倍~!!!
有啲失望......
較光少少影多張相先~
丫~~仲有果碗麵豉湯 咸到有爆腎的危機!!!😖
好喇~食完個唔太滿意的下午茶飯~就出發去位於岡山駅附近的AEON岡山店
AEON岡山店係西日本最大的AEON MALL~離JR岡山駅只係5分鐘內的腳程~
咁方便點能夠唔去逛逛呢~!!
1樓有走高檔路線的高島屋及超級市場
家品店、服飾店、鞋店應有盡有~!!所熟悉的品牌UNIQLO、Zara、H&M、Muji、ABC Mart 、J!NS都可以在岡山AEON Mall搵得到~仲有小女子最喜歡的Tokyuhands!!!
我哋決定由上至下開始逛~
餐廳集中在6樓&7樓~
先去6樓的SEGA夾夾公仔~俾狂人弟夾到隻中型的比卡超~
Starbucks 位於5樓~
對面係戲院~
旁邊有live show~好似係電視台在錄影節目中~
錄影緊咩節目小女子就唔多清楚了~但其中一個男藝人有點熟悉~好似係日劇<東京白日夢女> 裡面開酒bar果個男人
在一間賣文具及小朋友圖書的店鋪 見到幼稚園時用嚟做勞作的漿糊仔~
好懷念呀!!!比以前出多左好多款式~本想買一樽返去留念~但價錢唔平...唔通復古的東西特別貴?!?
有一陣子有隻cream的樽都係用漿糊仔做~但呢個裡面真係漿糊嚟嫁!!唔好用嚟搽臉呀!!😂
雖然香港都有不少分店 但去到日本點都要行下的MUJI~ かわいい的小朋友衫仔~
好~費話少講~我哋嚟岡山AEON主要的目標係AEON STYLE的超級市場!!!
有啲商品的價錢特別用紅色標示~ 應該係是日特價吧~
e.g. 一盒6個的琵琶果賣398yen(稅拔)
原來日本的AEON特價日在星期二(火矅日即係星期二)~
(香港AEON特價日係在星期三 小女子的媽媽差不多每星期都會去逛逛😬)
好多水果呀!!!🍇🍈🍒🍊🍋🍍🍏🍎🍐🍑🍓
來自熊本的🍓🍓🍓~好多熊本熊呀!!😁
超值的壽司🍣🍣🍣~!!唔買真係對唔住自己~~~~
比起便利店~款式又多~價錢又平一大截!!
掃貨完畢~!!!
問題係點樣保持溫度運送壽司、牛奶返酒店呢??
問題係點樣保持溫度運送壽司、牛奶返酒店呢??
放心~!! 收銀處對出有製冰機~可自行提取冰塊~用保鮮袋裝起冰塊~再把裝有冰塊的保鮮袋放進購物袋內~
其實旁邊仲有一部類似急速冷凍的機器~見到有日本人將裝滿的購物袋放入機器~
當按制後幾秒~打開機器門~白色而冰凍的煙從內部湧出嚟~
由於唔太確定此機器係咪真係有冷凍的用途&溫度會否過凍而影響是晚的晚餐😬~
所以我哋都係使用最傳統的方法--"冰鎮"好了~
所以我哋都係使用最傳統的方法--"冰鎮"好了~
好喇好喇~要快快返歸啦!!!
下一班車係18:46!!
但撞正放工時間....超多人~~唯有等下一班在18:53開往東京的新幹線~
50分鐘左右就返到新大阪~!!而我哋住的酒店正正在新大阪駅的旁邊~~十分方便
返到酒店~開大餐lu~!!!!👏👏👏
左圖: 398yen(稅拔)是日special的壽司卷~有4隻口味~吞拿魚、三文魚籽加生菜、三文魚、沙津吞拿魚加生菜&蛋絲~共8件
右圖: 1000yen(稅拔) 吞拿魚刺身~有3塊中toro、其餘的係普通部位(赤身)~
左圖: 980yen(稅拔)壽司拼盤~10件不同款式的壽司
右圖: 原價1000yen 特價800yen (稅拔)6款刺身拼盤 ~好鮮味~!!當中以鯛魚(上排右二)最吸引!!!
左圖: 980yen(稅拔)半生熟燒牛~ 好有牛味!!超多塊~食極都仲有😂!!抵食~
右圖: 日本產的蜜瓜(半個) & 進口的菠蘿~唔記得蜜瓜幾多錢~但就係記得好好好甜!!勁JUICY~!!!
本身小女子嫌太重~唔太想買蜜瓜~好在狂人弟堅持要買~因為真係好。好。食!!!
日本的超級市場真係好好逛!!! 貨品的種類繁多唔在講~刺身、壽司的質素無可質疑~!!絕對唔能夠同香港的X田、CITY SUXER、Martket plaXe比較~既新鮮又抵食!!
每次遊日~小女子也十分喜歡到各百貨的超級市場逛逛~今次在AEON逛到有點失心瘋~~因為真係好平好抵👏👏👏其實旁邊的高島屋也有超級市場~但價錢比較貴
AEON岡山店真心超好逛!!衫褲鞋襪、帽子、圖書精品、家品、超級市場、餐廳、戲院一應俱全~!!
重點係人唔多~逛得好自在好舒服~只係超級市場比較多人
可能因為岡山暫時並唔係遊客的熱門地點吧~
遊岡山又點可以錯過呢個全西日本最大的AEON MALL呢~!!!
.jpeg)
留言
張貼留言