2018夏。 大阪 。 神戶。 親子好去處。 六甲山牧場。 親親大自然

黎到旅程最後一日的Full Day~我地會去位於神戶的六甲山牧場親親大自然+🐑🐑🐑🐑🐑🐑🐑

( 六甲山牧場啲綿羊通山走嫁😊)

以為神戶會比較近啦, 係呀!!由大阪去神戶好近嫁咋, 搭JR快速, 車程只需要大約半個鐘頭

但其實要去到六甲山牧場都幾麻煩加費時, 轉左好多程車先去到......

我地今次住在難波, 所以要先搭大阪地下鐵御堂筋線由難波去到梅田

到達梅田後就步行到JR大阪駅, 搭JR神戶線新快速前往JR三丿宮駅

JR呢段車程, 當然可使用JR Kansai -Hiroshima Area Pass (是次旅程使用JR Kansai -Hiroshima Area Pass)

到左JR三丿宮駅後, 就要搵18號巴士, 18號巴士係前往"摩耶ケーブル"

巴士站就在JTB旁邊~

3號巴士站就係18號巴士的停泊處

18號巴士所經過的車站, 由三丿宮駅到摩耶ケーブル,總共16個站, 摩耶ケーブル唔係終點站

巴士班次唔密, 平日普遍一個鐘先有一班車, 所以要預計好時間~

巴士時刻表(參考): https://www.navitime.co.jp/diagram/bus/00115195/00027827/0/

可到三丿宮駅的觀光所攞優惠劵, 交通、觀光都有不同的優惠, 例如: 六甲山牧場入場劵可減100yen/人

巴士可使用ICOCA

大約半個鐘到達摩耶ケーブル駅

唔好即刻衝上去搭纜車呀!! 記住落車後要先去睇睇巴士回程班次, 以預計好時間落山

到摩耶ケーブル駅搭乘摩耶纜車上山

日本三大夜景--摩耶山, 但我地今次唔會睇夜景, 只會去六甲山牧場

講開日本三大夜景, 小女子在今年10月的時候去睇左其中一個, 遲啲再同大家分享😊

摩耶纜車分兩段

1.登山車: 摩耶ケーブル駅→虹の駅

2.纜車: 虹の駅→星の駅

再在星の駅搭巴士, 先去到六甲山牧場

登山車& 纜車的往返劵: 摩耶ケーブル駅--虹の駅--星の駅 1540yen/人

5分鐘就去到虹の駅

轉搭纜車前往星の駅

又係5分鐘就到~

等待的時間仲耐過搭, 無記錯應該係每20分鐘一班登山車& 纜車~

基本上全程都無咩人, 只有我地兩個及兩個香港女仔~~

去到星の駅後, 就行去搵前往六甲山牧場的巴士~

緊接等待之後就係繼續的等待~~~~~~

平日的巴士班次係一個鐘頭一班...... 我地足足等左45分鐘.......

強烈建議,,若要去六甲山牧場, 最好安排在星期六或日前往!!!

巴士班次會比較密少少, 半個鐘頭一班~

45分鐘有咩好做呢?? 就去巴士站及纜車站旁邊的掬星台影下相睇下野~

風景係靚既~但邊可以消磨到咁耐的時間呢~~

而且當日太陽十分猛烈, 並且唔知點解呢度有好多蟲蟲, 小女子唔驚蟲蟲, 但啲蟲蟲係飛埋塊面度嫁😖😖😖, 十分討厭

等咁耐巴士, 不如行去啦~小女子有諗過嫁, 但由呢度行去六甲山牧場要行大約50分鐘~~

最後放棄左呢個念頭, 我地決定繼續等待巴士的來臨~~

hea下~去個洗手間~再在車站行下又坐下~

巴士終於出現啦~👏👏👏

由星の駅前往六甲山牧場, 4個站就到達~車費係240yen/人~

都係果句, 落車後緊記要睇睇回程的巴士班次, 預番時間去巴士站, 免得送車尾或在巴士站呆等

好啦~經過幾程車與漫長的等待, 終於黎到六甲山牧場喇~!!!

入場劵: 500yen/人, 我地使用剛才在三丿宮駅的觀光所攞的優惠劵, 可以每人減100yen😊

首先welcome我地的係最近入口位置的一羣好嘈不斷咩咩叫的山羊~🐏

正在餵山羊的日本小孩突然大喊, 原來係被突然行埋身邊的綿羊嚇親~~

在六甲山牧場, 綿羊係通山走嫁, 而且係完全唔怕人埋佢地身~~

開始沿著斜坡上山~

除了四處跑的綿羊, 牧場仲有其他農場動物, 例如: 豬🐷、乳牛🐄、馬🐎、鴨仔🦆等等

在馬圈旁的草地, 有兩隻小綿羊不斷在食草~

我地都影左佢地好耐, 佢地都係係咁食, 無停過, 任影唔嬲, 究竟係有幾肚餓呢??

行去羊舍, 去尋找更多的綿羊~!!!

去到羊舍之前, 會先經過馬舍~

兩匹小馬亦係在瘋狂食草😂

行到上山頂, 美麗的草原~

咦!?~?咩又係你呀小羊~由山下食到山上😂

任影任摸都可以, 羊仔都係會keep住食草~~~

羊仔啲毛軟林林, 好舒服, 而且係完全無嗅味, 放心😊

山頂上有幾張木椅, 坐在呢度休息下, 望著草原, 仲小羊在身旁食草, 都幾愜意~~

但是日太陽十分之猛烈, 木椅又無樹蔭, 所以我地在山頂停留左一陣, 就繼續行去下一個地點

沿路都會見到綿羊同埋佢地的便便💩~地下一粒粒果啲就係喇~

牧場内設有不同的手作體驗室, 若有興趣參與其中的體驗, 需要事先留意課堂的時間

先去參觀兔仔之家~

肥嘟嘟的兔仔懶洋洋地午睡中~~

由兔仔的屋企再向前行就係羊舍~

有好多羊羊趴在羊舍門外休息~

我地再向前行的時候, 有一羣羊迎面而黎~~仲有幾隻黑色面黑色腳的羊羊~

小羊跟著大羊, 後面的羊羊飲完水就繼續跟著大隊

最前頭並無工作人員帶領著羊羊, 羊羊們向著同一個方向前進, 唔知佢地要去邊呢??

星期六、日及假期的13:30, 呢度有牧羊狗表演, 若星期六、日及假期到訪六甲山牧場, 就預好時間觀賞喇~

其中一隻牧羊狗Sophie~

羊羊們在草坡上食草, 好美的景色, 好似去左外國咁~

後面果棟建築物就係手作體驗室的地點~

又係果兩隻小羊呀~!!!

點解記得係佢地~因為每隻羊羊的耳仔都有號碼牌嫁~

可隔著玻璃窗望望裡面的工場, 好似係製作緊芝士🧀

有幾種不同的手作體驗, 例如: 羊毛手工體驗

但要注意, 有啲手作體驗只限星期六日及假期, 有興趣的遊人要事先查閱清楚啊~!!

我地無去做手作, 但就入左去裡面間小餐廳度飲奶昔~

奶昔超~~好~~味~~~!!!! 奶味超濃!!! 用著可愛的乳牛杯裝著, 加分💕 色香味俱全~!!!

餐廳旁邊有紀念品店~

除左奶昔之外, 黎到牧場又怎能夠錯過軟雪糕呢~!!

同樣係奶味超濃~!!!😊👏👏👏

食完雪糕, 我地就離開六甲山牧場, 要就返班次, 搭幾種交通工具返去神戶市區~~

總結: 整個牧場都算幾大, 可以呼吸下山上新鮮的空氣, 悠閒一下, 又可以看看各種動物, 相信小朋友都會幾喜歡, 所以都幾適合一家大細黎, 但若然一家大細黎就建議自駕遊, 因為都要轉好幾程車, 及有不少等待時間......當然都可以好似我地咁搭交通工具, 當體驗一下囉😁

六甲山牧場算係比較愜意的行程, 逛逛下都停留左2個幾3個鐘
建議當天的行程唔好排得太滿, 預留時間享受悠閒之餘, 亦預留時間等車😂😆

六甲山牧場
入場劵: 500yen/人

營業時間: 平日--09:00-17:00, 星期六、日及假期--09:00-17:30(關門前半小時禁止入場)

休息日:11月-次年3月逢星期二休息, 逢節假日有可能換休

             1月中旬-2月上旬為點檢期間休息, 12月29日-次年1月3日休息

六甲山牧場官方網址: http://www.rokkosan.net/