2018秋。 北海道。 函館 。特別史跡星狀稜堡五稜郭 。五稜郭公園 。五稜郭塔

函館, 北海道道南地區的中心城市, 僅次於札幌市與旭川市, 函館係北海道人口第三多的城市

在150年前就已經開放對外貿易, 係日本較早開放的港口都市之一, 因為對外開放的關係, 所以函館到處都充滿左西式的風格

函館的地標景點--五稜郭正係一座西式堡壘, 大約於150年前竣工落成

從五稜郭塔俯瞰, 可看見由護城河切隔而出的星型迷人景致

五稜郭公園四季都有著不同的景緻~ 春天的櫻花、夏天的綠葉、秋天的楓葉、冬天的雪景

因此吸引不少的遊客到訪~
本來諗住會睇到佈滿紅葉的"星星", 點知啲葉係未開始紅既~~~~😅

(旅遊日期: 18/10/2018 星期四)

旅程的第三天, 我地一早就出發去函館~會搭乘8:39由札幌開出往函館的特急スーパー北斗6号

今天開始使用北海道鐵路周遊券 JR Hokkaido Rail Pass, 在旅程的第一天買票的同時已經請職員幫忙劃好指定席的座位~

若無預先劃定指定席, 可以到6號及7號車箱坐自由席~

特急スーパー北斗

去北海道自遊行一定要購買專為遊客而設的北海道鐵路周遊券JR Hokkaido Rail Pass, 可以慳返好多車費嫁😊

相關文章: 2018秋。 北海道。北海道鐵路周遊券。 JR Hokkaido Rail 3-Day Pass

亦已同時劃好第二天由函館回札幌的指定席座位~

由札幌到函館需時3個鐘頭44分鐘, 記得買定野上車食

無買都唔緊要, 車上有各款的便當可購買, 唔怕餓親~

除左便當, 仲有紀念品、甜品、飲品~

終於到達函館~😎

函館的景點唔太多, 所以我地只會在函館逗留2日1夜
今晚會住在JR函館駅旁邊的Four Points By Sheraton函館

未到check in 的時間, 我地放低行李在酒店後就出發去五稜郭公園

前往五稜郭公園或其他函館的各景點, 主要都可以搭乘函館的叮叮, 即係函館市電

Four Points By Sheraton函館的旁邊就係函館市電的"函館駅前"駅, 非常方便 

舊版的市電

現代化的市電

根據路程的長短, 車費由210yen至240yen一程~(可用IC卡)

我地要去"五稜郭公園前"駅, 兩條線都可以去到五稜郭公園
唔洗驚會搭錯車, 只需要搞掂方向就可以

時刻表

由"函館駅前"駅到"五稜郭公園前"駅共8個站, 需時大約15分鐘~

函館市電同日本其他地區(e.g. 長崎、熊本、松山等等)的市電一樣, 基本上市電都係當地居民的主要交通工具

大家要做個有禮貌、守秩序的好遊客啊😊

到左五稜郭公園前駅~

五稜郭公園前駅步行大約10-15分鐘就會去到特別史跡--五稜郭

沿路都有指示~

白雪雪的五稜郭公園塔, 高約107米~

旁邊有函館獨有而且係必食的幸福小丑漢堡
整個函館地區都佈滿幸福小丑漢堡的分店

我地今晚的晚餐就會去食喇~

好可愛而colourful的渠蓋

一齊登上五稜郭塔眺望五稜郭公園吧~

五稜郭塔的營業時間

入場費:900yen/人, 其實都幾貴~~

入場劵上面印左不同時間、不同季節、不同角度五稜郭公園的景致~

被白雪覆蓋及櫻花盛開時的五稜郭公園好美啊~!!!

搭乘升降機上五稜郭塔~~

登上五稜郭塔就可以眺望到完整的星形城郭

講少少歷史背景先~

五稜郭係於江戶時代末期建造的星形的軍事要塞
獨特的"稜堡"設施: 外觀有5個突出的角, 呈星狀五角形因此被稱為"五稜郭"

亦係日本第一座西式碉堡, 當時係為左防守入侵的西洋軍隊而建造的

後來明治維新時期, 江戶幕府以五稜郭為基地, 抵禦明治新政府

五稜郭正中央就係箱館奉行所(箱館係函館的舊稱)

箱館奉行所係當年幕府的政策據點, 但本來的奉行所已經在明治維新時期的箱館戰爭後被拆毀

呢棟係在2006年開始重建的, 遊客可以進內參觀, 了解關於箱館的歷史及奉行所的還原過程

入場劵為500yen/人

除左可眺望星狀碉堡五稜郭, 在五稜郭塔上仲可以360度欣賞函館的風貌景觀

沿著五稜郭的護城河周邊種左一千多棵的櫻花, 所以五稜郭係非常熱門的賞櫻地點

希望下次能在春天的時候再到訪, 觀賞浪漫粉紅花海中的五稜郭

去到瞭望台的下一層, 有些位置係玻璃地板的

小型的紀念品店

原來星形軍事要塞的設計係原於意大利
多個稜角的設計係可以互相掩護, 受到敵方攻擊時有多個方位可以反擊

歐洲各地亦有好多星形要塞歷史遺跡, 而且不單只係五角稜堡, 仲有六角八角的

離開瞭望台, 我地去到一樓的中空花園~

嘩~!!有美味的夕張蜜瓜啊~!!!

可以整個買, 有宅急便服務

亦可以好似我地咁, 買一杯切粒蜜瓜或蜜瓜沙冰坐在中空花卉慢慢品嚐~

食第一粒的時候確實係好好味的,超級甜美多汁

但食多粒已經覺得過甜😂~食得多可能會有糖尿病😅

都係少食多滋味~唔知夕張蜜瓜的甜度係幾多呢?~~

最後緊係唔可以錯過一樓超大的紀念品店啦~

離開五稜郭塔, 我地就搭市電返酒店check in了~

天氣開始凍, 路邊的小孩同小狗都要戴上頸巾~

五稜郭塔
營業時間: 4月21日-10月20日8:00-19:00
                 10月21日-4月20日9:00-18:00
定休日: 年中無休
官方網址: http://www.goryokaku-tower.co.jp/index.html