黑炭 Charcoal's 旅遊札記~

適逢東京迪士尼慶祝開園35週年, 小女子身為迪迪尼的鐵粉, 緊係要去一去啦~!!! 因今次的旅程主要係在迪迪尼的渡假區活動, 住宿方面, 同樣我地係選擇左去年住過的 Sheraton Grande Tokyo Bay Hotel 東京灣喜來登大酒店 超優越的地理位置, 美麗的景觀, 寬闊又舒適的房間, 超豐富又美味的早餐, Sheraton Tokyo Bay確實係令人忘懷的住宿😊 先介紹下由機場前往Sheraton Tokyo Bay的交通 有別於去年, 今次我地因搭乘國泰的航班前往成田空港, 所以到埗時係在二號客運大樓 但無論你身處Terminal 1 或是 Terminal 2, 過左海關驗查完行李, 同樣都好容易便會見到售賣往市區巴士車票的counter 就可以直接向職員購買由成田空港前往迪士尼渡假區的車票, 無需要預約 而駛往迪士尼渡假區的巴士係會去晒渡假區內每一間的酒店, 所以買票時就可以同職員講係去邊間酒店, 直接在入住酒店落車就可以 由成田空港前往Sheraton Tokyo Bay車費為1800yen/大人 買好車票就去搵乘車點, 若在Terminal 1, 前往迪士尼渡假區係在5號乘車點 而在Terminal 2, 前往迪士尼渡假區的乘車點為12號 千萬唔好去錯呀!! Terminal 2的5號乘車點係去羽田空港及橫濱嫁😝 由成田空港前往Sheraton Tokyo Bay的車程大約係一個半鐘頭~ 酒店的Check in大堂位於2樓, 大堂十分寬敞, 而職員亦十分友善 Check in counter旁就係銷售樂園入場劵的Counter, 住客可購買當天或明天的入場劵 住客並可享有入園保證, 就算在人多、熱門的假期日子都唔怕入唔到樂園 門票Counter旁邊係迷你電影區, 播放著迪士尼的卡通片 但呢幾日, 小女子經過時見到都係播緊美女與野獸, 唔知係咪只會不斷重覆同一套卡通片呢😂 迷你電影區的對面仲有遊戲機區 Check in counter的前方有間cafe--toastina, 售賣咖啡、飲品、麵包、生果杯、沙律、零食, 仲有精緻的甜品 到埗後我地都未食過野落肚, 於是就買左份三文治頂下肚

今次的東京4日3夜快閃之旅, 都無咩行程可以規劃😆 因為主要其實都係為左去迪士尼樂園, 而且只係去4日3夜(第二日就已經要online check in....) Anyway~~~ 為何又去迪士尼呢???唔係去年先去完嗎??  2018年係東京迪士尼開園的35週年, 身為迪士尼的鐵粉, 又點可以錯過東京迪士尼的35週年慶典呢~!!!Let's Celebrate!!!🎉🎉🎉 其實東京迪士尼的35週年慶典已經在2018年的4月份正式開始, 慶祝為期一年 而2019年1月至3月底就係慶典的最後一浪, 慶祝會更加盛大, 園內的產品亦會增多 所以, 小女子又點可以唔去一趟呢~~~~ 今次再次入住 東京灣喜來登大飯店 Sheraton Grande Tokyo Bay Hotel Sheraton Grande Tokyo Bay係迪士尼度假區Disneyland Resort內的公認酒店之一 除左可以方便前往迪士尼, 房間的景色亦十分美 酒店的早餐亦係其中一個令人再想入住的原因~ 雖然今次的旅程主要係去迪士尼樂園, 但都有出過去市區~ 第一晚就去左 東京站 及 台場 ~ 第二日就去 迪士尼樂園Tokyo Disneyland ~慶祝35週年喇~!!!YEAH!!! 去探小女子最愛的毛毛~ 仲睇左去年因天雨關係睇唔到的夜間巡遊~ 第三天就去 迪士尼海洋Disney Sea ~ Disneyland就慶祝35週年, 而 Disney Sea當時就有 Pixar Playtime 彼斯遊戲時間 ~ 有好多彼斯動畫的佈置、產品及表演~ 仲有好多彼斯動畫的人物在園區登場呀!!! e.g. Incredible的超能先生及太太~ 不日更新, 敬請留意^^ 相關文章: 2019 冬。 東京迪士尼35週年。令人忘懷的住宿。Sheraton Grande Tokyo Bay Hotel 東京灣喜來登大酒店 2019 冬。 東京迪士尼35週年。東京車站一番街。台場。超型仔的Unicorn Gundam ユニコーンガンダム。せたが屋 和牛拉麵 2019 冬。 東京迪士尼35週年。迪士尼度假區。交通篇

黎到北海道除左不斷去市場狂食美味的海鮮及到訪各地的景點觀光外 新千歲空港都絕對不能錯過, 因為新千歲空港佔地超廣, 並且集好玩、好買、好食、好逛於一身, 絕對係離開北海道之前不可以錯過的景點!!! 由札幌市區或小樽, 可以搭乘JR快速Airport(快速エアポート)前往新千歲空港 先講講4層高的新千歲空港的基本樓層分佈: B1層: JR線 1樓: 國內線入境大堂、租車區、外幣兌換、巴士站 2樓: 國內線離境大堂、國際線入境大堂、Center Plaza綜合購物區、水產大街 3樓: 國際線離境大堂、航空博物館、各貴賓室、各食肆、拉麵道場、Smile Road 微笑之路 4樓: 溫泉、電影院、遊戲中心、SNOW MIKU SKY TOWN、卡通、漫畫遊戲店 若要認真地行盡所有店舖, 應該係行整天都行唔完, 唯有挑選喜歡的重點快逛吧~!! 先黎到2樓~ Pokemon Store、無印良品、手信土產店都在2樓, 在市區未買夠可以繼續在呢度瘋狂SHOPPING~ 再黎到3樓 3樓係美食的集中地, 有40多間食肆 中、西、日等等的美食應有盡有, 真係花多眼亂, 完全唔知食咩好~ 爸媽及姑姐們已經肚餓, 於是便帶佢地去豚丼專門店豚丼名人, 食北海道帶廣地區的名物--燒豚肉飯 安頓左佢地之後, 小女子同狂人弟就繼續在新千歲空港尋寶~ 黎到4樓~4樓可說係新千歲空港的娛樂區 有PRONTO咖啡廳、Animate(卡通、漫畫遊戲店)、SNOW MIKU SKY TOWN 機場溫泉 電影院都有~ 我地的著眼點在於遊戲中心 APINA Shinchitose 夾公仔啦喂~~~ 玩樂過後就落返去3樓搵食~ 3樓的FOOD COURT旁邊有個航空博物館, 門口位置可以望到停機坪~ 最後, 我地決定去食 えびそば 一幻拉麵 拉麵道場 除左一幻拉麵之外, 裡面仲有另外9間拉麵店 但最多人幫趁的就係位於拉麵道場門口的一幻, 所以若想食一幻, 就要預留時間排隊喇~ 一幻拉麵的湯底係鮮蝦濃湯, 有兩種口味: 原味及特濃 揀完湯底就選擇埋要味噌