2019 冬。 東京迪士尼35週年。令人忘懷的住宿。Sheraton Grande Tokyo Bay Hotel 東京灣喜來登大酒店

適逢東京迪士尼慶祝開園35週年, 小女子身為迪迪尼的鐵粉, 緊係要去一去啦~!!!
因今次的旅程主要係在迪迪尼的渡假區活動, 住宿方面, 同樣我地係選擇左去年住過的
Sheraton Grande Tokyo Bay Hotel 東京灣喜來登大酒店
超優越的地理位置, 美麗的景觀, 寬闊又舒適的房間, 超豐富又美味的早餐, Sheraton Tokyo Bay確實係令人忘懷的住宿😊

先介紹下由機場前往Sheraton Tokyo Bay的交通
有別於去年, 今次我地因搭乘國泰的航班前往成田空港, 所以到埗時係在二號客運大樓
但無論你身處Terminal 1 或是 Terminal 2, 過左海關驗查完行李, 同樣都好容易便會見到售賣往市區巴士車票的counter
就可以直接向職員購買由成田空港前往迪士尼渡假區的車票, 無需要預約
而駛往迪士尼渡假區的巴士係會去晒渡假區內每一間的酒店, 所以買票時就可以同職員講係去邊間酒店, 直接在入住酒店落車就可以

由成田空港前往Sheraton Tokyo Bay車費為1800yen/大人

買好車票就去搵乘車點, 若在Terminal 1, 前往迪士尼渡假區係在5號乘車點

而在Terminal 2, 前往迪士尼渡假區的乘車點為12號
千萬唔好去錯呀!! Terminal 2的5號乘車點係去羽田空港及橫濱嫁😝

由成田空港前往Sheraton Tokyo Bay的車程大約係一個半鐘頭~
酒店的Check in大堂位於2樓, 大堂十分寬敞, 而職員亦十分友善

Check in counter旁就係銷售樂園入場劵的Counter, 住客可購買當天或明天的入場劵
住客並可享有入園保證, 就算在人多、熱門的假期日子都唔怕入唔到樂園

門票Counter旁邊係迷你電影區, 播放著迪士尼的卡通片
但呢幾日, 小女子經過時見到都係播緊美女與野獸, 唔知係咪只會不斷重覆同一套卡通片呢😂

迷你電影區的對面仲有遊戲機區

Check in counter的前方有間cafe--toastina, 售賣咖啡、飲品、麵包、生果杯、沙律、零食, 仲有精緻的甜品

到埗後我地都未食過野落肚, 於是就買左份三文治頂下肚先~

十分精緻的蛋糕, 仲有幾款係期間限定嫁😝 期間限定的甜品喎, 唔係唔試下嘛~~

今次book的房間同上次一樣係Twin Bed Ocean Dream Room
房間比去年的更寬敞, 床與露台之間仲有好寬闊的位置, 大可加多一張床

浴室都有少少唔同, 今次呢間房浴室的唔係乾濕分離的, 但都無咩大緊要, 免治馬桶就不可缺少
水壓仍然十分足夠, 水溫穩定容易調校👍👍👍

今次的房間偏向側面, 唔係正望向酒店的教堂, 但反而見到迷人的日落景色~





第二天起床的時候, 天朗氣清, 早上的景色也很美~

仲見到有座山~唔知係咪富士山呢?!?!? 小女子唔太知呢度其實望唔望到富士山, 亦無再考究, 就當佢係啦😆😆😆

酒店的2樓有個小型的商場~
作為在迪士尼渡假區Disneyland Resort內的公認酒店, 又點可以無Disneystore呢~

若在樂園裡面未買夠或買漏左野, 都可以係度買, 但當然樂園有的東東, 呢度未必有咁齊全~


35週年的限定產品呢度都有少量~

Sheraton Tokyo Bay其實可分為Main Building 及 Park Wing, 我地兩次入住的Ocean Dream Room都係在Main Building
Park Wing比Main Building新, 而全部的房間都係dog-friendly的房間, 可帶狗狗入住
至於酒店的設施都集中在近Park Wing的OASIS

室外兒童高爾夫球場~

2樓有影相的Studio讓小朋友扮演下喜愛的迪士尼人物

對面有遊戲中心~

可夾下公仔~

狂人弟都係度夾左唔少野返歸~

酒店內有好幾間餐廳~
早餐時段, 都已經有5間餐廳可以選擇~

我地就緊係再次幫趁Grand Cafe的早餐buffet啦~!!!
高質數, 超豐富的早餐👏👏👏

Sheraton Grande Tokyo Bay Hotel 東京灣喜來登大酒店真係好正!!!
不但適合一家大細入住, 就連寵物都有考慮到(酒店仲設有狗狗的playroom) 
小女子就當然想入住迪士尼園區內的酒店喇~但可惜荷包唔夠充裕, 而且園區內的酒店並唔係咁易book
若好似小女子咁預算未夠充裕入住園內酒店, 但又唔想一早起身由市區迫人迫車入園, 玩完又要迫人迫車返出去市區, 迪士尼渡假區Disneyland Resort內的公認酒店就係你的選擇喇~!!

2017年入住體驗相關文章:
初訪東京。 舒適的五星級住宿。 Sheraton Grande Tokyo Bay Hotel。房間篇
初訪東京。 續。 Sheraton Grande Tokyo Bay Hotel。 酒店設施 

留言

張貼留言

這個網誌中的熱門文章

2018春。 四國。 高松大型購物中心 youme town ゆめタウン。 Pablo 迷李芝士撻

圖片
四國俾人的感覺比較鄉下, 唔似大阪、東京的熱鬧, 周圍都係百貨公司、商場~咁去四國咪無得行街shopping??? 咁又唔係喎~呢篇為大家介紹下高松的其中一個大型購物中心-- youme town ゆめタウン 高松youme town 應該算係高松市規模最大的人氣購物中心 雖然購物中心只有2層樓, 但佔地超廣, 一共有3個館, 而且有很多專櫃 不單只有服飾品牌、電器、家飾雜貨, 仲有遊客最愛的藥妝、超級市場、土產店 亦有運動用品店、玩具店等等, 絕對能夠滿足一家大細的需求 如何前往 高松youme town?? 高松youme town外有大型的戶外停車場, 方便自駕遊人士 若唔係自駕的遊人, 亦請放心, 因為交通一啲都不複雜, 可搭乘琴電琴平線在"三条駅"落車, 步行約8分鐘或在高松港站前乘搭循環巴士(西廻)在ゆめタウン高松前下車
閱讀完整內容

2017冬。名古屋。Day 1(1) 從中部國際空港出名古屋市區

圖片
等到變長頸鹿的冬季一家大細去旅行終於出發~!!!!!👫👫 鏡頭一轉~已經嚟到位於中部的 新特麗亞名古屋中部國際空港 ~ 之所以叫做"新特麗亞"應該係由英文"CENTRAIR"翻譯出嚟~日文係セントレア~  (以下文章內容小女子都係叫返中部國際空港~好似順口啲~^^) 中部國際空港於2005年2月17日正式啟用~建於愛知縣常滑市伊勢灣內的一座人工島上面  由香港飛去名古屋需時大約3小時30分鐘~ 我哋搭乘10:25 起飛的 CX536~ 日本時間15:00 到達~ 相比東京的成田機場、大阪的関西空港~中部國際空港無咁多飛機停泊~ 好似我哋到埗時~同一時間只有我哋 一班機~ 所以整層入境層都唔太多人~行得十分舒適、暢通~唔洗同人逼👏👏👏 跟著清晰的指示~通過連接橋的自動電梯就可以搵到出市區的鐵路~ 完全唔會有盪失路的可能~放心~!! 連接中部國際空港及名古屋市區的鐵路係 名鐵Meitetsu 由中部國際空港到名鐵名古屋的票價為870yen~分為特急、急行、準急列車~ 停最少站的特急列車只需要35分鐘便能到達市區~而急行就43分鐘、準急就48分鐘 亦可選擇搭乘更舒適的 高速特急列車μ-SKY ~最快28分鐘就可從中部國際機場直達名古屋~票價為1230yen(870yen + 360yen特急劵) 所有列車的車飛(包括μ-SKY)都可在自動售賣機自行買飛或到旁邊的售票處向職員購買~ 小女子本想嘗試在自動售賣機買飛~但唔知按錯咩掣~買唔到😅.....最後都係死死地氣返去售票處買~ 只需同職員講"NAGOYA"(即係名古屋)~"μ-SKY"~職員便會幫你出最快開出班次的車飛~ 快靚正~!!! 玩咩自動售賣機呢😌 哈~!!好在無走左班車😝 縱使μ-SKY都唔係快特急好多~但去旅行舒適啲吧!!~我哋決定搭μ-SKY~ 細張果張係車票~入閘及出閘時要插入閘機~ 而大張果張係μ-SKY特急劵~有開出時間、列車名稱、指定座位的卡數及編號~在車上會有職員查看特急劵 入口就在票務處的旁邊~ 一號月台係μ-SKY的專屬月台~ ...
閱讀完整內容

2023 春。初見富士。半熟漢堡排名店。極味や 澀谷 PARCO 分店

圖片
在Instagram偶然見到有人分享" 極味や " 極味や的名物的係半熟漢堡排, 但我卻被究極黑松露生雞蛋拌飯吸引著 起初, 極味や係創立於福岡的燒肉店, 隨著規模的擴大, 現在不只提供燒肉, 更以漢堡排專賣店、內臟鍋專賣店、牛舌料理專賣店等 極味や目前在福岡、大阪、東京都有分店, 今次我們去的分店位於澀谷PARCO地庫 澀谷PARCO分店就係漢堡排專賣店 極味や係排隊人氣店, 為免不用等太耐, 我們大約下午5點到場, 10分鐘左右便可以入座 完食後, 門外已排了長長的人龍, 建議大家可避開正餐時間前往 未入座以前, 店員會先提供餐牌, 讓客人們預先點餐 半熟漢堡排分為3個份量:  S (120g) 1,090yen ; M (160g) 1,490yen ; L (200g) 1,890yen 除了著名的半熟漢堡排外, 仲有牛扒可供選擇, 有兩個份量: M (130g) 2,090yen ; L (180g) 2,890yen 亦可選半份半熟漢堡排配半份牛扒 肉品選用的係以“伊萬里牛”為首的九州品牌黑毛和牛 加400yen, 就可以無限refill白飯、湯、沙律及軟雪糕 我們無加餐, 因為我的目標係食呢個究極黑松露生雞蛋拌飯 1,200yen 入座後, 店員會送上調味盤, 一共6種調味, 包括鹽、芥末、及各式沾醬, 讓你可以一次享用到不同的調味 廚師會在客人面前現捏現煎, 然後只稍微煎熟上下表層, 便會將漢堡放到盤子上 肉質粉色程度就能看出它有多新鮮 客人可以將漢堡排夾成一口一口的大小放到鐵板上煎, 可以自己控制漢堡的熟度 牛排的製作與漢堡一樣 究極黑松露生雞蛋拌飯 廚師亦是在現場製作, 先使用和牛油脂熱鐵板, 加入白飯, 現削黑松露爆香, 再加上雞蛋混和炒香最後在炒飯上加一顆生雞蛋及蔥花, 雞蛋係選用大分縣產的高級品牌雞蛋“蘭王” 究極黑松露生雞蛋拌飯真係超。級。好。食!!! 食左一啖後, 內心真的會不停拍掌👏👏👏👏 果然係究極!!! 總括而言, 因為用材新鮮, 極味や的半熟漢堡及牛扒係好食的 但令人為之驚艷係究極黑松露生雞蛋拌飯, 超濃的蛋香, 加上黑松露的配搭, 讓人等一小時也願意 傳聞極味や會來香港開分店, 有機會可以去試試 極味や (澀谷PARCO店) 營業時間: 11:30 - 22:00 Tabelog: https://...
閱讀完整內容