2018秋。 北海道。 札幌。 札幌中央卸売市場。海鮮食堂 北のグルメ亭

話咁快就到左旅程的最後一天~~開始有啲不捨, 不捨得旅程就快完結, 又要返港面對忙碌的工作, 但最不捨的係~~~~~北海道的海鮮~~~~~~

最後一天的早餐, 我地就繼續去市場, 是日去札幌中央卸売市場, 亦係今個旅程去的第三個市場(前幾天分別去左函館的函館朝市及小樽的三角市場)

有關文章: <2018秋。 北海道。 小樽。三角市場。 武田鮮魚店。 超級美味的帝王蟹>

<2018秋。 北海道。函館 。函館朝市。 どんぶり橫丁市場。 海鮮丼>

由札幌去札幌中央卸売市場係非常方便的

因我地入住的酒店"札幌三井花園酒店"同中央卸売市場的海鮮食堂"北のグルメ亭"合作, 所以係有接駁車前往札幌中央卸売市場的😁

有關文章: <2018秋。 北海道。 札幌。住宿篇。 札幌三井花園酒店 三井ガーデンホテル札幌 Mitsui Garden Hotel Sapporo>

除左札幌三井花園酒店之外, 札幌市內的好幾間酒店都有同"北のグルメ亭"合作, 入住時可問問櫃台或自行在網上先做功課😊

記得要前一天在櫃台買朝食劵的同時要先預約接駁車, 同櫃台預約時要告知去程及回程的時間, 第二天就在酒店大堂等候司機叔叔叫名, 報到後就可以上車了

記得要早5-10分鐘到大堂等候啊, 唔好遲到, 以免影響其他乘客的行程😃

酒店的朝食劵, 若要前往中央卸売市場食早餐, 酒店職員會在朝食劵上印上"北のグルメ亭"的字樣

司機叔叔會每人派一張coupon, 在北のグルメ亭購物滿1000yen就會有小禮物送~仲會派一個貼紙, 以之識別

接駁車只會接載在北のグルメ亭購物或用餐的遊客, 要注意啊!!

30分鐘內就去到札幌中央卸売市場

海鮮食堂 北のグルメ亭

到埗時, 下層已經坐滿, 我地就被安排坐2樓~

酒店的朝食劵基本上已經有3個套餐供給選擇

朝食劵價值1620yen, 若要食以上3個套餐額外的選擇, 加回差價就可以~

除左各款的海鮮丼, 仲有各種的刺身及美食~

我地就加左一客帆立貝刺身(小女子的至愛😊)

等食~~

來喇~帆立貝刺身!!雖然價錢不太便宜, 但帆立貝十分新鮮、鮮甜😋

小女子叫左套餐A~什錦海鮮丼

套餐A仲包括左一碗螃蟹麵豉湯及漬物, 講返個什錦海鮮丼, 有大大隻蝦、一堆三文魚籽及蟹肉、一片三文魚、吞拿魚、帆立貝、少量蛋絲及一片檸檬葉; 最鮮甜的係蝦及三文魚籽, 其他就普通

呢個係狂人弟加左錢叫的とろ三色丼~とろ超肥美, 但海膽就略嫌少左少少~~~

呢個係媽媽叫的套餐C~燒魚, 套餐C包含左一客燒魚、一碗螃蟹麵豉湯、漬物

仲有一客即燒帆立貝~~

食飽飽就去行街街shopping買手信~~~

北のグルメ亭除左係海鮮食堂之外, 仲係海鮮店名手信店~

蟹呀蟹~今日唔太夠時間食你喇~我地下次再見啦~~~👋👋👋

札幌中央卸売市場的面積唔算太大, 但就手信店林立, 大多數手信店亦係免稅店, 買滿5000yen以上就可以扣稅,

所以可以安排在最後一天到訪中央卸売市場, 買完手信再去機場就good fit喇~當然都可以去到機場先買手信既~隨大家的個人意願喇,我地就習慣左在市內買少少, 方便整理在行李內, 出境後在機場再買

p.s. 新千歲機場超好逛, 下篇為大家介紹😊