2019 冬。 東京迪士尼35週年。迪士尼度假區。交通篇
從小看迪士尼卡通長大的小女子, 兩年前, 同狂人弟第一次踏足東京迪士尼
雖然除左香港迪士尼之外, 小女子只係去過東京迪士尼樂園, 但東京迪士尼樂園真係會令人樂而忘返, 相信有不少曾遊歷世界各地迪士尼樂園的人都會覺得東京迪士尼樂園有著的吸引力, 係其他的迪士尼樂園係無既~~
所以其實東京迪士尼樂園係可以一去再去嫁😆😆😆
入正題分享今次迪士尼35週年慶典的玩樂體驗之前, 先講講迪士尼度假區內外的交通吧~
抓緊時間, 爭取每分每秒玩樂的時間😁
一到埗東京, 你其實已經可以進入園區
無論你係在成田空港或在羽田空港, 都有利木津巴士直接去到迪士尼樂園的度假區
我地由成田空港的Terminal 2出發, 一過左海關攞完行李, 不遠處就已經係利木津巴士的售票處
只需要告知職員你要在園區的邊個站落車, 巴士票上就會印上你的落車站
車票: 1800yen/人, 其實原本的票價係2450yen/人
由因2017年7月起有特別促銷活動, 所以變為1800yen/人, 但唔知促銷活動到幾時完結, 官方網站亦無提及
在12號巴士站候車~巴士票上亦有寫候車的車站
有去程亦有回程, 由迪士尼度假區前往去機場, 同樣係乘坐利木津巴士
巴士站就同到埗時差不多的位置, 正正在各大度假區酒店的門口
可在酒店2樓的有關先預約機場巴士, 搭乘的前一天已經可以預約
櫃位開放時間: 7:30-23:00
羽田空港: 830yen/大人, 420yen/小朋友
成田空港: 1800yen/大人, 900yen/小朋友
呢個係由我地入住的Sheraton Grande Tokyo Bay Hotel 前往成田/羽田空港的時刻表
巴士係會駛經度假區每一間的酒店,然後就前往空港
而迪士尼樂園及迪士尼海洋都有巴士站, 大家大可以一到埗就衝入樂園玩或在最後一天玩完後直接搭巴士去空港
車內的螢光幕係以四文(日、英、中、韓)顯示~
有提示各乘客不可在車內講電話, 但車內的遊客們就不太守規矩~~~~~尤其係講國語的......
小女子下一次的目標係要住呢度😆😆😆
大約1個半鐘頭, 就會去到成田空港
迪士尼度假區線的單軌列車, 會駛經整個的迪士尼度假區, 係度假區的主要交通工具~
每程的車費為260yen/大人, 130yen/小人, 可使用IC卡(日本的八達通)
基本上住在園區的遊人都會購買day pass, 視乎大家所逗留的日數, 今次我地就買左3日劵
1 日劵650yen, 2日劵800yen, 3日券1100yen, 4日劵1400yen~
適逢東京迪士尼樂園的35週年慶典, 當然有專屬35週年的記念day pass
我地要左布魯圖~為何要布魯圖呢??事緣小女子買完先發現原來唔同的售賣機係賣不同款式的day pass......
其他款式的35週年特別版day pass~~
有Duffy & Friends.....
迪士尼度假區線總共有4個站~分別係:
度假區總站(Resort Gateway Station)、東京迪士尼樂園站(Tokyo Disneyland Station)、海濱站(Bayside Station)、東京迪士尼海洋站
東京迪士尼樂園站及東京迪士尼海洋站應該唔需要多介紹喇~
度假區總站就係最近JR舞濱駅的迪士尼度假區線車站,要前往市區就在此轉乘JR
海濱站就係度假區各大酒店的所在地
列車的班次大約係3至6分鐘一班, 視乎時段而定~
在不同節目或慶典期間, 列車車箱及外觀都會有不同的彩繪
以下呢架列車就以當時迪士尼海洋的節目--Pixar Time來做主題~
呢架呢就係東京迪士尼35週年的期間限定列車~
整架列車都充滿歡樂的氛圍~
迪士尼度假區線係無人駕駛的單軌列車, 坐在車頭位置可以欣賞遼闊的美景~
呢架外型特別的巴士就係來往迪士尼度假區線海濱站與度假區酒店的接駁車~
無論係巴士的外表或是車箱內都有好多米奇出現嫁~行駛時的廣播係米奇把聲黎嫁~!!
迪士尼度假區線的度假區總站係最鄰近JR舞濱駅的迪士尼度假區線車站
若搭乘鐵路, 由市區進入或從迪士尼度假區出返市區, 都一定會經由JR舞濱駅
由JR舞濱駅一出就係 IKSPIARI 伊克斯皮兒莉購物中心
裡面有各式各樣的店舖、餐廳, 仲有一間號稱全日本最大的Disney Store
由於IKSPIARI 伊克斯皮兒莉購物中心係唯一一間在度假區的商場, 所以住在度假區的遊客都必定會到訪
(另開文章介紹)
2017年的介紹文章: 初訪東京。 IKSPIARI 伊克斯皮兒莉購物中心。全日本最大的Disney Store
度假區總站就在旁邊
度假區總站內的東京迪士尼35週年相關裝飾
度假區酒店亦有巴士前往JR舞濱駅
時刻表~平日的班次十分疏落, 而且大約下午3點後, 就再無巴士出JR舞濱駅~要留意啊~!!
下一篇~終於正式入主題--東京迪士尼35週年慶典!!!
.jpeg)
留言
張貼留言