2022 冬。ただいま。北陸。富山美食。黑醬油拉麵。 麺家いろは RAMEN IROHA

離開美麗的雨晴海岸, 好好運用JR PASS, 乘搭新幹線從新高崗到富山食個午餐

提到富山著名的美食, 一定有黑醬油拉麵、富山壽司、白蝦

一次過就食唔到咁多, 今次就先試黑醬油拉麵, 另外兩樣就留待下次吧

在富山駅的不遠處, 車站前方的CIC百貨公司樓下就有一間很好吃的黑醬油拉麵

店名係麵家いろは RAMEN IROHA

麵家いろは RAMEN IROHA位於CIC百貨公司的地下一樓, 進入大樓後, 直接搵扶手電梯下樓就會見到

店內的環境, 有吧枱, 亦有普通座位, 到埗時並不是繁忙用餐時間, 唔需要等候就可直接入座

富山黑醬油拉麵, 有附糖心蛋、剩叉燒、多少的叉燒, 多麵少麵, 任君選擇

依家都流緊口水......

除左黑醬油拉麵, 仲有白蝦鹽味湯頭的拉麵

富山黑拉麵+糖心蛋 980yen

睇到呢碗黑黝黝的湯汁, 有啲嚇親, 以為湯頭會好咸, 但我錯了~!!

聽講湯頭係以醬油為基底, 再加入雞骨、魚貝等一起熬煮, 飲起來的味道不只是醬油的味道, 而是多左一點鮮味, 加埋蔥花一齊飲, 好喜歡😋

半肥瘦的叉燒肉和糖心蛋都好好食

麵條比平常的拉麵店的麵條唔太一樣, 係比較粗身的麵條, 但正因為咁樣, 所以更加吸附湯汁, 麵條食起來亦比較彈牙及煙dun

我地係叫白蝦鹽味湯頭的拉麵+糖心蛋 1,510yen, 但外藉店員誤會左, 最後加返糖心蛋俾我地

白蝦鹽味湯頭的味道比黑醬油的清, 但更加鮮味, 若不喜歡太濃味的食物, 推薦選擇白蝦鹽味湯頭

煎餃子亦好食

麺家いろは (CiC店) (富山駅對面大樓地下一樓)

營業時間: 11:00 - 凌晨2:00 (最後點餐凌晨1:30)

充滿歷史的富山地面電車穿過現代化的JR富山駅, 很喜歡這種新舊交替的氛圍

下次希望能逗留富山幾天, 發掘富山更多令人喜悅的地方