中部北陸之旅。 松本半天遊。 松本城。 舊開智學校。 繩手通
松本 位於長野縣中部 可以話係遊覽日本阿爾卑斯山脈立山黑部的必到之處
松本不只係去立山黑部踏板 而係一個十分值得遊覽的城市
在歷史上 幸運的松本多次免于戰火的摧殘 因而保留左很多的歷史古跡
修建於1615年的松本城天守閣就係日本現存最爲古老的建築
除左松本城外 舊開智學校亦係松本有名的景點
繼續中部北陸之旅🏃🏃🏃🏃🏃
除左松本城外 舊開智學校亦係松本有名的景點
繼續中部北陸之旅🏃🏃🏃🏃🏃
以乘搭6種交通工具穿越立山黑部後 我地就由信濃大町搭乘JR到下一個點--松本
搭乘JR信濃大町大糸線(松本行) 大約需要一個鐘頭就到JR松本駅
立山黑部アルペンきっぷ使用~
一出車站就見到草間彌生style的旅遊巴
日本每個地方都有屬於自己花紋的坑渠蓋 係小女子的必影📷😝
到達松本先到今晚入住的酒店check in
松本多米酒店 (Dormy Inn Matsumoto)ドーミーイン松本
地理位置非常優越 離松本駅只係5分鐘的路程 非常容易搵到 亦能步行至松本城
附近亦有不少餐廳 居油屋 拉麵店
酒店房間幾寬敞 最欣賞係洗手間以外仲有個洗手盆在門口的另一面 唔洗爭梳洗的位置
酒店有大浴場 晚上有免費拉麵宵夜提供
橫跨完立山黑部再加上不斷移動真有啲累 在酒店抖抖後就出去食個早飯 之後就返去休息
第二朝 即係是次旅程的第5天
我地只有上半日的時間留在松本 之後就又要移動返去名古屋
我地決定先去松本的著名景點松本城
由酒店行去松本城大約需要10分鐘
松本城建於戰國時代 距今約有400年歷史
與彥根城、姬路城、犬山城同為日本指定的國寶古城
係目前日本現存最古老的五重六層式的國寶之城
城牆的顏色係黑色的 所以又稱為"烏城"
護城河裡有一大羣鯉魚 全部都好大條 一有人行埋去河邊就湧晒埋嚟
仲有一對天鵝在護城河暢泳
我地無入城內參觀 只係在城外欣賞呢座烏城
黑色外牆的烏城加上紅色的埋橋 非常奪目
入城參觀的入場費： 大人610yen 小中學生300yen
入場時間：8:30-17:00 (最後入場時間: 16:30)
休館日：12月29日至31日
松本城官方網址: <http://www.matsumoto-castle.jp/>
請注意: 入城內參觀需要除鞋 而天守閣裡面的樓梯十分斜 小心滑到
由於時間緊迫 在外圍欣賞完松本城後 趕緊行去下一個景點--舊開智學校
開智小學創立於明治6年 即1873年 係日本明治維新最早創立的現代小學之一
呢幢有著和洋混合風格的建築物建於1876年 係松本市立開智小學的前身
和洋混合式的建築 外牆以白色為主
而校舍中的窗戶 係由255片舶來手工玻璃嵌製而成的
而整座校舍最具特色的地方 就係位於正中央的八角形塔屋
以及有"唐破風"風格的玄關
塔樓上面 除左有避雷針外 仲有標有東南西北四字的測風儀
唐破風玄關上面掛著"開智學校"的匾額 匾額的左右兩旁 各有一位小天使的雕刻
而下面露台位置嵌有瑞雲以及青龍的浮雕 完全混和左和洋風格
舊開智學校校舍在1961年更被指定為"國家指定重要文化財產"
舊開智學校使用左差唔多90年 現在校舍為教育資料館並開放給大眾參觀
校舍內仍保留著當時的格局
最原汁原味的小學教室 保留左當時的書枱椅 仲有一新一舊的鋼琴
若係三五知己一齊到訪 可以扮演下上課的情境 回憶下以前小學上堂時的時光👭👬👭👬
樓高兩層的舊開智學校校舍 係"L型"的木造建築物
校舍裡面展出很多江戶時代至現代的教育相關資料及課本
大正時代小朋友的繪畫
原來當時的日本小朋友係唱桃太郎
仲有一啲以前的小玩意
黑板上的日期就係的地當天進入舊開智學校參觀的日期
除左可以參觀學校裡面之外 當然亦有紀念品店讓遊客買啲紀念品返屋企啦
有啲周邊商品都幾得意嫁 從前的小學國語課本都有得買 仲有迷李日本書包鎖匙扣
小女子都買左一個送俾好朋友做手信^^
由松本城行去舊開智學校只係大約10分鐘左右
參觀完松本城不妨過嚟回味下小時候上學的回憶丫
開放時間：08:30-17:00 (最後入場時間: 16:30)
門票：大人300yen 中小學生150yen
休館日：12月9日至1月3日 及星期一(如星期一是假日改至星期二)
參觀完舊開智學校 我地經過現時的開智小學
新校舍某幢建築物亦有八角形塔屋的設計
之後我地就散步去今次松本半日遊的最後一個景點--繩手通
途中在現代化的建築物中 見到中間有幢古色的建築
繩手通係松本熱鬧的商店街 又叫青蛙街 商店街周圍都見到一隻二隻不同造型的青蛙
而每年夏天都會舉行"松本青蛙祭" 屆時當地大學與商店街會聯手舉行遊行 市集等等
而每年夏天都會舉行"松本青蛙祭" 屆時當地大學與商店街會聯手舉行遊行 市集等等
商店街有各式各樣的特色小店 記得有間小店係可給客人客製蠟燭的
不少的特色小店都有售買青蛙造型的擺設 小物等等 但小女子對可怕的青蛙零興趣...
好在除左青蛙 仲有其他野可以睇下~ 可愛的柴柴~
剛碰見一羣中學生正在買好味的鯛魚燒
繩手通唔算太長 到訪時亦不算太熱鬧
除左特色小店外 仲有不少餐廳 悠悠閒閒咁行下食下其實都唔錯既
完成松本的行程 返到酒店攞返寄存行李就出發去松本駅啟程返名古屋
松本其實都幾多景點 除左以上的松本城 舊開智學校、繩手通外 仲可以去松本市美術館
日本著名的藝術家草間彌生係松本市人 因此松本市美術館就有展出草間彌生的作品
有興趣的朋友不妨去朝下聖
松本遊人唔太多 環境又舒服 若有機會必定會再到訪
.jpeg)
留言
張貼留言