黑炭 Charcoal's 旅遊札記~

好啦~逛完難波   再去到梅田繼續我哋的落雨天shopping Day~!!!👢👕👠👖👗👚🎁💄 從難波到梅田我哋搭大阪地鐵的御堂筋線千里中央方向~4個站就從難波(M20)到達梅田(M16) 梅田站係大站🚉~連接多條的鐵路線🚅🚄🚈🚇🚆~例如：JR大阪駅、阪神梅田、阪急梅田~所以梅田站相當之大   亦係旅客時常迷失方向的地區😂   但其實指示都清晰~只要跟著指示  要搵到不同鐵路的入閘位並不困難~ 梅田亦係多間商場、百貨公司的集中地~ LUCUA、LUCUA 1100、Grand Front Osaka、 Hep Five、EST、Yodobashi、阪急、大丸......真係行三日三夜都行唔完~仲有小女子十分害怕行的地下街(因會盪失路) 其實地下街複雜就不在話下...小女子覺得梅田的地面都十分複雜^^" 小女子未有足夠的功力將梅田站的周邊分析&拆解~只係想同大家分享一下到梅田站逛逛的所見所聞~~ 首先係位於JR大阪站旁的 LUCUA &  LUCUA 1100 ~ Lucua的主要購物對象係年輕的女性~有很多日本人氣潮流品牌~與12層高的Lucua 1100~兩邊商場總共有多達300間商舖~ 生活用品店有LOFT、無印良品、francfranc~ 雖然主要對象係女性~但都有不少男裝的品牌~e.g. THE COMMON TEMPO、THE NORTH FACE~蔦屋書店、金子眼鏡niko and ...、Urban Research、ABC Mart、BEAMS、Sports Lab、adidas等等~B1至9/F樓層總有合你心水的店鋪 (小女子又在LOFT買到失心瘋~~~) 逛完買完戰利品~係時候食飯醫下個肚~ 10樓係各餐廳的所在地~其中有出名的富貴烤肉店--叙叙苑~ 但小女子同狂人弟無在Lucua食飯~我哋揀左去Grand Front Osaka食鰻魚飯😋 閒逛都要有重點~小女子的重點目標係在LUCUA 1100 5樓的 Disney Store !!!! 個幾月前先去完東京迪士尼都未買夠?? 無錯!!正是!! 況且Disney Store的產品同迪士尼園區內的產品並唔一樣~~ 真係買到破產都可以~!

在黑門市場食完豪華早餐   ~行去難波Parks <2017夏。 大阪岡山。 Day 4(1) 大阪。 木津市場定休日?!?。 轉戰黑門市場>   難波Parks&難波City可以話係我哋每次在大阪必行的商場~因之前都會住在難波附近的酒店~總有機會過嚟逛逛 今次住在新大阪駅附近~ 周邊好似唔太多野行~ <2017夏。大阪岡山。住宿篇。 Courtyard Shin-Osaka Station> 難波Parks (Namba Parks) 在2007年4月開幕 與南海電鐵難波駅相連~ 呢個購物中心結合左購物、美食、電影院於一身~最特別在於難波Parks有佔左好大面積的開放空間 仲有一個空中花園~種植了各種花、植物  令呢個身處在大城市市中心的購物商場添上了一點大自然的氣息~ 原來難波Parks和東京的六本木之丘的空間設計都是出自同一個設計師 United Arrow、Urban Research、niko and ....、Comme Ca Style、Fred Perry、A.P.C.、靴下屋、adidas、ABC Mart、賣家品的 franc franc、玩具反斗城、靚太們至愛的LE CREUSET都可以在難波Parks搵得到 以前難波Parks係無退稅服務的~在2016年再次到訪時發現開始可以退稅~👏👏👏 少部份的商店e.g. niko and ... 買滿5001yen以上(除稅後金額)可直接在店內退稅 但大部分的店舖都需要在退稅櫃台辨理退稅手續~~ 會收取大約1.5%的手續費  並唔係全數退回~ 退稅櫃台設於1樓玩具反斗城的旁邊~服務時間:11:00-21:00 注意: 難波Parks每間店舖係獨立的  因此唔可以合計退稅~ 即係話若在A舖消費3000yen 在B舖消費4000yen 係不能退稅的~簡單來說要在同一間店購買超過5001yen或以上就可以退稅 逛到咁上下~係時候休息一會~ 到位於3樓的 HARBS tea一tea~ 呢間日本人氣蛋糕專門店在1981年於名古屋的榮開了第一間舖~依家在日本的各地都可以搵到HARBS的身影~ 仿手繪的蛋糕MENU~每款蛋糕都好吸引~令有選擇困難症的小女子更加難決定

第四天~落雨天🌧 是次旅程的主要景點安排在第二、三天     感恩昨天已完成岡山倉敷之旅   若今天先去~落雨濕濕....真係咩心情都無晒.... 今天只係周圍食下野、行下商場shopping~🎁👚👛👝👠👛👢💄👗 上年的六月份~第一次到訪 木津市場 就食左個超好味超抵食的烏冬~ <大阪 大國町 木津市場 驚喜烏冬> 咁好味緊係要回味一下喇~順道探下超nice的老闆&老闆娘😊 (人地點會認得你呀?!?) 無開?!?!?!殘念......一心諗住食個靚烏冬做早餐~唉...... 諗住食好野點可以食唔到!?!?於是我哋決定轉戰去香港人大阪必朝聖的景點-- 黑門市場 !!! 黑門市場係小女子同狂人弟每次到訪大阪必去的地方~ 之後已介紹過~ <大阪 黑門市場 令人回味的帆立貝 燒和牛> 其實黑門市場本來係當地人日常買餸的市場~依家充滿著四圍覓食的遊客 有些店舖已經改變成為專做遊客生意~ 咁樣咪同尖沙咀旺角周圍變晒金舖藥房無分別?!?! ANYWAY~小女子想講~作為遊客~要做一個有禮貌有公德心的遊客~ 去到人哋的地方~要尊重人哋國家的文化 唔好大聲喧嘩!唔好以為人哋唔識聽你講野就擘大喉嚨叫你在對面街的親朋!!呢度香港人多過日本人嫁~OK?!?! 唔好推推撞撞!!人係好多~香港人就唔怕你撞啫(因為我哋"訓練有數"😬)~~有一刻真係以為自己在香港行緊年宵.......🙈 最唔明白係點解要拉住喼入嚟~~~啱啱落機?趕住去機場?? 定係要掃貨??已經迫到無朋友嫁喇...唉...... 以上純粹個人經歷及所感~如有雷同  實屬巧合...... 講返正題--我哋的早餐~ 黑門三平~多人到不得知了~!!!!! 小女子同狂人弟分頭行事~小女子去搵位~狂人弟去買野食~ 給人堂食的地方擴充了~ 但人潮不斷大量湧現......  搵好位座好後~自助斟水及倒醬油~ 終於有野食啦👏👏👏豐富的早餐~!!!價錢上漲左唔少~~~ 大とろ呀~!!!!😍 成舊豬肉咁既樣~ 食到成口都係油~~~~但真係好好好好味~!!!! 日本