2019 夏。令和元年の旅。金沢。金沢必到景點。金沢21世紀美術館

另一個金沢必到景點一定非金沢21世紀美術館莫屬~美術館內最出名的作品就係果個可以進入池底的泳池展品~

金沢21世紀美術館就在兼六園旁邊, 所以兩個景點係可以安排在同一天的行程, 也絕對係到訪金沢必去的兩個重要景點

開館於2004年10月9日的金沢21世紀美術館, 在峻工前一個月, 就獲得威尼斯建築雙年展的金獅獎

美術館的建築師為SANAA事務所, 主要的設計概念來自事務所中的女建築師"妹島和世"

她其實名氣很大, 她曾經得過"普立茲克獎"(相當於建築界的諾貝爾獎)

前往去金澤的觀光景點都係靠巴士, 所以大家可以購買"北鐵巴士一日劵"(500 yen), 好好利用呢張北鐵巴士一日劵, 就可以暢遊金沢~!!
2019 夏。令和元年の旅。金沢。金沢市內交通。北鐵巴士。輕鬆遊金沢市內景點

北鐵巴士一日劵 (北鉄バス１日フリー乗車券): http://www.hokutetsu.co.jp/tourism-bus/oneday

巴士的詳細資料, 可參閱: http://www.hokutetsu.co.jp/tourism-bus/castle-town

如果你想先逛美術館, 就要在"広坂・21世紀美術館"呢個站落車, 一落車就係美術館喇~!!

我地係先去兼六園, 再去金沢21世紀美術館, 兩個景點只係隔著一條馬路, 建議大家安排同一天逛呢兩個景點

美術館外面都擺放左多樣的藝術作品

美術館呈一個正圓形, 直徑112.5公尺, 建築設計就已經十分引人注目, 美術館本身已經係一個很美的藝術品

美術館並無主要的入口, 從四方八面都可以進出美術館

館內分為付費(有料)與免費(無料)的參觀區域

最有名的藝術品游泳池The Swimming Pool當然屬於付費的區域範圍

從下圖就可以知道館內分為有料跟無料免費的參觀區域

要注意的係, 每次的展覽作品都可能有所不同, 付費參觀區域的名稱也會改變, 若想確保自己無買錯門票, 可以參觀到The Swimming Pool, 購買門票時就詢問一下售票人職員吧~!!

(小tips: 包括The Swimming Pool展覽的門票通常係過1000yen果款)

但到訪時泳池竟然暫停開放......

注意: 上圖的左手邊係入館前參觀的守則

超過B4 size的隨身行李係唔可以攜帶入展區的, 幾乎身上的袋都會超過B4 size

所以就要暫時將袋放在館內的locker, 參觀完再攞返, 可以帶個小袋子袋起貴重物品, 隨身攜帶~

美術館入面有間餐廳, 從外面都可以見到~

聽聞餐廳的食物都不錯吃嫁, 如果唔太趕時間, 就在美術館裡面悠閒地食個飯吧~

餐廳營業時間

The Swimming Pool

其實一進入美術館的售票處就可以見到泳池, 外面係可以免費參觀的, 要進入泳池就需要買入場票

可惜今次入唔到去~~~唯有留下遺憾, 下次再黎啦~!!

既然最想參觀的泳池唔開放, 一場黎到咁就去參觀下免費的區域吧~

注意: 有啲展覽係唔可以拍攝的, 記住睇清楚指示啊~!唔可以拍攝的展品, 就用雙眼去欣賞吧~

FOAM, 呢個展覽非常有趣~!!!

有幾有趣呢??

係可以拍攝的, 就等小女子用相片及有限的文字同大家分享一下啦~

咩東東~??

係有舊大泡泡~!!!展品就係呢舊大泡泡~

遊人唔可以太貼近展品(展區入面有工作人員睇住你嫁), 當你置身於呢個展區, 會有一種奇幻的感覺~~

大泡泡隨著空氣的流動而慢慢改變形狀, 加上運用室內的藍色光線, 營造左一種特別的氛圍~

展館入面有幾個工作人員負責看守及整理大泡泡, 防止大泡泡浮出展區

注意: 遊人係唔可以觸摸大泡泡嫁~!!要乖啊~

繼續去參觀免費的展區~

Turrell Roor, 另一個非常有趣的展區~

經過一道自動玻璃門進入展區, 遊人可坐在展區的四周, 起初以為展區中間係有水落落黎, 好似瀑布咁~

睇睇下就發覺唔係瀑布, 而係展區的中間天花係中空的~!!

到訪的時候係下雨天, 雨就從中空的地方落到展區, 遊人坐著的位置不太會被雨水濺到~

遊人都伙十分寧靜, 大家都靜下來、坐下來聽著滴嗒滴嗒的雨水聲, 頓時走進一個寧靜的境界, 忘記一切的繁瑣事, 盡情放空~~~

美術館內周圍都有locker, 所以大家唔需要太心急聚集在售票處旁的locker區~

另一個免費的展覽 "Memories of Love and Me"

美術館門口的展品"Colour activity house (カラー・アクティヴィティ・ハウス)

用紅藍黃三色的玻璃做成的半圓形立壁, 剛好代表光的三原色~

在參觀完各展區後之後, 記住在離開美術館之前, 要去館內的精品店逛逛, 有好多藝術作品及有趣的文具

有sample俾大家睇睇及試玩, 但就唔可以拍攝~

小女子都買左幾樣做手信, 大家估下以下的東西係咩東東~

對藝術美術有興趣的朋友, 千萬唔好錯過金沢21世紀美術館呀!!

若想看其它的展覽, 也可先上官網查詢當季的展覽內容資訊, 及了解暫停開放的展區, 以免好似小女子咁撲個空, 留下遺憾~~~~

金沢21世紀美術館
營業時間：10:00-18:00 (星期五、六到20:00)
休館日: 星期一 (若星期一是假日, 延至下一個平日休館)、年末年始
官方網址: https://www.kanazawa21.jp/