2019 夏。令和元年の旅。金沢。金沢必到景點。日本三大名園之一。兼六園
黎到金沢, 必定要去的景點-當然係兼六園喇~!!
位於石川縣金澤市的兼六園與茨城縣水戶市的偕樂園、岡山縣岡山市的後樂園, 並稱為日本三大名園
前年, 小女子同狂人弟就到訪左岡山的後樂園, 今年就黎到兼六園, 唔知出年會唔會去到偕樂園, 儲齊日本三大名園呢~~😀
前往兼六園, 必須在JR金沢駅旁的巴士站搭巴士前往, 其實金沢市內的觀光景點多半都係利用巴士前往~所以若大家計劃一整天都在金沢市內觀光的話, 建議大家購買"北鐵巴士一日劵"(500 yen)
使用一日劵就可以在當天無限次乘搭, 非常方便
在JR金沢駅旁的巴士站的"交通案內所 Transportation Information Center (Bus Ticket Center)" 就可以購買~
基本上, 在金沢市內觀光, 認住呢三架巴士就已經足夠~!!
1. 城下町金澤周遊巴士(順時針方向) 城下まち金沢周遊バス(右回りルート) (15分鐘一班車)
2. 城下町金澤周遊巴士(逆時針方向) 城下まち金沢周遊バス (左回りルート) (15分鐘一班車)
3. 兼六園接駁車 兼六園シャトル (20分鐘一班車)
三架巴士都可以去到兼六園, 分別只係在於邊個方向或邊個門口進入~
平日的車費同樣係大人: 200yen/程, 小童: 100yen/程, 但在星期六、日及假日, 兼六園接駁車的車費就係半價~
巴士的詳細資料, 可參閱: http://www.hokutetsu.co.jp/tourism-bus/castle-town
2019 夏。令和元年の旅。金沢。金沢市內交通。北鐵巴士。輕鬆遊金沢市內景點
2019 夏。令和元年の旅。金沢。金沢市內交通。北鐵巴士。輕鬆遊金沢市內景點
我地就由"金澤駅東口"搭乘巴士到"兼六園下、金澤城(石川門對面) "落車~
落車後就走到兼六園的桂坂口, 進入兼六園~
建議可安排兼六園、金澤城、金澤21世紀美術館呢三個景點在同一天, 因為呢三個景點就在附近, 可以選擇先去兼六園、金澤城, 然後再行去金沢21世紀美術館, 唔需要搭巴士~
落巴士後, 行上一條小斜路就可以去到金澤城及兼六園的入口~
行上去的斜坡, 沿路有好多店舖~其中有著名的箔一
金沢出名盛產"金", 箔一就有不同的金箔產品售賣, 當中最受旅客歡迎的就係金箔軟雪糕~~
但由於當天的時間比較緊湊, 我地就暫且唔食呢個金箔軟雪糕, 改天再試~
箔一除左在兼六園有分店外, 另一金沢必去景點--東茶屋街都有箔一的分店
金沢城
網上對金沢城的comment係"有時間的話, 可以去睇下, 無時間的話, 請直接去兼六園"
哈~!!!咁我地就跳過金沢城, 直接去兼六園~~~
金沢城
入場費: 310yen(大人), 100yen(小童)
開園時間: 3月-10月15日 7:00-18:00
開園時間: 10月16日-2月 8:00-17:00
休園日: 無休
大家若時間比較充裕, 就去參觀下吧~^^
兼六園
入場費: 310yen
開園時間: 3月1日-10月15日: 7:00-18:00 （退園時間）
10月16日-2月末日: 8:00-17:00 （退園時間）
休息日: 年中無休
"兼六園"的意思係指兼具"六勝"的庭園
參考網上的資料, "六勝"係指「宏大」、「幽邃」、「人力」、「蒼古」、「水泉」、「眺望」
兼六園兼具六勝, 在文政5年(1822), 由奧州白河藩主松平定信命名為"兼六園"
由桂坂口進入, 好快就會見到兼六園最有名的"霞之池"
霞之池位於兼六園的中央, 眼前的琴柱燈籠就是著名的景觀~
有人話, 落大雪的時候一定要去一去兼六園, 因為大雪下的兼六園係最美~~~
縱然我地到訪的時候係初夏, 但綠油油的兼六園都有另一番的美~~
希望下次能在落雪的日子再次到訪兼六園喇~^^
呢個位置就係兼六園內最著名的景觀~
咦~!??!點解好似同網上的相片有啲唔同既~~~~~
因為在冬季的時候先會有雪吊掛~~~雪吊掛係冬季時為左防止大雪將樹枝壓垮而設置的, 園方會用繩子加強松樹的支撐力
唐崎松
明治記念之標, 上面的銅像係日本武尊
根上松, 根上松高約10公尺, 樹幹周圍約3.9公尺
因為在種植時用土把樹根深深的埋蓋, 等樹根成長到某種程度時再把土除去, 所以約50支樹根每根都隆起大約2公尺
虎石, 貌似老虎的石頭~
噴水, 日本現存最古老的噴水, 係當時為左將水引入金澤城的二之丸而營建的
兼六園內有不少小食亭、茶寮, 讓遊人可以坐下來歇一歇, 休息過後再去慢慢觀賞兼六園
時雨亭的舊址~
時雨亭係第5代籓主前田綱紀在營建兼六園時就已經有的建築, 在日本明治時期的廢籓政策後被撤走
2000年時, 在新庭園完成之際, 時雨亭再在園內另一位置重建
來到兼六園內另一個重要景點--瓢池&翠瀑布
瓢池係兼六園的營造起點
旁邊有間茶屋, 讓遊人一邊品嚐茶&菓子, 一邊欣賞瓢池&翠瀑布
在瓢池附近, 見到有棵大樹被兩枝大木柱支撐著
若在香港, 相信呢棵樹應該係會被据掉......
有時間的話, 坐下來休息下、發下白日夢都幾好~~
時雨亭
遊人可入亭內品嚐菓子及茶~
日式菓子及抹茶720yen, 日式菓子及煎茶310yen
時雨亭
營業時間: 9:00-16:30 (最後入亭時間:16:00)
休息日: 12月29日-1月3日
我地由兼六園的桂坂口進入, 離開時係從真弓坂口出~
推薦大家到訪金沢時, 必定要安排參觀兼六園, 縱使唔係在冬天到訪, 兼六園都十分值得一遊~!
若你剛巧在冬天時前往, 就一定要留意兼六園冬季的夜間點燈活動
點燈活動期間的夜晚, 搭配不同的燈光造景, 而且係"免費"開放入園供遊人參觀~所以每件的點燈活動都吸引好多的遊人前往
從兼六園的真弓坂口一出去, 行去對面就係金沢21世紀美術館喇~!!
下一篇再為大家介紹~
兼六園
開園時間: 3月1日-10月15日: 7:00-18:00 (退園時間）
10月16日-2月末日: 8:00-17:00 (退園時間）
休息日: 年中無休
參考網址: https://kenrokuen.or.jp/
http://www.pref.ishikawa.jp/siro-niwa/japanese/info.html
.jpeg)
留言
張貼留言