2019 夏。令和元年の旅。金沢。金沢必到景點。東茶屋街。箔一金箔雪糕
講到金沢必訪的王牌景點又點可以少左東茶屋街 (ひがし茶屋街)東茶屋街係江戶時代有名的享樂花街, 係觀賞藝妓及演奏的場所, 與京都祇園的花見小路有幾分相似
江戶時代一般禁止兩層樓的建築, 只允許茶屋能有兩層建築
而於1820年開始, 政府開始整頓散落於各處的茶屋, 於金沢主要有東茶屋街、主計町茶屋街與西茶屋街, 其中最大的茶屋群就係位於淺野川旁的東茶屋街
到訪金沢各景點, 就要乘搭金澤周遊巴士(城下まち金沢周遊バス), 要前往東茶屋街都唔例外
推薦大家購買北鐵巴士一日劵 (北鉄バス１日フリー乗車券), 在當天就可以隨意搭乘金澤周遊巴士暢遊金沢市內景點~
一日券的價格係500yen, 如果唔用一日券, 每程巴士的車費係200yen, 所以只要在當天搭乘3次巴士就已經回本了~!!
一日券可在JR金沢駅東口的"交通案內所(巴士售票窗口)" 購買, 交通案內所旁邊就係各路線巴士的巴士站
巴士的詳細資料, 可參閱: http://www.hokutetsu.co.jp/bus/loop/
前往東茶屋街, 就要在"橋場町"落車
到訪當時正是正午時分, 陽光十分猛, 所以以下有啲相有爆光的狀況~~~敬請見諒
落車後, 就跟著人潮進入東茶屋街
首先就見到專門售賣烏骨雞蛋相關製品的金澤烏雞庵
烏骨雞蛋同普通雞蛋有咩分別??聽說烏骨雞蛋的營養價值比較高, 而且烏骨雞難以飼養, 生的蛋數量亦少, 因此比較矜貴
人氣商品有烏骨雞蛋蛋糕、烏骨雞蛋布丁, 仲有軟雪糕, 可購買烏骨雞蛋蛋糕做手信啊, 但要注意嘗味期限~
金澤烏鶏庵: http://www.ukokkei.co.jp/
呢個區域以"東山ひがし"的名稱被日本政府列入為"重要傳統的建造物群保存地區"
自由軒
同大阪的自由軒應該係無關係既, 大阪的自由軒係賣生雞蛋拌飯, 而呢間出名的係蛋包飯~
大部分的茶屋都重新裝潢過, 有的成為了飲食店、喫茶店、土產手信店,但仍保存得相當完好的古老建築
走在茶街上, 可以感受到古代日本街景的典雅氣氛, 亦係相當唔錯的拍照/ 打卡地點
售賣不同金箔產品的箔一
之前在兼六園的門口街道都見到有箔一的分店
本想進去食個金箔軟雪糕, 但當時的人潮十分多~~~所以都係稍後再黎過~~
江戶時代一般是禁止興建兩層樓的建築, 只允許茶屋可以
幽靜的小巷子裡大多係當地的民居, 所以穿梭在小巷時, 緊記唔好大聲喧嘩, 以免騷擾當地居民
東茶屋街至今依舊有部分居酒屋在晚上才開始營業
箔座ひがり藏, 售票各類型的金箔製品
金箔蛋糕~
金箔面油紙~
金~金~金~金~全部都係金~~~~
走入店舖的後院, 見到後院某幢建築物的外牆都貼滿金箔~
房間裡面亦是金箔
含有金箔的玻璃杯~好美~!!! 價錢都好美~~~~~~差不多要5000yen~
金箔燒酒
搖一搖酒瓶, 金箔在酒瓶內飄揚~好美~, 價錢相對下化算,不妨買一瓶做手信, 就算唔太會飲酒, 用當作裝飾擺設都不錯~
大街上有不少喫茶店, 有啲開放二樓給客人一邊喫茶一邊欣賞街道人來人往的景況~
素心, 其中一間喫茶店
好搞笑的名稱~但唔知道係咩野店舖~
茶街上除左充滿來遊覽的人羣, 仲有不少當地的"居民"飛來飛去~
係燕子呀~!!!
在不少的茶屋的屋簷都可以見到牠們的影踪及巢窩
お茶屋美術館, 進去參觀需付入場費
亦有些啲商家將保存良好的茶屋內, 開放收費參觀
例如: "志摩", 被指定為國の重要文化財, 係1820年與茶屋街同時期建成的茶屋, 入場費: 400yen
亦有啲店家向遊人提供一些體驗, 例如: 貼金箔的體驗, 有興趣的不妨研究一下~
小女子同狂人弟就唔去體驗了~在大街上不斷影相已經足夠了~
離開茶屋街前, 就去箔一食返個金箔軟雪糕, 承惠891yen~
貼左金箔特別好食的嗎?? 其實金箔係無味道的, 軟雪糕就同普遍在日本食到的軟雪糕一樣, 牛奶味濃濃的, 所以食金箔雪糕主要的目的係影相&打卡呃like~~~~~~
呢間箔一店內有位置給遊人坐底休息下, 慢慢品嚐金箔軟雪糕
金澤東茶屋街
營業時間: 9:00-18:00 (一般店舖)
有關金澤觀光, 可參閱: https://www.kanazawa-kankoukyoukai.or.jp/
.jpeg)
留言
張貼留言