2019 秋。北九州。由布院。必食美食。由布院漢堡。超巨型牛肉漢堡

由布院的商店街美食多多, 雪糕、甜品、小食都有不少人氣食店, 就算唔食正餐都不成問題

但小女子強烈建議你千萬唔好錯過由布院漢堡 Yufuin Burger House

Yufuin Burger House的漢堡真係太好食, 而且仲可以點特大size!!!

Yufuin Burger House的位置都幾易搵, 從由布院車站行到湯の坪商店街就會見到

餐單與價格參考, 價格已包含稅收

人氣No. 1係由布院漢堡, 每款都可選擇正常size或特大size 

開門了~!! 食完溫泉旅館豐富的早餐, 其實午餐都真係食唔落, 但又唔想錯過, 結果我地決定買外賣, 買2個由布院漢堡上列車食

可能因為時間尚早, 我地去到時並無排隊的人龍, 而老闆剛好完成前一位客人的order, 我地基本上係唔需要排隊

老闆係會做完一組客人的order先會接下一個order, 所以遇到人多的時候就要耐心等待一下

落order前, 老闆都會提醒漢堡烹調的時間大約15-20分鐘, 老闆確認客人可以等待後, 才會開始烹調

殘體字的餐單......由布院太多大陸遊客了.......

店舖有戶外的座位

亦有室內的座位

多層的漢堡, 好期待呀!!!

所有的漢堡都係即叫即做, 我地order左兩個正常size的人氣no. 1 由布院漢堡

老闆一邊烹調, 一邊同我地傾計, 知道我地係香港人, 就同我地講加油 

(當時正正係香港的社會事件)

仲講左一大堆日文, 當然小女子係唔係完全明白老闆講咩喇~但就聽到少少, 大約話共產黨、中國幾唔好~~香港人要反抗, 要加油~!!好感動😭

講返個漢堡~~ 

一路同老闆傾計, 一路就聞住超香的香氣~~~

好期待呀!!

最後一個步驟, 就係煎一煎漢堡包, 令漢堡包變得外脆內軟

登登登登~!!!完成啦~!!!

老闆好好人, 知道我地要影相, 就幫忙擺好pose, 俾讓我地影完相再幫我地包好美味的漢堡

人氣no.1果然係名不虛傳, 煎香的麵包夾左鮮嫩多汁的牛肉漢堡排、生菜、煎蛋、番茄, 仲有兩種芝士, 其中一大塊係厚切的芝士, 成為漢堡的美味關鍵,讓牛肉漢堡排的味道更加濃郁

見到啲相都十分回味, 好想飛去食呀!!!!!

如果你來由布院想吃漢堡, 小女子十分推薦這呢間啊~!!!

由布院漢堡 Yufuin Burger House

營業時間: 11:00-17:00

定休日: 不定休