2019 秋。北九州。由布院。溫泉旅館 旅想ゆふいん やまだ屋 Ryoso Yufuin Yamadaya 。超豐富的晚餐 + 早餐

點解香港人要通宵訓街買口罩?? 疫情已去到社區感染, 廢物政府仍未肯全面封關, 醫護人員攞命博
點解香港會變成咁??😭
天佑香港🙏🙏🙏

================================================================================================================

今次的7日6夜北九州之旅, 中間有一晚我地會入住由布院的溫泉旅館--旅想 ゆふいん やまだ屋 Ryoso Yufuin Yamadaya

關於旅館的位置、房間、設施等, 在前一篇文章已經介紹左, 今篇就講下超豐富的懷石料理晚餐及早餐吧~!!

2019 秋。北九州。由布院。住宿篇。溫泉旅館。旅想 ゆふいん やまだ屋 Ryoso Yufuin Yamadaya

一般來說, 住客會在房間內享用的晚餐, 在約定的時間職員會到房內開始準備

由因我地一家4口, 所以職員安排我地一齊到一樓的餐廳享用晚餐, 全程由剛才為我地介紹及參觀的台灣女孩為我地服務

我地選擇的晚餐係黑毛和牛懷石料理

超長的菜單~~~~~~雖然睇完都唔知係咩黎(其實有啲係食完都唔知咩黎😆), 但就知道一定會好滿足😊

除了料理的精緻外, 餐具擺設亦十分講究

由前菜冷盤開始~~芝麻醬冷烏冬沙律

凍豆腐~

繼續仲係冷盤~秋季的蔬菜

一道緊接一道的精緻日式料理, 色香味俱全

食到呢度已經飽左一半, 開始感受到懷石料理的豐富, 已經開始飽......
非常新鮮的刺身~

主角登場~!!!

油花均勻分布的豐後牛, 把切成片的牛肉放入火鍋裏稍為涮一下, 唔需要點任何醬汁品嚐豐後牛的鮮味~!! 真係回味無窮

其他野菜亦十分新鮮

茶碗蒸~

呢個係無花果, 但係熱食既~ 第一次食煮熟左的無花果, 另有一番滋味, 但小女子都係比較喜歡未經烹調的😜

以為已經食晒所有料理, 台灣女孩話仲有米飯未上~~~~

其實已經飽到上心口, 台灣女孩建議我地都要試下, 貼心地為我地每人裝了少少份量

不來唔係普通的白飯, 而係以當季栗子做成的釜飯, 充滿栗子的香氣, 好味~!!

豐富的懷石料理終於以甜品作為結尾~

第二天, 小女子同狂人弟散步去欣賞金鱗湖的晨霧湖景後, 就返旅館會合爸媽食早飯

2019 秋。北九州。由布院。金鱗湖。絕美的晨霧湖景

早餐的時段係7:30-9:00, 職員會早一晚詢問住客大約會想在幾點食早餐

所有的住客亦同樣在一樓的餐廳享用早餐, 枱上會放置房間的名牌

呢個時間才首次見到其他入住的住客, 與我地同時享用早餐的有3枱客人, 有當地人、韓國人及台灣人

早餐同樣十分豐富

各類的漬物、明太子、玉子燒~

呢度就係全份的朝食

有爐端燒

豆腐

最後有咖啡或茶及甜品~

有咁豐富的料理, 當然費用都有返咁上下~

小女子係在booking.com訂的, 訂左兩間一樓的露天風呂付和室8畳, 一泊二食, 合共105,600yen, 到店付款

即係除開就26,400 yen/人, 以當時的兌換率7.1算黎計, 每人就大約$1,900港幣~

舒適的住宿+優質的服務+精緻的美食, 價錢都合理吧~!!

大家若想在由布院住返一晚, 不妨考慮一下"旅想 ゆふいん やまだ屋"丫~

旅想 ゆふいん やまだ屋 Ryoso Yufuin Yamadaya 官方網址: http://www.yufuin-yamadaya.com/