2019 秋。北九州。由布院。住宿篇。溫泉旅館。旅想 ゆふいん やまだ屋 Ryoso Yufuin Yamadaya
今次已經係第3次到訪由布院, 但之前兩次都係即日來回返博多, 今次帶著爸媽就狠狠地黎個溫泉旅館一泊二食之旅 (一泊二食: 住一晚+晚餐+第二天的早餐)
由布院曾被日本OL票選為最喜愛的溫泉地區第一位, 溫泉旅館的選擇花多眼亂
在云云眾多的旅館之中, 小女子就選擇左旅想 ゆふいん やまだ屋 Ryoso Yufuin Yamadaya
在云云眾多的旅館之中, 小女子就選擇左旅想 ゆふいん やまだ屋 Ryoso Yufuin Yamadaya
樓高兩層的やまだ屋全館只有十幾間房間, 算係一間中小型的溫泉旅館, 人唔太多, 可以享受寧靜
やまだ屋有露天大眾池、室內大眾池、貸切溫泉, 一樓的房間內亦有私家的溫泉
住溫泉旅館不可缺少的就係溫泉旅館提供的晚餐及早餐喇~!!やまだ屋的晚餐係黑毛和牛懷石料理, 前菜都有好幾道, 食完前菜已經飽左, 第二日的早餐亦十分豐富
由布院有啲溫泉旅館係不會接待有小朋友的家庭, やまだ屋並無呢個限制, 可一家大細入住
やまだ屋的位置算是係幾容易搵, 就在城橋的旁邊
見到呢個大型鳥居, 就轉入去
行入去鳥居的小路
會經過呢間超級市場MaxValu Aeon, 晚上可以行過黎補給或者逛逛, 營業時間到晚上11點
超級市場旁邊的旅館 百合
從由布院車站出發, 大約係10分鐘內的路程就到達
旅館安排左一位黎自台灣的女職員帶我地行一行旅館及介紹一下
起初台灣女孩以英文同我地打招呼, 小女子見到佢的名牌就同佢講國語, 我地話我地係香港人, 叫佢放心用國語同我地溝通
台灣女孩話由於香港的事件, 近期比較敏感, 所以佢都唔敢同客人用國語溝通
やまだ屋的房間是係用二十四節氣來命名的
我地訂左位於一樓的小雪, 小雪係"露天風呂付和室8畳", 即係8塊榻榻米的和室連露天溫泉
台灣女孩提醒我地, 因房間在一樓, 安全起見, 外出及入左房之後都要緊記要鎖門
一齊黎參觀下房間~
一入房間的玄關位置, 拉開左手邊的趟門就係房間, 右手邊的係擺放被舖的衣櫃
日式的房間
歡迎的小甜品係布甸呀~!!!好好味~!!
住客可以選擇在6點或7點食晚餐, 普遍係在房間內享用晚餐, 但由於我地4個人, 旅館就安排左我地去一樓的餐廳一齊食晚餐
早餐就可在7:30-9:00 到用餐區享用, 職員都會早一晚詢問住客大約會想在幾點食早餐
退房時間係早上10:30, 旅館亦可以提供暫託行李服務
行入少少就係類似飯廳的位置
房間外的景觀
梳妝台
梳妝台後面係更衣室??
擺放左旅館提供的浴衣、睡衣、小籃子、浴巾~
免治馬桶自成一角
再行入少少就係洗手盆~門外就係我地的私人溫泉喇~!!
溫泉有好多效用, 可以消除疲勞、治療五十肩、神經痛、筋疲力盡痛、關節痛......
多浸溫泉係咪好好呢~!! 但首先你的口袋要夠深~~~~~~~~
沖涼的地方亦在戶外, 老實講, 晚上沖涼時確實有啲凍, 雖然水溫非常夠熱
沖洗乾淨後, 就可以浸溫泉了~~~
房間內有私家溫泉真係好寫意呀~!!
一樓的房間才有私人溫泉在房內, 若想有私家溫泉, 就記住訂房時要訂一樓的房間喇~!!
一樓的房間才有私人溫泉在房內, 若想有私家溫泉, 就記住訂房時要訂一樓的房間喇~!!
旅館送的小禮物~2對襪及小索袋
旅館的地圖~ 窩心地將我地入住的兩間房間用紅色標示
爸媽住的房間"霜降"
一行出房間就係通道及庭園
除左一樓的房間內有私家的溫泉之外, やまだ屋有花園的露天大眾池、室內大眾池、貸切溫泉
旅館的室內大眾池(太郎の湯及花子の湯), 在每晚的9:30會交換
入去時, 要留意門口的門簾, 紫色係男子的太郎の湯, 而紅色就係女子的花子の湯
貸切溫泉在一樓及二樓各有一個~
貸切溫泉的意思後, 沒人使用時就可以隨便使用, 使用時把鞋擺在門外及上鎖就可以
呢個係位於一樓的貸切溫泉
置物架
面積都幾大嫁, 可以一邊浸一邊欣賞園外的景致
小女子經過貸切溫泉好幾次, 但都唔見有人使用, 所以就算住在2樓的房間
轉眼就去到晚飯的時間, 去享用期待已久的黑毛和牛懷石料理👏👏👏全程由剛才的台灣女孩為我地服務
長長的菜單, 一道接著一道精緻的日式料理, 太豐富了, 需要另開一篇文章介紹😀
2019 秋。北九州。由布院。溫泉旅館 旅想ゆふいん やまだ屋 Ryoso Yufuin Yamadaya 。超豐富的晚餐 + 早餐
2019 秋。北九州。由布院。溫泉旅館 旅想ゆふいん やまだ屋 Ryoso Yufuin Yamadaya 。超豐富的晚餐 + 早餐
食完晚餐返到房間, 職員已經為我地舖好床舖了
第二日的早餐亦在一樓的餐廳享用, 住客會一同在餐廳食早餐, 係呢度才首次見到其他入住的客人, 有韓國人、台灣人、日本當地人
在由布院住一晚, 除左要體驗下的由布院溫泉旅館的一泊二食之外, 另一目的就係要去睇金鱗湖的晨霧湖景
好啦~講左咁耐都未講價錢, 小女子係在booking.com訂的, 訂左兩間一樓的露天風呂付和室8畳, 總共105,600yen, 到店付款
即係除開26,400 yen/人, 連黑毛和牛懷石料理晚餐+第二天早餐
以當時的兌換率7.1算黎計, 每人就大約$1,900港幣~
確實係狠狠地的花費, 但換來的係令人回味的體驗及賓至如歸的服務~!!!
我地離開やまだ屋時, 有兩位職員歡送我地, 仲要一直企係門口目送我地離開
我地八掛擰轉頭望下佢地仲有無企響門口, 見到佢地仍然企在原位, 見到我地望佢地仲向我地鞠躬~~~~~
(係咪所有的溫泉旅館都有呢個服務的呢~?!)
旅想 ゆふいん やまだ屋 Ryoso Yufuin Yamadaya 官方網址: http://www.yufuin-yamadaya.com/
.jpeg)
留言
張貼留言