2019 秋。北九州。JR 九州鐵路周遊券 JR Kyushu Rail Pass 。網上預先劃指定席。熱門觀光列車 由布院の森
JR九州的列車充滿特色, 列車本身就已經係一個觀光的景點, 可以好好利用JR PASS黎個鐵路之旅
尤其熱門列車由布院の森更係一票難求, 本篇就同大家介紹下JR九州鐵路周遊券及分享下如何在網上預先劃指定席
到日本旅遊, 作為一個醒目的旅客, 當然要好好利用遊客的身份, 購買JR為遊客而設的各款鐵路周遊券 JR Rail Pass
小女子之前曾經使用過的JR Pass 鐵路周遊券:
唔似JR西日本的周遊券種類咁多咁複雜
JR九州鐵路周遊券大致分為全九州、北九州、南九州及福岡廣域4個版本
再以使用日數細分, 全九州及北九州分別有3日劵、5日劵, 而南九州只有3日劵, 可使用指定席的次數亦隨著可使用天數而有所不同~5日劵: 16次, 3日劵: 10次
全九州版鐵路周遊券: 5日劵: 大人:18,330 yen, 兒童: 9,160 yen
3日劵: 大人:15,280 yen, 兒童:7,640 yen
北九州版鐵路周遊券: 5日劵: 大人:10,190 yen, 兒童: 5,090 yen
3日劵: 大人: 8,660 yen, 兒童: 4,330 yen
南九州版鐵路周遊券: 大人: 7500 yen, 兒童: 3750 yen
福岡廣域版九州鐵路周遊券: 大人: 3060 yen, 兒童: 1530 yen
3次到訪九州, 我地都係利用北九州版鐵路周遊券的5日劵, 所以今篇文章就主要介紹北九州版鐵路周遊券的5日劵, 分享下小女子購買、預訂指定席及規劃行程的心得~
購買
普遍來說, 有3種購買方法:
1. 到日本在JR駅內的綠色窗口購買
2. 在JR官網預先購買
3. 到其他代購網站購買e.g. klook
到日本國內購買或在JR官網預先購買的價錢係一樣的, 同係大人:10,190 yen, 兒童: 5,090 yen
但需要預先劃指定席的話, 就必須預先在網上購買, 取得電子兌換劵上的編號, 先可以在網上劃指定席
可參考klook的價格, 小女子就在klook購買, 計返匯率, 係比在JR九州的官網便宜少少~
預定指定席
在網上購買周遊券成功後, 會透過電郵送出電子兌換劵, 利用電子兌換劵上的編號, 就可在網上預約指定席
一個月前就可在網上劃定位(以日本時間計算)
例如: 你要搭乘12月1日上午9點的列車, 你就可以在11月1 日上午8點劃位(日本時間快香港一小時)
在網上預先劃指定席需要收費, 每位每次收費為1000yen
若要乘搭熱門列車, 例如: 由布院の森, 建議最好事先在網上劃好位, 唔好到埗先去綠色窗口劃位, 以小女子的經驗, 若去程要坐由布院の森(即由博多去由布院), 呢1000yen真係唔可以慳的, 反而回程的坐位就無咁緊張, 可以在當地先劃位
網上預先劃指定席座位及訂票:
要先做登記(Register)
用email登記~
登記後, email 會收到臨時的密碼, 之後按email 入面條link, 就會見到呢個版面
入好所需要的資料, 設定好新密碼, 才是正式完成登記
溫馨提示: 若在klook訂票, 在輸入姓名時, 需先輸入名字, 然後才輸入姓氏
(小女子就因順序輸入姓名, 而被系統話資料錯誤, 嚇到個心都離一離~~
你知啦, 由布院の森咁熱門, 驚遲左一陣就滿座, 訂唔到嘛~)
溫馨提示: 若在klook訂票, 在輸入姓名時, 需先輸入名字, 然後才輸入姓氏
(小女子就因順序輸入姓名, 而被系統話資料錯誤, 嚇到個心都離一離~~
你知啦, 由布院の森咁熱門, 驚遲左一陣就滿座, 訂唔到嘛~)
正式完成登記後, 就可以登入(login)
1.選擇"旅行社名稱"
2. "KRP (Kyushu Rail Pass) 預約號碼/MCO 號碼"--即係電子兌換劵上的編號
3. 密碼--正式完成登記的新密碼, 唔係臨時密碼
登入之後就按著步驟, 揀選你要搭乘的列車、日期、時間, 之後就可以揀選車箱及坐位
溫馨提示: 由布院の森的餐車小賣部在第3卡, 去程的緊記避免選擇第二卡的座位, 因為排隊去餐車小賣部的人龍十分長, 會頗打擾
劃位時, 記住準備埋信用卡, 需要填寫信用卡資料, 因為網上預先劃指定席的費用(1000yen)係用信用卡即時過數的
劃位很簡單, 跟住步驟做就可以, 其實最煩雜就係登記的步驟~~~~
完成後, email會收到呢張"Reserved Seating Coupon"
要印呢張Reserved Seating Coupon出黎, 帶同俾錢個張信用卡, 到埗後到JR駅的綠色窗口兌換指定席票劵~
兌換實體周遊券(JR Pass)
攜同電子兌換劵、Reserved Seating Coupon、護照(若在JR官網購買需出示有關之信用卡)前往JR駅的綠色窗口兌換實體的JR Pass
依照官方規定, 需本人到場兌換, 唔可以由其中一位親友代表兌換
到場劃指定席座位
最好在出發前查好列車的班次, 預備好指定席的列表, 再打印出黎給職員
或者到現場攞呢張表格填寫
或者到現場攞呢張表格填寫
JR博多駅的綠色窗口(近中央口)有2個外國旅客的服務櫃台
JR 九州鐵路周遊券已經變左磁帶票, 唔需要再行人工閘口, 可直接行閘口~
溫馨提示: 磁帶票的size比較細, 要小心袋好~
在網上預先劃好的由布院の森指定席票劵到手啦~!!
北九州版鐵路周遊券5日劵可使用指定席的16次, 好好運用吧😃
呢度係我地4個人的指定席票劵, 何其壯觀~!!!
有左JR九州版鐵路周遊券就可以輕輕鬆鬆暢遊九州喇~!!!
今次的旅程, 我地係運用北九州版鐵路周遊券5日劵的~
來往博多至長崎的特急かもめ海鷗號~
熱門人氣列車特急ゆふいんの森 由布院の森, 來往博多至由布院/別府
有一傍晚, 我地去御船山樂園睇teamlab的夜燈展, 就搭乘特急みどり由博多前往武雄溫泉駅
特急ソニックSonic, 我地由博多出發去小倉, 在小倉轉乘鹿兒島本線快速前往門司港
溫馨提示: 所有JR九州鐵路周遊券都係連續天數使用
希望呢篇文章的小分享能幫到大家~^^
無論你想在JR九州的官網上購買周遊券, 或想劃指定席, 定係你想更改、取消或確認預約
其實在JR九州的官方網址都有詳細的教學, 請參考以下網址^^
.jpeg)
留言
張貼留言