2019 秋。北九州。由布院。金鱗湖。絕美的晨霧湖景
金鱗湖, 位於日本大分縣由布市湯布院町地區由布院溫泉旁的一個水池, 面積唔太大, 只有0.8公頃, 週長400公尺, 但係到訪由布院的遊客必去的景點
儒家學者毛利空桑在此看到夕陽下的湖面有如魚鱗般閃爍, 所以取名為"金鱗湖"
金鱗湖的特別之處在於池底有溫泉水與地下水湧出, 湧入的水溫度約為攝氏30度, 而湖面的水溫則約在攝氏17度至23度之間。
因此每逢秋冬季節, 湖面的水溫底遇上溫度高的溫泉水, 湖面就會產生霧氣, 泛著霧氣的湖面就成為金鱗湖著名的晨霧湖景
食完日式煲仔飯就散步去金鱗湖
金鱗湖就在由布院最熱鬧的商店街湯の坪街道的盡頭
湖面反映著美麗的倒影
到左紅葉季節, 山頭就會變得紅黃綠交錯, 與金鱗湖形成一幅美麗的圖畫
小孩與鵝
鵝喜歡接近人群, 完全唔怕人~
金鱗湖係由布院必到的景點, 湖岸經常都擠滿人, 尤其午後時段, 遊客超多
在紅葉季節, 更加係人頭湧湧~
想感受一下寧靜的金鱗湖, 就要花少少費用在由布院住一晚
由布院曾被日本OL票選為最喜愛的溫泉區第一位, 若旅費比較鬆動, 不妨黎個一泊二食體驗一下~
清晨的由布院十分寧靜, 了無人煙, 只見人家的炊煙
由我地入住的溫泉旅館 旅想 ゆふいん やまだ屋 行去金鱗湖大約需要15分鐘~
沒有喧囂人潮的湯の坪街道
在由布院住宿一晚的目的之一, 就係為左去一睹限定的景色--金鱗湖的晨霧湖景
見到嗎?? 大家比多啲眼力及專注力😆
我地10月11日到訪, 5點幾起床, 6點半前已經去到金鱗湖, 因為當時由布院的天氣唔太凍, 溫度唔夠低, 所以晨霧唔太明顯
相片好更難睇得到~~~~
影片好似睇得清楚啲~
去到大約7點, 天色都差唔多光晒, 正當我地想行返去溫泉旅館食早餐之際, 湖邊的遊人開始竊竊私語, 原來有一陣明顯的晨霧出現
雖然好多住由布院的遊客都好似我地一樣慕名而來一睹金鱗湖的晨霧湖景, 但大家都十分安靜, 靜靜地觀看晨霧, 直至有一家中國大陸的遊客黎到......
劃破左金鱗湖的寧靜......
好在~~我地都睇到夠lu~~係時候返溫泉旅館
若要睇到震撼的晨霧美景, 建議11月或12月到訪
在網絡上見到有遊人分享, 11月時, 金鱗湖的晨霧湖景十分清楚, 簡直好似仙境咁~
12月時, 晨霧更明顯, 上午9點都仲可以見到~!!!大家可以唔洗咁早爬起身~~~😀
.jpeg)
留言
張貼留言