中部北陸之旅。 岐阜。 進入童話國度。 白川鄉合掌村
中部北陸之旅的第二天 我地出發去世界文化遺產---白川鄉
白川鄉合掌村
位於日本岐阜縣西北部 被列為日本三大秘境
1995年被聯合國教科文組織登錄為世界文化遺産
屋頂呈人字型 外表睇嚟好似兩隻手掌合埋咁
於是房子被稱為"合掌造" 而村莊就被稱為"合掌村"
一年四季有著不同美麗的景致 吸引不少遊客到訪 尤其係冬天
每年冬季會選"點燈日" 童話村會在呢幾天亮燈
被雪覆蓋的白色村落 一間間亮著小燈的薑餅屋 美麗有如童話一樣的夢幻圖畫
不單只吸引好多遊客 仲有來自世界各國的攝影愛好者嚟拍照
食完早餐之後 我地就由高山桜庵行去搭乘濃飛巴士前往白川鄉
濃飛巴士站就在JR高山站隔離
來回票4420yen
請注意: 昨天所購買的立山黒部アルペンきっぷ 係唔包白川鄉的交通
請注意: 昨天所購買的立山黒部アルペンきっぷ 係唔包白川鄉的交通
計劃搭8:50am果班車 我地大約8點半到達車站 車站已經排晒長龍....
越排越擔心唔知上唔上到班車.... 果然係上唔到....
但下一班車開9:50am 唔通要係度等成個鍾!?!
排係我地前面仲有一行3個唔知咩國籍的遊客 眼見車已經客滿準備開走便焦急地詢問職員
雞同鴨講 完全溝通唔到😅 但大約聽到車站職員話"bus come bus come"
等左一陣 真係有車呀!! 感恩唔洗係車站食風等一個鍾 👏👏👏
白川鄉確實係火熱的旅遊景點 我地5月到訪已經大排長龍
若係亮燈時候一定更加更加更加多人
避免上唔到車的情況發生 可到濃飛巴士的官方網址查看有關班次
再到相關網站預訂車飛並預約坐位
從高山至白川鄉車程大約50分鐘
到啦到啦~!!!
感恩當日早上天朗氣清
先到車站旁邊的觀光案內所
案內所提供代寄明信片及寄存行李的服務 亦可索取不同語言的白川鄉地圖
 |
| 觀光案內所 |
車站附近有一個可購票參觀的合掌造「民家園」
經過呢座水泥橋面的吊橋 就會進入白川郷的村口
雖然呢座吊橋唔係木造橋面 但係上面跳幾下或多人一齊行時 也有點震動
穿過呢個石造鳥居 就真正進入被列為世界文化遺產的白川郷合掌造り集落
合掌屋建於江戶中期至昭和初期時代 約有300多年歷史
原本有約300棟合掌建物 如今僅餘114棟 人口約600人
大部分合掌屋已轉為餐廳、民宿、手信店等商業用途
實際居住係村而從事農業生產的村民大概所剩無幾
來到飛驒地區 緊係要試下飛驒牛啦
呢間舖頭有飛驒牛串燒 承惠400yen 行過記住試下啦 好juice嫁
雖然合掌村已經變得有點商業化 但是小女子很喜歡呢度悠閒的步調 清新的空氣
係時候放鬆下啦~香港人~
係時候放鬆下啦~香港人~
為因應嚴寒的冬季 抵擋強降雪而衍生的傾斜式茅草屋頂
冬季時遇上大雪都能夠讓雪可以更容易順勢滑下 唔會咁容易壓垮屋頂
據說屋內仲冬暖夏涼
據聞大約每50年就必須更換一次茅草 附近居民都會一齊嚟幫忙
要一睹明信片式的白川鄉美景 就一定要到半山腰的展望台
可選擇步行上山 從村落行上展望台大約30分鐘
大多數的人都會選擇搭乘接駁巴士上去展望台 一次200 yen 下山再選擇步行
巴士就停在和田家前方的蓮花池旁邊
大約每20分鐘一班車 尾班車15:40出發
大約10分鐘的車程就到達展望台
下車的地方就係上車的地方 可以先睇睇回程的班次時間
嘩!!終於嚟到!!!😍
終於可以親眼欣賞 瞭望合掌村的全景👏👏
雖然唔係點燈的時間亦無浪漫的雪景 但一間間的小屋加上綠油油的樹木田園
夏天的合掌村有另一番的美 不失置身於童話世界的感覺
夏天到訪展望台時 無點燈時期可怕人潮 大家可以輪流拍照
現場亦會有工作人員主動幫遊客用手機或相機拍照 再用他的專業相機拍攝
喜歡的話就可以跟他們買 完全唔會強迫購買
但點燈時就唔同喇 因為展望台係每年合掌村點燈時兵家必爭之地
大家都務求欣賞及拍攝到浪漫雪景下的薑餅屋童話世界
到訪的遊客極多 因此會實施人潮管制 分批登上展望台
到訪的遊客極多 因此會實施人潮管制 分批登上展望台
來到合掌村一定要記得到展望台眺望整個合掌村的全景
展望台附近有一間食店暨紀念品店 有少量手信購買
瞭望完全景 落山嚟個近距離接觸吧~
合掌村裡有幾間開放購票參觀的合掌造 例如:神田家 和田家 長瀨家
我地選擇入和田家參觀 因狂人弟話間間都差唔多 睇一間夠喇喎......其實唔係囉😞
和田家係合掌集落唯一的國家指定重要文化財產
建於江戶時代中期 已有三百多年歷史 係最具代表性的合掌屋
入場費承惠300yen
入內參觀需要除鞋 把鞋放置在入口處的鞋架 然後換上提供的拖鞋
屋內陳列著許多當年的生活器具及農作工具
一樓係起居室 廚房 浴室
一二樓之間有個夾層作為儲藏室使用
樓梯比較窄 每次只可一個人上落 而且梯級高而斜 上落時要加倍小心
二樓陳列著好多農作及紡織用的工具
合掌屋在興建的過程中完全唔用釘子 堅固的屋頂就係用木柱及繩子咁樣建成
十分牢固 厲害👍
二樓的部份地板係透氣的柵欄式地板 正對著一樓的地爐
一方面係讓火爐的熱氣可以傳到二樓 另一方面係讓二樓的人可以看到一樓火爐的狀況
從和田家二樓的窗戶望出去~
5月份的合掌村 天氣怡人 並不炎熱 早上仲有點清涼
綠意盎然 空氣都寧舍清新 記住用力吸多幾啖😁
 |
| 店鋪的天然水"雪櫃" |
 |
| 店鋪門外的紫色小花 |
當我地準備離開時 遇上一群穿著校服的中學生嚟白川鄉校外見學??旅行??
可以到世界文化遺產校外見學 真好!!~
時間越晏越多人 旅行團開始湧現....
若想感受下比較寧靜的白川鄉 早啲起身出發吧~
四季分明的景致 明信片一樣的美景
白川鄉近年已成為熱門的旅遊景點 作為遊客的應該好好愛護 有優質遊客的品格
希望下次到訪的時侯 白川鄉仍然能保留著她純樸。恬靜。怡人。清新的美
.jpeg)
留言
張貼留言