中部北陸之旅。 震撼的雪の大谷。 富山。 立山黑部。美女平。室堂

每年的3月  各大旅行社的廣告就會以立山黑部為買點

因日本人及遊客們最熟悉的立山黑部景點--雪壁--雪の大谷只會在每年的4月中至6月中展出    
期間限定嫁!!

要橫越有著日本阿爾卑斯山脈之稱的立山黑部 需要搭乘6種不同的交通工具

起初諗住要自由行去立山黑部應該好複雜亦有好多疑慮  

行李點樣處置??  要用邊張PASS??  要點樣搭車??

但其實只要花多少少時間做好功課搵資料  

以自由行方式去立山黑部並唔係十分困難   根本唔洗過份擔心 

 希望呢幾篇文章可以幫到想自由行去立山黑部的大家😊

立山黑部每年的開山時間係由 4 月至 11 月

提提大家 2017年立山黑部開山日期係4月15日 至 11月30日
期間限定雪の大谷: 4月15日 至 6月22日

上回提要:<中部北陸之旅。 岐阜。 高山。 陣屋朝市。 高山老街。飛驒牛壽司。 宮川朝市>

離開純樸的高山  搭乘JR出發前往富山

立山黑部アルペンきっぷ使用~

大約1.5小時  就由高山去到富山

是晚入住Apa Hotel Toyama Ekimae   アパホテル 富山駅前

距離車站大約7-8分鐘路程

本想住車站對面的酒店  因第二日一早就要check out移動  

誰知一係full晒  一係就無晒twin room ......

其實話就話7-8分鐘  拉住行李都幾吃力  仲要經過一段石仔路.....

酒店房間望出去就係富山駅  好似真係好近咁  但其實從車站去酒店要兜路

 

本來諗住在酒店休息下就散步去富岩運河環水公園

公園裡面有間好靚的STARBUCKS概念店 被譽為"世上最美星巴克"之一

身為 STARBUCKS die heart 粉絲的狂人弟都敵唔過疲倦的雙腳

最後就去左車站附近商場逛逛  食個早飯就返酒店  養足精神迎接明天的立山黑部之旅

一大早起身  準備搭乘電鐵從富山出發到立山黑部的起點立山站

我地今次選擇左由"富山入松本出"遊覽立山黑部   大家亦可以以松本為起點穿越立山到富山

 photo from "立山黑部阿爾卑斯路線" <http://www.alpen-route.com/tw/>

搭車之前首先就係要先將隨身的行李寄送到另一頭的信濃大町

有些富山的酒店可替客人代寄行李到松本的入住酒店

若酒店無提供此服務  可到富山電鐵寄運行李

行李寄送的位置 就在車站內閘口前面
同站務職員示個意 職員見我地推住行李 就醒目地幫我地辦理手續

手續非常簡單 只需要同職員出示目的地、付款 

職員便會在行李扣上一個Tag 及將收據和認領行李紙給你

從富山站運送到信濃大町站旁邊的阿爾卑斯羅曼館的費用是每件行李1300yen
提醒大家: 富山站行李運送服務必須在09:30am前完成

在信濃大町的取件時間為15:00-18:30

<行李運送服務官方網站>

順利寄完行李  搭07:06發車的富山電鐵出發

車程要大約一個多小時的時間  抵達立山站的時間係08:19

出左立山站  使用立山黑部アルペンきっぷ的朋友  請唔好直接跑去排隊搭登山纜車

要先去換取立山到扇澤的乘車整理券

從車站直行走下樓梯到位於左手邊的售票處   向購票職員出示立山黑部アルペンきっぷ

換好票就可以返到去剛才的車站排隊等候搭乘登山纜車去美女平

自由行的朋友  記住排1號的個人票口 

期待已久的立山黑部之旅終於展開😎 

橫越立山黑部搭乘的第一樣交通工具係登山纜車

纜車站是採取階梯狀的設計  若想排前少少  就要行多幾級的樓梯喇

由立山去美女平大約需時7分鐘

去到美女平  車站內有間小賣店 

但建議大家都係爭取時間先上室堂  行左雪の大谷再慢慢逛  

況且室堂的店舖比美女平的大好多倍  貨品亦較齊全

搭乘第二種交通工具低公害高原巴士

其實低公害高原巴士就好似普通旅遊巴咁

在美女平可以選擇直接搭巴士到室堂  或先去彌陀之原或天狗平  再搭車前往室堂 

我地選擇直接去室堂   由美女平到室堂需要大約50分鐘

巴士沿著山路盤旋而上
車內有螢幕播放著沿途經過的景點介紹   途中會經過"稱名瀑布"

巴士會短暫在路邊停留   遊客可在車內透過車窗觀望  唔可以下車

由於唔係坐近窗口位置  我地係睇唔到個瀑布既...  只見到個牌😅

沿途的景色亦由初時翠綠的杉樹林和草地 開始見到雪

由於係不斷盤旋的山路 去到車程的中至尾段  轉到個頭有點暈暈地
隨著離室堂越來越近  窗外已變成雪白一片
過多一陣已經見到小雪壁   繼而就經過好期待的大雪壁--雪之大谷^^

終於到啦!!!!
我地決定落車後先去參觀雪之大谷
當天天氣好好   陽光普照  所以室外並唔係太凍  反而室內有點陰涼
 提提大家: 記住準備太陽眼鏡😎  同埋搽防曬
好在狂人弟在室堂的店舖買左黑色的鏡片架在眼鏡上面
如果唔係在室外逗留耐左真係完全開唔到眼😆

雪の大谷的入口旁邊有個雪之迷宮

入口舖左幾個麻包袋應該係用作防滑  但行多幾步  地面全部都結左冰  小心滑到
有時間可以入去玩下



終於到雪の大谷的入口

雪の大谷標高2390米

震撼的雪牆  加上超藍的天空  美!!
記得同雪牆嚟個近距離接觸   感受一下雪牆的溫度同味道^^
行到中段仲有個地方可以俾遊客在雪牆上寫字  記住留名啦~!!

當日的雪牆高度為12米
每一年雪牆的高度都唔一樣  視乎當年的溫度嚟決定

普遍嚟講在4月中剛開山的時候   雪牆的高度係可高達16米

雪の大谷的最高點

到達最最高點亦即係到達雪の大谷遊覽路線的終點

正想回程之際  一架又一架的旅遊車在旁邊車路駛過
加緊我地回程的腳步  旅行團開始上山喇~~

返到雪の大谷的入口   望見通往雪の大谷的路上排著長長的人龍

"早起的鳥兒有野食"真係好有道理👏👏
唔想同人迫 記住做隻早起的鳥兒呀!

返到室堂  係時候放低盤川買手信
在室堂站的旁邊係立山酒店  冬天時建築會整棟埋在雪下面  到開山時就挖番出嚟
所以酒店的營業時間就只有大約8個月   有興趣不妨住一晚感受下晚上寂靜的室堂

室堂站的紀念品店舖規模最大    亦有好多限定的商品
其中一樣只在室堂站售賣最近星星的車站的朱古力  名為"星の雫"  有以星星形鐵盒的包裝
其實係包著杏仁的朱古力  唔係特別好食  但噱頭十足  當作手信一流

當然亦有當地特有的雷鳥造形的和菓子、蛋糕及毛公仔

除左一樓的大型紀念品店  二樓都有餐廳及店舖

買完手信可到頂樓  影張紀念相片

眺望一下雪の大谷的美景

在一樓的樓梯旁邊  有得買雪之大谷的明信片  亦有代寄服務

立山黑部之旅實在太精彩啦~!!
下回待續