2017夏。大阪岡山。 Day 1(2) 不能錯過的超巨形烏冬。 つるとんたん麵匠の心つくし

食完繼續食😂!!!!

食完魚生飯~2017夏。大阪岡山。 Day 1(1) 若狹家魚生飯

行左陣心齋橋~就係時間會合狂人弟在神戶讀大學的中學同學食dinner~

在日港人帶我地呢兩個過客食超巨形烏冬!!

呢間店鋪叫"つるとんたん麵匠の心つくし"
我地到訪的係傳統木造建築風格的宗右衛門町分店
由熱鬧的道頓堀~經過旅客必去的激安之殿、一蘭拉麵~一直沿著河邊向前行
つるとんたん麵匠の心つくし就在街的盡頭轉角位置

因係食晚飯時間~好多人等位!  除左我地之外~當時只見一組台灣人

其他幫趁的都係日本人~

門口的Display~

小女子已搵到target~!!鍋燒烏冬!!

等位的地方~可以俾等候的客人坐低先睇睇Menu揀定心水的選擇

呢度有蕨餅賣~仲好平tim~香港賣成$5X一盒~呢度賣3XXyen
(本來諗住走的時候買~點知食完無左回事...)

除左蕨餅~仲有米果子同埋外賣烏冬

等待的位置前方有bar枱

等左大約40分鐘~我地被安排坐卡位

在狂人弟&同學仔在揀緊食咩烏冬的時候~我就研究下小食Menu

門口display以外仲有好多選擇~但我都係會揀我的至愛鍋燒烏冬既~

被安排坐的卡位位置旁邊仲有兩張枱~

一枱係等位時果組台灣人~另一枱就係左圖的兩個日本女子~

佢地兩張枱有共通點~就係兩枱都係食煙既....我地就咁吸左唔少二手煙.....

呢個係小女子最唔喜歡日本的餐廳的地方!!!唔知不久的將來日本會唔會實施餐廳室內全面禁煙呢?!?!應該都幾難~~唉...

小食叫左一碟鰹魚~👍好食

小女子同狂人弟都喜歡食鰹魚~但真係太飽~小女子只能食到一件...

仲有朋友仔點名叫的鐵火卷(即係吞拿魚卷~)

鰹魚都食唔落又點食鐵火卷呢~朋友仔請隨便食😂

點解咁飽!?!除左因為兩個鐘頭前食左情義結魚生飯之外😂~就係因為呢度碗烏冬真係好。巨。型!!!

睇相可能唔多覺~但旁邊果隻匙羹其實成隻飯勺咁大~!!

鍾愛鍋燒烏冬的原因因為湯底係最愛的柴魚高湯~
料有兩隻天婦羅蝦、幾件雞肉、金菇、菜、大蔥、一片星鰻、日式魚旦、冬菇、仲有好好食的半熟雞蛋~
同display一樣~

至於主角烏冬~煙煙韌韌的~好味道!!烏冬專門店的烏冬當然係好食嫁啦😆~!!

隻蝦都成隻飯勺咁大嫁

左圖的咖哩豬排烏冬係狂人弟既~右邊的係朋友仔的雞肉奶油烏冬~朋友仔話佢每次幫趁都係揀奶油烏冬~

右圖用iphone6S做比對~真係好大碗嫁!!

解釋店舖名字的由來~

つるとんたん麵匠の心つくし在大阪有其他分店~除了大阪~東京的新宿都有

同小女子一樣鍾意食烏冬的~一定要試試呀!!!推薦👍👍👍