初訪東京。 近郊。 鎌倉 。鎌倉高校前駅 。 小町通超香濃抹茶雪糕
位於神奈川縣的鎌倉在1185年至1333年期間係鎌倉幕府時代政治中心所在地
現在成為左日本人的週末週日好去處及旅客的觀光地點
正因為係日本人的休閒去處 也係有名的濱海度假勝地 建議大家盡量避免星期六日或日本假期前往 避開人潮
我哋係星期五到訪的 江之電上都迫滿人~週末週日應該會做沙甸魚吧...
不竟鎌倉、江之島算係距離東京最近的休閒地點
短遊江之島後 (<初訪東京。 近郊。 江之島。 江之島-鐮倉周遊券 。 必食超大塊海鮮仙貝>)我哋出發去鎌倉
由江之島去鎌倉要搭乘江之電
走過江之島弁天橋 穿過行人隧道再一直行就會去到江之電的江之島駅
前往江之島駅的途中見到的小食車仔
差不多10分鐘左右就到左江之島駅
江之島駅前扶手上的4隻雀仔~聽講在每個的季節佢地會換上不同的裝扮😊
江之島駅內的模型
江之電給小女子的感覺同京都的嵐電有點相類似~一至兩卡短短的車箱~穿梭在民宅區之間~
兩者都係當地居民重要的交通工具
途中又見到在櫻花季節尾聲最後盛放的櫻花
坐上開往鎌倉的江之電 大家在前往鎌倉之前 不約而同都會在中途落車~因為~大家都要去鎌倉高校前駅!!!
鎌倉高校前駅在1903年設站~當時駅名係"日坂"~直到1953年先改為鎌倉高校前駅
在鎌倉高校前駅可以欣賞優美的海岸線風景 係首批入選"關東車站百選"的車站
鐵路、車路、海岸線並排而列
除左係"關東車站百選"
大家在鎌倉高校前駅落車絕對係因為呢度~動漫"男兒當入樽"的平交道!!
男兒當入樽確實係好多80、90後的童年回憶~~無論係漫畫定係動畫都大受歡迎
到訪時~見到有一對情侶遊客穿著籃球衫在呢度影相~之後亦有幾個著水手校服的女子~大家都有備而來
男兒當入樽確實係好多80、90後的童年回憶~~無論係漫畫定係動畫都大受歡迎
到訪時~見到有一對情侶遊客穿著籃球衫在呢度影相~之後亦有幾個著水手校服的女子~大家都有備而來
狂人弟就埋怨話我唔預先同佢講會嚟呢度...若佢知道 佢會著對唔知咩鞋嚟影相喎😐
實不相暪~男兒當入樽小女子半集都未睇過~~😂😂😂但當時呢套野太狂熱~小女子都知道邊個係櫻木花道既~紅色頭髮果個丫嘛😂
為左補償~我幫狂人弟影左勁多"影後"張相~~等佢慢慢揀~總有一張OK既~
要捕捉列車經過的Moment~又要忽視身邊的遊人等候最佳位置的期待目光~😌好難影嫁!!!
嚟潮聖的遊人以大陸、台灣人居多~香港人都有~
但潮聖還潮聖~要注意安全!!!! 大馬路會有車轉入嚟~亦有車駛出大馬路~車來車往
我哋只企在靠右邊的位置~ 但大陸的同胞真係有冒險的精神~企在馬路的中間!!!結果被車的響安嚇親......~~
呢度其實係住宅區 要做個有公德心的遊客~唔好打擾到附近的居民呀!!
潮完聖~繼續向鎌倉進發!!
從鎌倉高校前去總站鎌倉需搭7個站
轉眼間就到達鎌倉~由東口出
前往小町通~
從超sharp的紅色鳥居行入去的不遠處就係鐮倉的小町通
一入去小町通就見到どんぐり共和國~大中細一齊歡迎我哋😊
熱鬧的小町通兩旁有各形各色的小食店、餐廳、手信店、cafe、工藝品店
可一邊shopping買手信、一邊品嚐美食
有貓頭鷹cafe~!!
呢間青bb的店舖係賣crepes的
呢間買抹茶雪糕的~身為茶控的小女子又點可以錯過呢~
球裝的雪糕有5個level的濃度可以選擇~
Level 1 & 2 要450yen~Level 3: 500yen~Level 4: 550yen~而最濃的level 6 就要600yen~
除左球裝的雪糕~仲有軟雪糕~有兩隻唔同濃度可揀
好吸引呀😍😍😍🍵🍦🍨真係好想全部都試晒😆😆😆
我哋最後揀左球裝最濃的level 6!!!
超級香、濃、滑!!!! 承惠600yen的雪糕係絕對值得食完又食~!!推介!!!
食完令人回味的雪糕~繼續行~~~
行行行~有兩棵櫻花呀🌸🌸
🌸好靚!!希望下次在櫻花盛開時再到訪日本🌸
在一間店舖的門外有一隻可愛的貓頭鷹呀!!!
吸引左好多遊人聚集在店舖的門外~相信貓頭鷹係店舖的生招牌~
被挷住的貓頭鷹~睇嚟個樣有點可憐......
好喇!!係時候食lunch~!!無錯!!未食飯已先食左雪糕😝
我哋在鎌倉食江之島的名物生白飯魚飯
因已差不多下午3點~食店無咩客人~~
我食B~有生白飯魚、熟白飯魚、火炙三文魚、帆立貝、三文魚籽
左圖係小女子的B飯~右圖係狂人弟的
起初以為生白飯魚會好腥~其實又唔係喎~至於好唔好食呢~~~無咩特別囉😂叫做試過下江之島的名物咁囉~
最特別的係果幾粒帆立貝~細到呢~~~~~
起初以為生白飯魚會好腥~其實又唔係喎~至於好唔好食呢~~~無咩特別囉😂叫做試過下江之島的名物咁囉~
最特別的係果幾粒帆立貝~細到呢~~~~~
鎌倉五郎本店~最出名的係半月燒
i-ZA 鎌倉裡面有賣日本特式手工藝品、茶屋、餐廳等等
在一間餐廳的戶外用餐地方~有隻乖乖的柴柴😊 坐在主人身旁
回到鎌倉駅
見到幾個日本小學生~一式一樣的白色帽子同埋啡色書包
穿過隧道~抬頭一看~好靚呀!!!🌸🌸🌸😊
雖然已過左滿開的季節~但都在唔同的地方俾我哋見到仲盛開著的櫻花👏太感恩!!
穿過車站往鎌倉市役所的方向
去到我哋在鎌倉的最後一個景點~鎌倉御成町的星巴克概念店
呢間Starbucks究竟有咩特別呢?? 稍後另開文章介紹
睇睇時間都係時候搭車返新宿會合在日友人吃飯~
搭江之電回到江之島駅~見到特別外觀的江之電埋站~
行返去小田急的片瀨江之島駅~
本來應該先搭去藤沢再搭列車返新宿~但眼見到有架特急先開~腳仔又開始軟~
於是~~~
每人俾左620yen買特別急行劵~~直接由片瀨江之島返新宿👏👏👏
我哋臨急臨忙先決定去買特急劵~站頭的職員開咪告知車長~叫車長等埋我哋先開車~
搞到架列車遲左1分鐘先開~真係唔好意思🙇🙇🙇
特急列車Romance Car座位闊落~坐得好舒服~
1個鐘頭多少少就去到新宿
瞓醒就返到新宿喇~!!
比起繁鬧的新宿、原宿、池袋~小女子更喜歡江之島&鎌倉
係是次初訪東京第二喜歡的行程(最愛當然係迪士尼啦😁)
呢個離東京市區只係大約一個鐘頭多少少車程的近郊地方確實係到訪東京Shopping之外的好選擇
.jpeg)
留言
張貼留言