初訪東京。 近郊。 江之島。 江之島-鎌倉周遊券 。 必食超大塊海鮮仙貝

食完個豐富的早餐~<初訪東京。 新宿。 Sarabeth's。 紐約早餐女皇>

我哋今日會先出發去有渡假風情擁有數百年歷史嘅連島沙洲的江之島~之後就會去埋附近的古都鎌倉~

離東京市區只係大約1個鐘的車程的近郊觀光地區~風景宜人、環境舒適~暫時離開繁囂的市區~享受下郊區的悠閒

我哋會搭乘小田急電鐵前往江之島

首先要去小田急電鐵新宿西口的小田急車站1樓的小田急旅遊服務中心購買"江之島-鎌倉周遊券"

專係服務遊客的小田急旅遊服務中心排晒長龍👫👫👫👫👫  若識日文的可以到旁邊的小田急特急劵counter買飛

正當我哋排緊隊的時候~有位職員用英文問我哋要去邊度觀光同埋係咪今日去~之後就帶左我哋去自動售票機的位置

原來即日的江之島-鎌倉周遊券可到自動售票機購買

職員幫我哋買飛而且仲俾埋今天的列車時刻表我哋~

江之島-鎌倉周遊券1470yen  

可以一天內搭乘新宿到藤沢間的小田急普通列車來回各一趟

及無限次搭乘江之島電鐵全線  同埋藤沢到片瀨江之島間的小田急普通列車

記住利用江之島-鎌倉周遊券係乘搭普通列車   普通列車的月台係4號及5號

 而2號及3號月台的係"浪漫"特急列車Romance Car

若要搭"浪漫"特急列車~就要加620yen買特急劵

我哋會搭乘10:31開出的藤沢行快速急行列車前往藤沢

車嚟lu~~

由新宿前往總站藤沢

差不多一個鐘頭就到藤沢~

要在藤沢轉乘片瀨江之島行的小田急列車至片瀨江之島

藤沢與片瀨江之島只係4個站之距

或者可以選擇在藤沢轉乘"江之電"(即江之島電鐵)至江之島 

若要轉乘江之電就要從月台前往2樓出閘~行過通往小田急百貨的有蓋天橋~前往在藤沢小田急百貨2樓的江之電車站轉車

 終於到左片瀨江之島啦!!

遊客必影📷--好有特式的片瀨江之島駅

好似係參照日本民間故事"浦島太郎" 裡面的海底龍宮的造型

江之島出發!!!

行過弁天橋就進入江之島

弁天橋的另一盡頭係觀光案內所~先入去攞地圖及旅遊資料~

經過觀光案內所~進入右手邊的行人隧道

隧道內有展板介紹江之島的旅遊景點

行過隧道~就去到江之島大橋~

江之島係1964年東京奧運的帆船比賽場地~而江之島大橋就係在當年為左東京奧運而興建的

可愛的狗狗🐕~回程的時候我哋又見到佢😊佢應該係島上的居民😁

位於關西神奈川縣藤沢的湘南海岸、片瀨川河口的江之島~係一個周長約四公里  高六十公尺的小島~

江之島景色宜人~所以係湘南海岸的熱門渡假勝地~日本人亦喜歡到呢度渡假 

(記得櫻桃小丸子有一集~小丸子都想到江之島旅行~但最終好似去唔成😂)

行過江之島大橋~5分鐘左右就去到對岸~

商店街的入口處有一座綠鏽色鳥居~呢座"青銅の鳥居"係藤沢市的指定文化財產

沿著斜坡~兩旁有各式各樣的餐廳、手信店、小食店、旅館等等

有Hello Kitty茶寮~倫敦少女的fans唔好錯過喇

龍宮乙姬公主及浦島太郎造型的Kitty & Daniel

(地下都有Kitty的蝴蝶結)

行前少少去到朝日堂本店(あさひ本店)

經常大排長龍的朝日堂係買咩既呢??  就係大大塊即叫即製的海鮮仙貝!!

今日無水母仙貝....

有八爪魚仙貝350yen、虎蝦仙貝600yen、蟹仙貝700yen~
先使用自動售賣機買飛~再把飛遞給店員

店員就會俾張引換劵~
因為係即叫即整~需要等候一陣~我哋叫左虎蝦仙貝

5分鐘左右~新鮮熱辣的虎蝦仙貝到手!!!!

熱辣辣的仙貝非常鬆脆香口~用料十分新鮮!! 店員係將虎蝦放入機器裡面把蝦的水份抽乾之後再壓扁

真係好大塊呀!!完全遮住晒個頭😆

食的時候要留意~因仙貝十分鬆脆的關係~好容易會斷開!!

斷開左跌晒落地一來整污嘈人哋的地方~二來無得食~咁就唔抵啦!!😁

雖然仙貝要350yen至700yen一塊~但朝日堂的仙貝可以話係江之島的"名物"而且真係幾好食(但會越食越咸😝)  一場嚟到又點可以錯過呢~!!

朝日堂旁邊的餐廳

擺放在餐廳門口的海鮮~唔知係咩嚟嫁呢??係咪墨魚呢??

日本好多地方都有分店的凸凹堂

斜坡的盡頭有座橙紅色的鳥居~呢座鳥居建於昭和11年(即1936年)~名叫"朱の鳥居"
代表住江之島的"江島神社"

在朱の鳥居的後面有一道造型好似浦島太郎故事裡面的龍宮城門的大門~呢道門叫"瑞心門"

 

在鳥居的旁邊係遊覽江之島扶手電梯的入口~遊人可選擇購買扶手電梯票搭電梯前往山頂展望台

有腳骨力想行下山的亦可步行上山

除了山頂展望台~江之島岩屋亦係著名的景點~網上資料話環繞江之島遊覽一圈大約需時3個鐘

但我哋今日時間比較趕急~因食左個豐富的早餐以致遲左出發~仲要去鐮倉~晚上要回新宿會合在日友人~

行程緊密~只好在呢度回頭  結束非常之短的江之島之旅~

🐚貝殼拼盤😝🐚

有櫻花呀!!

僅餘的🌸🌸🌸

葉櫻(即盛開過後開始出葉的櫻花)

嚟到江之島一定要試試江之島另一名物--しらす~即係白飯魚~

白飯魚炒蛋就食得多~唔知白飯魚刺身係咩味既呢?好唔好食既呢??

暫時未肚餓~稍後再食~~

回到江之島弁天橋~

起程去是日緊湊行程的下一站--鐮倉!!