2018春。 四國。 有驚無險從高松到松山。 偶遇麵包超人列車。 松山路面電車。 大街道。 満洲屋が一番
嚟到旅程的第四天~我地會暫時離開高松的香川縣, 移動去四國的另一個縣--愛媛縣
我地會在愛媛縣的松山住兩晚, 之後再返嚟高松
三日兩夜的松山行我地只帶輕便行李, 大型的行李就暫存在高松的酒店
酒店的服務很好, 當我地幾日後再check in的時候, 職員已經將我地幾天前寄存的行李安放在我地入住的房間👍👍👍
好~講回出發去松山當天~
先去買個早餐, 在車上食~
麵包超人角色造型的麵包~有麵包超人、方包超人、咖哩包超人......
唔知係咩口味呢~??
由於唔識日文的關係~都係食三文治穩陣啲~~~😆
買完早餐, 時間都尚早, 在JR高松駅內閒逛~~
麵包超人真係無所不在~在JR高松駅的二樓有給小朋友玩樂的地方, 充滿麵包超人
麵包超人自動售賣機 售賣麵包超人造型的果汁~
仲有麵包超人扭蛋~
按照計劃~我地會搭8:45從高松開出的特急いしづち3號前往松山
但係睇返顯示屏....8:45開出的點解唔係去Matsuyama松山 而係去Tadotsu多度津呢???
問左車站職員好幾次, 言語不通嘛~職員應該都覺得小女子有啲煩, 因除左我,仲有其他人不斷問佢~
職員話要先搭去多度津, 再去到多度津到對面月台轉車去松山
好吧~
上車食個早餐先~
今天的移動當然係繼續使用JR四國PASS
列車到左多度津, 大部份的乘客都同我地一樣移動去對面月台等待去松山的列車特急しおかぜ3號~
由於時間緊湊, 人又多, 加上自由席位於列車的後方, 大部分的乘客都集中在頭一卡的自由席等候上車
小女子拉著行李跟著一隊由高松去松山的攝影師在月台上奔跑😂, 往較後的車箱, 媽媽就緊隨後面
第一次在日本的鐵路月台奔跑, 亦第一次咁狼狽......
唉~~好不容易才安頓下來~鬆了一口氣~
途中見到麵包超人列車停泊在旁邊的月台呀!!
有關麵包超人列車: http://www.jr-eki.com/aptrain/index.html
若乘搭特急いしづち由高松前往去松山只需要2個半小時~依家就用左3個多小時~
Anyway~~~有驚無險終於嚟到四國人口最多的城市--松山~
(之後翻查JR四國的網頁, 原來係因為發生"人生事故", 因此高松直達松山的列車受阻, 需在多度津轉車~)
HI~~麵包超人, 咩又係你丫~~
到達松山第一時間緊係要去入住酒店放低重擔~
我地在松山入住兩晚的酒店位於松山市的旺區"大街道"
要乘搭伊予鐵道, 亦即係松山的市內電車前往
松山路面電車(伊予鐵道): http://www.iyotetsu.co.jp/rosen/
JR松山駅內的地圖, 跟著綠色路線行去市內電車站--"JR松山駅前"
要到市內電車站要過行人隧道(其實沿路都有十分清晰的指示), 但要睇清楚電車的路線方向,
我地要前往大街道, 所以係由呢條樓梯上, 另一面係去古町。城北方面
咁搭邊條線?? 放心~!!JR松山駅前的3條線都會停大街道駅, 只要揀啱方向就唔會搭錯車😄
咁搭邊條線?? 放心~!!JR松山駅前的3條線都會停大街道駅, 只要揀啱方向就唔會搭錯車😄
係呀!!係樓梯呀!!! 所以要睇清楚先好托行李行上去~
有無電梯或者LIFT??唔多見有~~可唔可以唔經隧道行地面??好似唔得喎~
松山市內電車每程車費160yen, 可以使用IC卡
亦可以在JR松山觀光案內所或在電車上與司機購買一日劵(500yen)/兩日劵(900yen)/ 三日劵(1100yen)
買一日/兩日/三日劵可以免費搭乘松山車站前的高島屋百貨樓上的摩天輪
我地就不需要購買一日或兩日劵, 因為ALL SHIKOKU Rail Pass已包含搭乘松山路面電車, 亦可憑PASS免費搭乘摩天輪
JR四國PASS確實係無敵超值~!!
由"JR松山駅前"去"大街道站"只需要10分鐘~
路面電車其實就好似香港的電車咁~不過係單層的叮叮~
大街道站落車行去酒店
今次入住的酒店松山全日空ANA Hotel Matsuyama就在大街道站的斜對面~
酒店的樓下就係松山三越百貨公司, 而隔離就係商店街, 對面就是路面電車大街道站, 行前少少仲有間lawson,
機能相當之好, 方便到不得了~!!
2018春。 四國。 住宿篇。 松山。 松山全日空酒店 ANA Hotel Matsuyama 松山全日空ホテル
2018春。 四國。 住宿篇。 松山。 松山全日空酒店 ANA Hotel Matsuyama 松山全日空ホテル
未夠鐘check in~咁就放低行李, 先去酒店旁的大街道搵食~
三越百貨公司
行下行下~去到呢間満洲屋が一番, 之前在plan行程的時候, 都有blogger曾經介紹過~
好喇~就食呢間啦~
同一般的拉麵店一樣, 先利用自動售賣機買想食的餐點, 然後搵位坐好, 再將食物劵遞給店員
満洲屋が一番的本店係在九州福岡久留米,
松山店有一樣餐點係限定的, 就係燒豚玉子飯喇~!! 430yen~
松山位於愛媛縣, 而燒豚玉子飯係愛媛縣今治市的名物
其他的満洲屋が一番店係無得食燒豚玉子飯嫁~!!
其他的満洲屋が一番店係無得食燒豚玉子飯嫁~!!
我地點左拉麵😆 因為果時想食拉麵多啲~~
同埋満洲屋が一番店其實係拉麵店嚟嫁~去拉麵店緊係要食拉麵啦😋
同埋満洲屋が一番店其實係拉麵店嚟嫁~去拉麵店緊係要食拉麵啦😋
麵條係比較細身的麵條, 濃郁的豚骨湯底, 加上秘製的辣醬
糖心蛋當然係無得輸啦~🍳🥚
嫰口而肥瘦適中的叉燒~
流晒口水, 好想即刻飛返去食返碗呀!!!
我地差唔多食完的時候, 見到有人食燒豚玉子飯,
碗飯唔算好大碗, 其實可以一人叫一碗拉麵, 再叫一碗燒豚玉子飯share食, 但奈何今次與小女子同行的係媽媽, 而不是狂人弟...所以"燒豚玉子飯, 我地下次有緣再見吧~~😭"
満洲屋が一番
營業時間: 11:00-翌日03:00
交通: 市内電車大街道駅徒步3分鐘
官方網址: http://manichi1.com/
食完午餐後, 在大街道閒逛等check in~
珍珠奶茶~日本的cafe開始有珍珠奶茶飲??
btw~~旁邊海報的pancake好吸引😋, 但剛剛食完午餐, 太飽食唔到~~
日本商店街不可缺少為遊客而設的免稅藥妝店~
夾公仔店
呢間係坊っちゃんcafe, 近門口位置有架少爺列車的火車頭
坊っちゃん少爺列車係咩東東?? 留待下一篇文章再介紹😊
2018春。 四國。 松山。 尋找千與千尋。道後溫泉區。少爺列車 坊っちゃん列車。道後溫泉本館
2018春。 四國。 松山。 尋找千與千尋。道後溫泉區。少爺列車 坊っちゃん列車。道後溫泉本館
另一間遊客推介的松山酒店--日本連鎖酒店Dormy Inn, 位於大街道內~
下一篇介紹下我地今次在松山入住的酒店--松山全日空酒店 ANA Hotel Matsuyama
2018春。 四國。 住宿篇。 松山。 松山全日空酒店 ANA Hotel Matsuyama 松山全日空ホテル
2018春。 四國。 住宿篇。 松山。 松山全日空酒店 ANA Hotel Matsuyama 松山全日空ホテル
留言
張貼留言