2018春。 四國。 松山。 尋找千與千尋。道後溫泉區。少爺列車 坊っちゃん列車。道後溫泉本館
check in 完 松山全日空ホテル, 我地就出發去道後溫泉區!!
道後溫泉區位於四國愛媛縣松山市, 係市內的著名旅遊區
據說道後溫泉約在3000年前開池, 號稱日本最古老的溫泉, 與有馬溫泉(兵庫縣)、白浜溫泉(和歌山縣)並列為"日本三大古湯", 其中道後溫泉本館更是日本重要文化財
據說道後溫泉約在3000年前開池, 號稱日本最古老的溫泉, 與有馬溫泉(兵庫縣)、白浜溫泉(和歌山縣)並列為"日本三大古湯", 其中道後溫泉本館更是日本重要文化財
大家有睇過宮崎駿的千與千尋嗎?? 聽說動畫中湯婆婆的"油屋"的靈感來源就係道後溫泉本館~所以每年吸引超過100萬的遊客到來參觀~!!
因為道後溫泉本館已經開業100多年, 為左補強及耐震, 從2017年秋天起, 道後溫泉本館要進行全面的整修, 預計要關閉5至7年呀!!!
我地在2018年4月時到訪, 已經預左見唔到整修中的道後溫泉本館的真身, 但去到見到道後溫泉本館好似正常營業中, 見到不少遊人進出本館, 唔通全面整修延期??
ANYWAY~~ 向著道後溫泉區出發~!!!
搭松山路面電車從"大街道"駅去"道後溫泉"駅~
大街道駅有3條線, 分別係2、3、5號線, 去道後溫泉區要搭紅色3號線或者藍色的5號線
在終點站落車~
我地無專登預好時間坐坊っちゃん列車(少爺列車), 但我地遇見佢呀!!😊
少爺列車就跟住我地坐果架電車的後面
點解呢架古老火車頭會叫做坊っちゃん列車(少爺列車)呢??
起源於日本名作家夏目漱石的小說"少爺"
小說講述一個從東京來的少爺如何在四國松山呢個比較鄉下地方生活, 而小說所講述的年代蒸汽火車仍在運行, 因此蒸汽火車成了貫穿小說的配角
為左推動觀光旅遊, 2001年松山市伊予鐵道將已經退役的蒸汽火車修復為柴油引擎推動再重新行駛, 呢個古老火車頭就被命名為"坊っちゃん列車" (少爺列車)
若購買左伊予市電1日券(500yen), 只需要加300yen就可以搭乘少爺列車
JR四國PASS只可搭乘伊予市電(即松山市內電車), 並無包含搭乘少爺列車, 要搭乘就要俾原價800yen
坊っちゃん列車共分成兩條路線行駛, 分別係道後溫泉往返"松山市"與"JR松山站、古町"
想搭充滿歷史味的古老火車記住要預早查好班次喇~
少爺列車時刻表: http://www.iyotetsu.co.jp/rosen/rail/shinai_time.pdf
坊っちゃん列車到左道後溫泉駅後, 幾個職員用人手及力氣合力幫坊っちゃん列車調頭
如果無搭到坊っちゃん列車都唔緊要, 列車會停泊到車站前的廣場, 供給遊客拍照及一睹坊っちゃん列車的風采~
道後溫泉駅~
歐式建築的道後溫泉駅~駅內有間Starbucks
道後溫泉商店街~邊逛邊買, 順著L型的商店街行到底就係道後溫泉本館
行商店街前,記住睇睇商店街入口左手邊的少爺音樂鐘
音樂鐘於1994年為紀念道後溫泉本館100周年而建造, 外型模仿道後溫泉本館的振鷺閣, 屋頂上面都有一隻白鷺(呢張相唔係好見到tim😝~~)
每天8:00-22:00的整點, 音樂鐘會播放音樂報時, 而《少爺》小說的人物就會從鐘內跑出來聞歌起舞
旁邊有個無料足湯, 可以免費享受泡腳的樂趣 (請自備毛巾抹腳)
可到商店街入口的道後溫泉觀光會館索取道後溫泉區的觀光地圖及其他遊客資訊
好~!!開始shopping喇喂~!!!
道後溫泉商店街設有圓頂的屋頂, 打風落雨都唔成問題~
沿著街道的兩邊, 有各式各樣的店舖林立, 遊人不算太多, 逛街環境十分舒適
介紹下商店街部分的店舖~
呢間芋屋金次郎係賣炸蕃薯條的~小女子對蕃薯一向唔太喜好, 相反媽媽就十分喜歡食蕃薯, 但媽媽話驚太熱氣, 所以無食到😐
芋屋金次郎
營業時間: 09:00 - 21:00
定休日: 年末年始
官方網址: http://www.imokin.co.jp/
相信大家對杉養蜂園都唔陌生, 因杉養蜂園在全日本各地都有分店,
售賣各款種類、口味的蜜糖, 原味、檸檬、柚子、藍莓、巨蜂提子等等的口味都有~
一六タルト 一六本舖
松山旅遊必買的手信--四國名物毛巾捲蛋糕, 好似卷蛋的蛋糕, 內裡包住的係紅豆蓉
有不同的口味, 最熱買的係經典口味--柚子風味紅豆蓉, 另外仲有抹茶等其他口味
有整條蛋糕卷的禮盒裝, 亦有單件裝可購買, 可以試下唔同的味道~
一六タルト 一六本舖
營業時間: 7:30-22:00
創業超過100年的老店--丸水
據說係宇和島鯛魚飯的創始店, 宇和島鯛魚飯係將鯛魚魚生片鋪在飯上面, 再將高湯與雞蛋混合後食用
丸水
營業時間: 11:00-15:00(Last Order: 14:30)
17:00-22:00(Last Order: 21:30)
定休日: 無休
官方網址: https://www.gansui.jp/
昭和天皇點名御用的タルト--六時屋
1933年創立的六時屋係當地人推崇的老字號, 店內設有座位, 可在店內享用蛋糕及雪糕
六時屋的毛巾捲蛋糕係松山必買名產, 其實同一六本舖買的差唔多, 就係紅豆蓉卷蛋嘛~
但天皇、皇后點名御用喎~我地緊係買六時屋啦😆
我地買左2盒獨立包裝當送禮, 另外小女子買左一件試試~好唔好食??唔~~~又唔可以話唔好食, 亦稱唔想為好食, 係蛋糕質地比較軟綿而紅豆蓉偏甜的卷蛋
六時屋
營業時間: 9:00-21:00
定休日: 年中無休
愛媛縣的今治市名產係毛巾, 而最著名、最大規模的品牌就係呢間伊織, 在道後溫泉商店街就有兩間分店
除左有各式各樣的毛巾外, 仲有好多用毛巾材質製作的產品, e.g. 頸巾、口水肩、嬰兒玩具等等
花款五花八門, 花多眼亂
伊織的產品走高級路線, 所以價格亦唔便宜, 但絕對係"Made in Japan"
伊織係免稅商店, 買滿退稅的金額就可以即場辦理退稅
伊織
營業時間: 9:00-22:00
官方網址: https://www.i-ori.jp/
日本商店街的常客--どんぐり共和國
龍貓在道後溫泉的巴士站等貓巴士嚟接佢呀😆
去到商店街的盡頭仲有一間一六タルト
道後溫泉本館就在商店街的盡頭~
有3000年歷史的道後溫泉本館係日本重要文化財, 係第一個被指定爲重要文物的公共浴場
依家的建築係在1894年重建的, 充滿古舊味道的三層木造結構式建築
彷彿時光倒流一般, 或置身於千與千尋的動畫情景中~
道後溫泉本館內設有1899年建造日本唯一的皇室專用的湯殿"又新殿", 另有"神之湯"、"靈之湯"等湯池
如果唔想浸溫泉, 亦可以進去參觀皇室專用的浴室又新殿
參觀又新殿的入場費: 260yen, 參觀時間:06:00~21:00
湯池分為神之湯階下、神之湯2樓席、靈之湯2樓席、靈之湯3樓個室
每一個的湯池收費都略有不同, 票價介乎410-1550yen之間, 營業時間都不一樣
詳情請參閱官方網址: http://www.dogo.or.jp/pc/time/
本館門口停泊左幾架人力車, 可join人力車tour, 坐人力車遊覽道後溫泉區
在人力車的襯托下更顯得本館的歷史悠久, 整個氛圍更加古色古香
之前有報導話因要補強及耐震, 道後溫泉本館將於2017年秋天開始整修, 而且長達5至7年才完成整修, 但整修好似延期了~
道後溫泉本館屋頂有被稱爲振鷺閣的望樓，商店街入口的少爺音樂鐘就係模仿振鷺閣
望樓上的“刻太鼓”在每天早中晚會擊打三次, 鼓聲就會在溫泉之鄉迴蕩
何解本館正中央屋頂的振鷺閣上面會有一隻白鷺企響度呢??
據說當年有隻腳受左傷的白鷺, 每天都飛到岩石的縫隙間泡溫泉, 浸浸下腳傷就漸漸被溫泉治癒, 人們聽到就開始嘗試浸溫泉, 越來越多人聽到呢個故事而冒名而來, 因此道後溫泉就聲名大噪
充滿古樸色彩的本館, 在晚上會亮燈, 聽說亮左燈的本館又有另一番的味道
道後溫泉本館官方網址: http://www.dogo.or.jp/pc/time/
道後溫泉本館旁的道後麥酒館
行完商店街, 參觀完道後溫泉本館, 不妨去食下小食, 飲下啤酒
道後麥酒館
營業時間: 11:00-22:00
為著要等天黑, 等待本館亮燈, 於是我地就繼續在商店街閒逛
愛媛縣盛產柑橘, 並有柑橘王國美譽
在當地的柑橘依品種不同而有各自的名字, 例如伊予柑、溫州蜜柑、Setoka等等
所以呢度有林林總總的柑橘類產品
以新鮮柑橘製作的軟雪糕、雪糕球、雪芭, 係愛媛必吃美食!!😋
柑橘味的雪芭清爽酸甜, 解渴又開胃, 唔好錯過呀!!!
本館的另一面係道後溫泉別館
道後溫泉別館在2017年9月正式開幕
別館的外觀比起本館失卻歷史的痕跡及味道, 但若然本館進行全面整修, 去唔到本館浸溫泉就去別館吧~
同本館一樣, 別館的最高點同樣有一隻白鷺企在屋頂上
10 FACTORY販售著各種的柑橘果汁、果醬、果乾、雪糕、大福等等
撞正道後店的定休日...
10 FACTORY (道後店)
營業時間: 09:00-21:00
定休日: 星期三
官方網址: http://10-factory.com/
行返去商業街的入口
行到有啲累, 小女子同媽媽都坐低享受下免費的足湯~~
好舒服, 浸完真係無咁累喎😊
見到少爺音樂鐘屋頂上面的白鷺嗎??
坊っちゃん列車的售票處~
道後溫泉係兩條坊っちゃん列車會行走的路線的終點站
留意坊っちゃん列車每日行走的時間, post多次條link俾大家~
等等等, 等極個天都未黑.....唔等lu~~返酒店喇
建議: 道後溫泉的遊客區面積不大, 商店街亦唔太長, 兩個小時內可行完, 所以建議在黃昏的時候到訪道後溫泉區, 可見到道後溫泉本館亮燈前及亮燈後的不同美態
.jpeg)
留言
張貼留言